1WAMANGI 2:3 - Bibilia Kui Mdedie fo Kimochi

³ Wada tapu mbonyi tsa Mndumii, Ruwa opfo, uwechumia njienyi tsake, uwode mawawaso na mwanduye yake, na wukiilohi woke, chandu kikiṟehiye wuwawasonyi wo Mose, kundu uiṟimiṟe kiidi kya orio kindo ochikiṟunda, na kilya ukusirie ihenda iwuta;

1WAMANGI 2:3 ပူးပေါင်းရင်းမြစ်များ

2SAMWELI 8:14

Kyasia, Dawidi kawika kambi tsa waskari wake orukenyi lo Edomu lose, na Wamoabu wose wakawa wumanginyi woke. Na Ruwa kainenga Dawidi pfinya ye winza shidenyi orio handu hose ahenda.

2SAMWELI 8:6

Dawidi kawika kiṟaṟo ya waskari wake wafoi kiidi kya mṟi fo Aramu fo Dameski. Waaramu walya wakawa masinga hake na imtaa okamba. Ruwa kainenga Dawidi pfinya yekapana na iwinza orio handu ahenda.

1WAMANGI 3:3

Solomoni kakunda Mndumii, kaweosha njotende tsa ndee Dawidi, kawewuta shichihiṟie Ruwa, kyaindi kawewika kidaso handu hakuirie, kawepfamiṟa handu hakuirie.

2WAMANGI 18:7

Kyasia Mndumii-Ruwa kawa hamu nao, kamtarama orio kindo alewuta. Kalekana na mangi o Ashuru kaleha imṟundia.

1MBONYI TSA MAHERI 29:19

Hoi Mndumii keinenga Solomoni mana oko mrima fo langa iindia mawawaso na mloshie yapfo; na mrima fo langa isungusia hekalu li ngameliteseheṟia shihia shalyo.”

SHIIMBO SHA DAWIDI 119:111

Wuṟingishi wopfo njilewuhaluo kyoṟa kya mlungana, kyamba nyiwo iṟamka lya mrima foko.

SHIIMBO SHA DAWIDI 119:138

Kulewawasia wuṟingishi wopfo kya wusumhanyi, na kui wuhendeli wufoi.

SHIIMBO SHA DAWIDI 119:2

Nanga iwo wekeindia wuṟingishi woke, Wekempfula kui mrima fose.

SHIIMBO SHA DAWIDI 19:7

Mdumbuye fo Mndumii nyi fo Wusumhanyi, Fokewihiṟia mndu moo. Wuṟingishi wo Mndumii nyi lohi, Wokepfunda isembo wuṟango.

KOHELETI 12:13

Iki nyi kiheo kishikie kya madedo hose haweichio india Ruwa, nowade mawawaso hake; kipfa ikyo kiwaṟi mndu.

WALEWI 8:35

Nanyo mochikaa o mongo fo ihema lyesanzia ko mfiri mfungade mfiri na kio, na iringa wuringi wo Mndumii, mlashike ipfa; kipfa nyi wudo njilewawasio.”

MALAKI 4:4

“Kumbuonyi wuwawaso wo Mose, mṟundi oko, chando njilembawasa ipfo Horebu kipfa kya Waisraeli wose, iwawaso na mwanduye.

NGUMBUO YA MAWAWASO 29:8

lukawada oruka lowo, lukahawia shishari sha Reubeni, Gadi na kienga kya kishari kya Manase luwe masaa hawo.

NGUMBUO YA MAWAWASO 29:9

Koikyo mwambuye necha iwada madedo hose ha mkundanafu kundu muidime ihuyo necha maṟundenyi hanu hose.

NGUMBUO YA MAWAWASO 4:1

Mose kaengeṟa ihamba, “Hendelienying'u na iosha mawawaso hose na shilya njilemulosha, kundu muidime ikaa na ichilia kulya orukenyi Mndumii-Ruwa, Ruwa o Wandeanu, aimuinenga.

NGUMBUO YA MAWAWASO 4:45

Nalewainenga mdumbuye, mloshie na shitutumo sa Mose aleinenga Waisraeli mandi walewuka Misri,

NGUMBUO YA MAWAWASO 4:5

“Kyasiang'u! Njimulosha mawawaso na shilya shose Mndumii-Ruwa, Ruwa oko alenjitutuma ke njiwute, kundu mushiwade ipfo orukenyi kundu muihenda ikaa.

NGUMBUO YA MAWAWASO 4:8

Manya kuwode mkambo fungi fose ma fukang'ana fuda, fuwode mawawaso na wuikimbi wo lohi, cha ishi njikeri imulosha inupfo.

NGUMBUO YA MAWAWASO 5:1

Mose nalelaha Waisraeli handu hamu wose, kawawia: “Lanye Waisraeli, adanyienyi mawawaso na shiteṟio njikeri ihamba oshangunyi lonu inu. Kuloshenyi na ihaawutsia kui wuhendeli.

YOSHUA 22:5

Muwe wahendeli, mwindie necha mawawaso halya Mose mṟundi o Ruwa alemuwawasa. Mkunde Mndumii-Ruwa, Ruwa onu, mochiosha kilya akundi na iringa mawawaso hake, muhende ikaa kimu nao mochimṟundia ko mrima na ngoo yose.”

YOSHUA 23:6

“Kyasia, hoṟokenyi mui wawanzi, mochiosha na iwuta isho shose shii shiṟehie kitapunyi kya wuwawaso wo Mose, mlaembeṟukie ora lo kulyo manya lo kumoso,

1SAMWELI 18:14

Dawidi kahuyo ko orio kindo alekiwuta, kyamba Mndumii-Ruwa nawei kimu nao.

1SAMWELI 18:30

Ichekeṟo lya Wafilisti lyilehenda ikapana na Waisraeli, kyaindi orio mandi wamekapana shida, Dawidi nalewinga kota waṟundi wa Sauli ko kudo rina lya Dawidi lyikaengeṟa ing'anyisho mnu nakamu.

1SAMWELI 18:5

Handu hose Dawidi aledumo nyi Sauli, Dawidi nalehuyo. Ko ikyo, Sauli kammbika nawe mnene o ichekeṟo lyake. Kindo-kyo kilechihiṟa wandu wose, na waṟundi wose wa Sauli-da.