1WAMANGI 2:2 - Bibilia Kui Mdedie fo Kimochi

² “Inyi njikeri kufui ipfa; kyasia uwe ngohoda, ukarie cha womi;

1WAMANGI 2:2 ပူးပေါင်းရင်းမြစ်များ

2SAMWELI 10:12

“Kyaindi makulaowuo! Lukaapane kisoṟo kundu lukiṟe wandu wadu na mṟi i ya Ruwa iladao. Na Mndumii-Ruwa naluwutie shilya shimchihiṟie.”

2SAMWELI 12:23

Kyaindi ili mana ulya amepfa, nkili njechikuima kelya? Aka njeidima iṟutsa manacho?”

1WAMANGI 3:7

Na wulalu hoi Mndumii-Ruwa oko, omenjishimbuo njiwe Mangi handu ha ndeako Dawidi, na inyi njii mana mtutu mnu njilaichi chandu kinjiwaṟi iwuka na iida kiidi kya mkambofu.

1MBONYI TSA MAHERI 22:13

Kokoya ochiidima iindia mawawaso na mapfundo halya Mndumii-Ruwa aleinenga Mose hechilia Israeli, nochihuyo. Kuwanze mnu na ikaria, manya kulapfiio nyi mdo, ma iowuo kindo kyose.

1MBONYI TSA MAHERI 22:16

na sahabu, fesa, menya njiiwu na menya njiumu. Wulalu nowode waṟundi na shindo shishikie, koikyo woka iṟunda, na Mndumii-Ruwa nawe na iyo nakutarame.”

1MBONYI TSA MAHERI 28:10

Ko ikyo ambuya mnu, kyamba Mndumii-Ruwa amekusambuṟa iyo nosungusie mba sa yechiwa handu haele; kuwanze mnu, na iwuta iṟunda lyo.”

1MBONYI TSA MAHERI 28:20

Kyasia, Dawidi kawia mana oke o Solomoni, “Kutumuhaṟe, nowade mrima mtumuhari, nuṟunde kudo; makulaowuo ma ikangaṟika, cha kipfa Mndumii-Ruwa, Ruwa oko, nakeri hamu na iyo. Echikuda kumonyi pfo, nechiwa na iyo mṟasa iṟunda lyose lyesungusia hekalu lya Mndumii-Ruwa lisie.

YOBU 16:22

Kipfa ikamemaa iida maka njiangu, Njechikuhendia njienyi iya njilechiwuya - se.

YOBU 30:23

Kipfa njiichi nochinjiende mṟasa opfunyi njishikie mbenyi ya wateṟie wose wenyi moo.

SHIIMBO SHA DAWIDI 89:48

Nyi msoṟo o mbari njiki ekaa alewona opfu, echikuashuo mrima foke na owoko lo ko wapfu?

KOHELETI 12:13

Iki nyi kiheo kishikie kya madedo hose haweichio india Ruwa, nowade mawawaso hake; kipfa ikyo kiwaṟi mndu.

1 WAKORINTO 16:13

Laenyi choowe, hoṟokenyi na wuhoṟotsu wo mwidikye, muwe womi muwewa ngohoda.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

NGUMBUO YA MAWAWASO 31:23

Numa Mndumii-Ruwa kawawasa Yosua mana o Nuni, kambia, “Kutumuhaṟe nowe ngohoda kyamba nochisongoya Waisraeli kulya orukenyi njilelya nyamu njechiwainenga, na inyi njechikaa hamu na iyo.”

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.

2TIMOTEO 2:1

Na wudo iyo, manoko, ukuwangie wutongenyi iwu wui Kristo-hu Yesu.

WAEBRANIA 9:27

Nakyo kirianyi na kya wandu ili kiwawaṟi wapfe limu. Likamewa washike yanduyo.

YOSHUA 23:14

“Ambuyenyi, kiheri kyako kewuka wuyanenyi nyi kishikie, nanyo nyi muichi mrimenyi yanu na ngoonyi tsanu ke shindo shose shicha Mndumii-Ruwa awewawikie kyasa kuwode manya kimu kileda kilawutikapfo. Shose nyi shileawutsio chando awewikie kyasa.