1WAMANGI 19:9 - Bibilia Kui Mdedie fo Kimochi

⁹ Ipfo, kashika handu hawode opanga, kakaa-pfo, kudi idedo lya Mndumii-Ruwa likamchea, “Elia nkiki uiwuta iya?”

1WAMANGI 19:9 ပူးပေါင်းရင်းမြစ်များ

MAWOOKIONYI 16:8

Kambia, “Hajiri, iyo ni kisinga kya Sarai, nku owuka, na nku uihenda?” Kahamba, “Ngadicha njiwuka oshangunyi lo wama oko Sarai.”

MAWOOKIONYI 3:9

Kyaindi Mndumii kalaha mnducho, kambia, “Nku oi?”

1WAMANGI 19:13

Kyasia, Elia kekiicho ṟu lyo, kashikia kyamu kyake na ikonya lyake, kakure kahenda ihoṟoka oo mongonyi fo opanga. Ai ho kaicho ṟu, “Elia nkiki uiwuta iya?”

YEREMIA 2:18

Na wulalu nochiwuta kuda kiidi kya njia ihendie Misri, inyo mṟinga fo Shihori Ang'u nochiwuta kuda kiidi kya njia ihendie Ashuru, inyo mṟinga fo meda fulya?

YEREMIA 9:2

Kima mbewode handu hekaa orukenyi lo msanga, kichangalenyi kya wandu wa kyaṟo njiidime ida wandu wako; na ikure kowo. Kipfa wo nyi waṟuhui wose piu, kisanzio kya wandu waminyi.

YONA 4:5

Nalyo Yona kakure kulya mṟinyi kahenda ikukaya ora lo ngamenyi lo mṟi fulya, kawikapfo wutengo kadamia wanda ya ria lyakyo, kundu nawone chando kihendeka kya mṟi fulya.

WAEBRANIA 11:38

Nyiwo wuyana wu wulawewasumhanye. Wawekeṟahaṟaha weowa ko olele na ipfo mafumvunyi na ipfo njopangenyi na mṟeshenyi ya wanda ii.