1WAMANGI 18:4 - Bibilia Kui Mdedie fo Kimochi

⁴ Kikawa kiheri, Yezebeli aweiwaha waikimbi wa Mndumii, Obadia naleduo waikimbi ihana 100 kawaṟika makumi hatanu opangenyi, kawalela na kando na mṟinga).

1WAMANGI 18:4 ပူးပေါင်းရင်းမြစ်များ

1WAMANGI 13:16

Nao kambia, “Njechiidima iwuya kimu na iyo pfo, na iida na iyo ma ilya kelya ma inyo mṟinga na iyo handu-ha-pfo.

1WAMANGI 17:11

Kiheri awehenda iende, kamlaha kambia, “Kenjiendie na kipeṟengu kya mkate owokonyi lopfo.”

1WAMANGI 18:13

Ngesa, Mndumii alemewio chandu njilewuta kiheri Yezebeli alewaha waikimbi wa Mndumii? Chandu njileṟika waikikumbi wa Mndumii wandu makumi hatanu 50 ko makumi hatanu 50 kiidi kya opanga, ngawalela na kando na mṟinga?

1WAMANGI 18:5

Ahabu kawia Obadia, “Ida orukenyi sokenyi tsa mṟinga tsose, na shimeda shose, kofia lochiwona maṟa luinenge frasi na mchungu. Kundu lulawone lochiarisio shuma shi wanda.”

2WAMANGI 6:32

Kyaindi Elisha nawekukerie kanyi koke na wameku wawei nao; mangi kaduma mndu namsongoye nahende koke, kyaindi mndu ulya alemduma alameshika, Elisha kawia wameku walya, “Muwonyi chandu mana o mbaahi aleduma nanjidumbuo mdo foko? Ambuyenyi, icho amdume, kacha shingenyi mongo, mumtirimishe o mongonyi. Ngesa ṟu lya mtiṟi fo mndumii oke lii nduma yake?”

2WAMANGI 9:7

Na iyo nochikapa mba ya Ahabu mndumii opfo, kundu njikutaaye kiṟache kya samu ya waṟundi wako wose wa Mndumii, owokonyi lo Yezebeli.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

YESAYA 16:3

Ende mbonyi; hamba kidedo; haluo kiṟinje kyapfo kiwe cha mema kiidi kya mfiri; owisha walya wafune; kulasuwie walya wadekie.

YEREMIA 26:24

Kyaindi owoko lo Ahikamu, mana o Shafani, luwei handu hamu na Yeremia nalakilekie wandu wambahe.

YEREMIA 36:19

Kiidima wanene wo wakawia Baruku, “Iyo henda muhende iowa kimu na Yeremia, ma kulawade mndu oose echimanya handu mui.”

MATAYO 21:35

Na wademi walya wakaduo masinga halya hake. Ichu umu wakamkapa, ichu ungi wakambaha, ichu ungi wakamkumbya maho.

MATAYO 25:35

Nyi kipfa njiwewodo nyi njaa mukannenga shelya. Mbei mangari mukanjirutsa mṟinga. Mbei mhenu mukanjionduo na konu.

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

WAEBRANIA 11:38

Nyiwo wuyana wu wulawewasumhanye. Wawekeṟahaṟaha weowa ko olele na ipfo mafumvunyi na ipfo njopangenyi na mṟeshenyi ya wanda ii.