1WAMANGI 18:12 - Bibilia Kui Mdedie fo Kimochi

¹² Kipfa kechiwa, ili njechikure kopfo, mumuyo fo Mndumii fochikuduo uhende kundu njilakuichi, na inyi ili njechihenda iwia, Ahabu, nao nalakuwone, nechinjiwaha, indi inyi mṟundi opfo njiowoye Mndumii wokia uwanake woko.

1WAMANGI 18:12 ပူးပေါင်းရင်းမြစ်များ

1WAMANGI 18:11

Na iyo wulalu nohamba, henda uwie Mndumii opfo, Elia naipfo!’”

2WAMANGI 2:11

Kikawa kiheri wawehendesana wechideda, ambuya: kukacha igari la modo na frasi tsa modo, likawaletsana wa wawi, nao Elia kado ruwehu na otanu lo kiwiriwiri.

2WAMANGI 2:16

Wakambia, “Ambuya iya kuiho na waṟundi wapfo wandu makumi hatanu wakari, lokuterewa wahende ishiha mndumii opfo, kilawe kofia mumuyo fo Mndumii fomrakuo na imkumba huya fumvu ang'u pichi limuho.” Kahamba, “Mulawadume.”

2MBONYI TSA MAHERI 34:3

Kiidi kya maka fo kaana fo wuotoṟi woke, mangi Yosia akeri mana mtutu, nalewoka iadapfuma Ruwa o sahuye o Dawidi. Na kiheri aleshika maka ikumi na iwi, kawoka isanja Yuda na Yerusalemu, kechirumatsa rasio tsose tseindia maruwa hengi, sanamu tsa Ashera, na sanamu tsingi tsose tsetsana na tsilya tsijisungusie ko isalaṟa menya.

SHIIMBO SHA DAWIDI 71:5

Kipfa nyi iyo njikusihie, Hoi Mndumii-Ruwa, kikusiryo kyako kuwokia ukoho woko.

MFANANO 8:13

Iindia Mndumii nyi isuo wuwicho, Orikiki na ikushela; na njia njiwicho; Na dumbu lya wulemeshi nalyo njilisuo.

KOHELETI 7:18

Kikuwaṟi noindie idedo lyo lya kuwoka, na lilya lya kawi da; cha kipfa kuoindia Mndumii-Ruwa nochihuyo.

YESAYA 50:10

Nyiu kiidi kyanu aowoye Ruwa, ekundia ṟu lya mṟundi oke? Ichu ekeida memenyi, alawode saa, akusirie rina lya Mndumii, na ikusiria Ruwa oke.

EZEKIELI 11:24

Njikeri njido kiidi kya ndodo iya, mumuyo fo Mndumii-Ruwa fukanjiiriya huye fukanjisotsia kulya Babiloni ko wandu walya wai wusingenyi. Nahong'u ndodo iya ikasia.

EZEKIELI 37:1

Kyasia Mumuyo fo Mndumii-Ruwa fukanjichea, nalyo fukanjiiria kui mrima fukonjisotsia handu ha pichihu nalyo liweichuo mafuo.

EZEKIELI 8:3

Nalyo mnduchu kalesha owoko loke kawada njui tsako kanjiiria huye kiidi kya ruwehu na wuyana, na hong'u kanjiwia kui ndodo ya Mndumii-Ruwa; kawenjirundutsa itane Yerusalemu hando ha mongo fulya foida na rasionyi lya Mndumii alya hando ofano lo Ruwa lulawekewa isanzo na kindo kingi.

MATAYO 2:16

Kyasia Herode amewona ke amesolo nyi walaanyi walya, karihinyika mnu nyashi, kaduma kuwooho shiwana shose sha kulya Betlehemu na sha kulya mṟasenyi kuitumanyi napfo, shilya shimaiye maka iwi na shilya shiwuuye numa ya kiheri kilya etuma walaanyi walya.

MATAYO 4:1

Nalyo Yesu kadao kundu ko nuka nyi Mumuyo, kundu nahende heshio-fo nyi Satana.

LUKA 1:15

Kipfa nyi echikaa nawe mndu mnene ipfo sumuhana na Ruwa, elechinyo mvinyo ma kindo kyenanza, naweka amichuṟe Mumuyo Mwele kiwookia awuka wusunyi wo mae.

MAWUTO HA WASU 12:19

Nao Herode kekimpfula nalambone kawesa waringi walya kawawasa ke wawoho. Nao kasoka awuka kulya Yudaya kahenda kulya Kaisaria kakaapfo.

MAWUTO HA WASU 8:39

Kikasia wekiwuka kulya mṟingenyi malaika o Mndumii kaira-ho Filipo kemmeṟutsa msenge ulya nalakimbone-se, kawada njia tsake a mchihie.

2TIMOTEO 3:15

Uichi na Maṟehyo halya Maele nyi wokia wututu wopfo, naho heidima ikuwonya wuṟango woimanya okiio luwukye wuidikinyi wukuwode na Kristo Yesu.

1SAMWELI 16:2

Samweli kahamba, “Nyiwuda njechiidima ihenda? Sauli kamanya mbonyitso, nechinjiwaaha!” Mndumii-Ruwa kambia, “Duo ihache, komeshikapfo nohambe, ‘Ngacha iwikia Mndumii-Ruwa kidaso.’

1SAMWELI 2:18

Kiheri kyo, Samweli kaengeṟa iṟundia Mndumii-Ruwa, kyechiṟaa kizibau kya kitani.

1SAMWELI 2:26

Mana ulya Samweli kaengeṟeka ing'ana, kaengeṟa ikundo nyi Mndumii-Ruwa na wandu.