1WAMANGI 17:12 - Bibilia Kui Mdedie fo Kimochi

¹² Mka ulya mkusu kamhaluo, “So Ruwa ai na moo, njiwode mkate pfo, shile nnde imu ya mso fui kinungunyi na mafuda maangu hai chupenyi na inyi njikeri isana shingu shiwi kundu njisungusie kelya kyako na manachu oko, lulye luwedie opfu.”

1WAMANGI 17:12 ပူးပေါင်းရင်းမြစ်များ

MAWOOKIONYI 21:15

Mṟinga fulya foikisia kulya kitumonyi, kalaṟa mana ulya shiya ikidi limu.

MAWOOKIONYI 21:16

Kahenda kakaa handu haleshe cha ha mkumbie fo mfi kemwambuya; kipfa nalehamba, “Ndawone manachu kechipfa;” nao kakaa kechimwambuya, kakoṟoṟoma na ṟu lyake, kafihiṟa.

2SAMWELI 15:21

Nahong'u Itai kahaluo Dawidi kambia, “Ngalya nyamu njechisenda rina lya Ruwa ke; handu hose ochiwa na inyi njehenda na iyo ko mecha ang'u mawicho, ma koka nyi opfu njechiwa na iyo.”

1WAMANGI 17:1

Kyasia Elia o kihongo kya Tishbe ipfo Gileadi, kawia Mangi Ahabu, “Kwi rina lya Mndumii-Ruwa, Ruwa o Israeli ai na moo ichu njekemṟundia, ngakulyia nyamu ke kochiwada ṟauṟa ma mvuo-pfo na kui idedo lyako.”

1WAMANGI 17:11

Kiheri awehenda iende, kamlaha kambia, “Kenjiendie na kipeṟengu kya mkate owokonyi lopfo.”

1WAMANGI 17:13

Elia kambia, “Ma kulaowuo, henda uwute chandu ohamba; kyaindi sungusia mkate unjiendie kuwoka; kiidima usungusie kyapfo na mana chu opfo.

YEREMIA 14:18

Ngahenda nja mndeminyi. Ngakoya mnying'a ya wandu wawahe shidenyi, ngaida na mṟinyi ngakoya mnying'a iwaahe nyi njaa! Waikimbi na wakohanyi watambahanyia mbonyi tsawo orukenyi, walamanye kindo waiwuta.’”

YEREMIA 4:2

Na iyo nyi wudi ochilya nyamu kui Rina lya Mndumii kui wukilohi, wusumuhanyi na wuhendeli, kochihamba, ‘So Mndumii ai na moo, Nlyondi mkambo fo wandu wechiwikio ona nyio, nawo wechimṟumisha.’”

YEREMIA 5:2

Ma wakahamba, “So Ruwa ai na moo.” Walya nyamu ya wongo.

SHILIO 4:9

Nyi nanga walya walepfia shidenyi wechikapana, kota iwo walepfa kyombuho kipfa kya njaa.

MATAYO 26:7

O handu ai kukacha napfo mka arie chupa ya Alabasiteronyi iwode mafuda ha wuhuru wung'anyi. Kacha kampusuya oo mdonyi adamie ipfo kilionyi kya shelya.

1SAMWELI 14:39

So Mndumii-Ruwa chu ai na moo na ekeshuo Waisraeli, manya kokoya nyi manachu oko Yonathani kimbaṟi nawoho.” Kyaindi kuipfo mndu alehamba idedopfo.

1SAMWELI 14:45

Kyaindi wandu wakawia Sauli, “Nki ili Yonathani echiwooho mndu aleendie Waisraeli wuwinziwu wung'anyi wudi Kindoki kiide kuleshe. So Mndumii-Ruwachu menyi moo, manya ochui lumu lo mdonyi foke lochiho wandapfo. Iki awuta inu, nawuta kechitaramo nyi Mndumii-Ruwa.” Koikyo wandu wakaashuo Yonathani nao nalawooho.

1SAMWELI 20:21

Njechiduma mṟundi oko nache ionduo mfiyo. Kokoya ngammbia, ‘Ambuya, mfiyo ikeri ora lo lopfo, iende,’ ikyo kechilora ke nui na kipuo, na iyo nochikuloṟa kuwuka o handu uweowie, kyamba so Mndumii-Ruwa chu menyi moo, kechiwa ke kuwode ofoṟo kopfo iyo, kuwode ndenga-pfo.

1SAMWELI 20:3

Dawidi kalya nyamu-daa, “Nkya lohi ndeo naichi necha chandu iyo onjikundi; na nakusaṟie ikuṟika mbonyitsi kundu kulawado nyi fowa ili echitsiwuta. Kyaindi kya isho shose, so Mndumii-Ruwa menyi moo kiidi kyako inyi na opfu ni otifo lumu tupu luiho!”

1SAMWELI 25:26

Wulalung'ule mndumii oko, so Mndumii-Ruwachu menyi moo, na iyo ui na moo, nowonyi ke Mndumii-Ruwa nakuimie kulatae kiṟaache kui ipusuo samu na ikuwonyia mti; leka wakituwawo wapfo na iwo wose waikukundia mawicho wawe matondo cha Nabali.

1SAMWELI 26:10

So Mndumii-Ruwachu menyi moo, nyio echimbaha amonyi, mfiri foke fopfa fochimhoya, ang'u nechikaa nahende shidenyi napfiiyepfo.