1WAMANGI 16:9 - Bibilia Kui Mdedie fo Kimochi

⁹ Mṟundi oke Zimri mnene o kyenga kya mbahanyi kya magari hekekuruyo, kamṟiingia, kiheri awei Tirza kenyo mṟasa kanango kanyi ko Asa, awei mnene o mba ipfo Tirza.

1WAMANGI 16:9 ပူးပေါင်းရင်းမြစ်များ

MAWOOKIONYI 15:2

Abramu kahamba, “Ewo, Mndumii RUWA, ki ochinjiinenga, na inyi njikeri ikuhendya ndawode ma mana, na ichu echiitoṟia mba ii yako na Elieseri chu Mdamasko?”

MAWOOKIONYI 24:10

Kyasiang'u mṟundi ulya kaira ngamia ikumi kiidi kya ngamia tsa mndumii oke kakure kahenda arie shindo shicha sha nnga; kyamba masaa hose ha mndumii oke hawei mawokonyi hake, kakure, kacha mṟasa Mesopotamia, mṟasa mṟinyi fo Nahori.

MAWOOKIONYI 24:2

Abrahamu kawia mṟundi oke, mmeku o kulya mba koke, awechilie shindo shake shose, “Hoi kewika owoko lopfo shi ya matambonyi hako.

MAWOOKIONYI 39:4

Yosefu kakundika mesonyi hake, kamṟundia. Nao kammbika nawe mohoṟokia mba yake, na isho shose shiipfo kashiwika owokonyi loke.

MAWOOKIONYI 39:9

Kuipfo mnene kunu mba kota inyipfo, manya anjiimie kindo kyo kyose shila iyopfo, kyamba iyo nyi mka oke. Njiwute wuwichowu wung'anyi wudi njidekio Ruwa?”

1WAMANGI 15:27

Kyasia Baasha o Ahiya o mba ya Isakari kaṟiinga, Baasha kakapa Nahabu ipfo Gibeothi kufui na Wafilisti; kipfa Nadabu na Israeli wose waweitengetia Gibeothi.

1WAMANGI 16:10

Zimri kaida na mba kamkapa, kambaha, kiidi kya maka fo makumi hawi na mfungade 27 fo Mangi Asa o Yuda, kaitoṟia handu hake.

1WAMANGI 16:8

Kiidi kya maka fo makumi hawi na iṟandaṟu 26 ya Asa Mangi ya Yuda, Ela mana o Baasha nalewooka itoṟia Israeli ipfo Tirza, kaitoṟia maka iwi.

1WAMANGI 18:3

Ahabu kalaha Obadia, awekehoṟokia mba yake, (na Obadia chu naweowoe mnu Mndumii.

1WAMANGI 20:12

Ben-Hadadi naleambia ndumi ya Ahabu kiheri awedamie ihemenyi kechinyo na inango hamu na wamangi walya wengi wemtarama. Koikyo kateseheṟa wandu wa mbahanyi kiwedionyi kundu wakape mṟi.

1WAMANGI 20:16

Kyasia, kiheri kya saa sita mfiri, Ben-Hadadi na wamangi walya wengi wemiikanyia, wai mahemenyi kowo wekinyo na inango, ngapano ikawoka.

2WAMANGI 12:20

Waṟundi wake wakamṟiingia wakambahia kiidi kya mba ya Milo njienyi ihendie Sila.

2WAMANGI 15:10

Shalumu mana o Yabeshi kaṟiingia mangi Zekaria, kamkapa oshangunyi lo wandu kambaha, kiidima kaitoṟia handu hake.

2WAMANGI 15:25

Peka mana o Remalia, awei mndu ang'anyi o wandu wa mbahanyi wa Pekahia, kataramana na wandu wengi makumi hatanu (50) wawukie Gileadi kawaha Pekahia otiṟiwenyi lo kyamba lo mba ya mangi ipfo Samaria, kawada wumangi handu hake.

2WAMANGI 15:30

Kiidi kya maka fo makumi hawi (20) fo wuchili wo Yothamu mana o Azariya mangi o Yuda, Hoshea mana o Ela kaṟiingia Peka mana o Remalia kambaha, kaitoṟia handu hake.

2WAMANGI 9:14

Yehu mana o Yehoshafati awei mchuku o Nimshi, kaṟiingia Yoramu. Yoramu na wandu wose wa Israeli wawei Ramothi-Gileadi wechiringa kui makamba kipfa kya Hazaeli Mangi o Shami.

MFANANO 31:4

Ho! Lemweli, inyo mvinyo fuwaṟi wamangi-pfo, kiwaṟi wamangi-pfo. Manya kiwaṟi wanene wawese, nku kuwode kindo kyenanza?

YEREMIA 51:57

Njechinanza wanene na walaanyi wawo, waitoṟi wawo, wachili na waskari wake; wechilaa mado ha mlungana walechikuṟe se. Ngadeda inyi mangi na rina lyako nyi Mndumii-Ruwa Menyi Matorito.

DANIELI 5:30

Kio kilya Belshaza, mangi o Wakalidayo kawoho.

NAHUMU 1:10

Kipfa kokoya wawa cha msha iwadanyi, na irutsa cha ili wainyo wechikombetso cha makaanjo maumu.

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.