1WAMANGI 16:26 - Bibilia Kui Mdedie fo Kimochi

²⁶ Kawuta mawicho halya Yeroboamu mana o Nebati alewuta hewichuṟa Mndumii-Ruwa, Ruwa o Israeli, katana ahaluo Waisraeli wawute wunyamaṟi wo india maruwa ha wongo, kimu na sanamu tsa maruwa-ho.

1WAMANGI 16:26 ပူးပေါင်းရင်းမြစ်များ

1WAMANGI 16:13

Kipfa madeko ha Baasha, na madeko ha Ela mana oke walehawuta wakadekesha Israeli, wakadosa Mndumii-Ruwa o Israeli nyashi kui mawuto hawo mawicho.

1WAMANGI 16:19

kipfa kya madeko alewuta, kechiwuta mawuto mawicho oshangunyi lo Mndumii, kechiosha njia tsa Yeroboamu na mawuto hake mawicho hedekesha naho Israeli.

1WAMANGI 16:2

“Kipfa inyi njilekuira njikuwuta kilulinyi, ngakuwika uwe mnene o wandu wako Israeli, na iyo koosha njia tsa Yeroboamu, kotewa wandu wako Israeli wakanyamaṟa wakanjidosa nyashi kui madeko hawo;

1WAMANGI 16:27

Mawuto hengi ha Omri na wukahari woke, shose shishiṟehie kiidi kya kitapu-kya-Maheri ha wamangi wa Israeli.

1WAMANGI 16:7

Ngoseṟa, idedo likachea mwikimbi Yehu mana o Hanani kya Baasha, na kya mba yake, kipfa kya mawicho alewuta oshangunyi lo Mndumii, kechimpfulutsa nyashi kui maṟunda ha mawoko hake, ko ifanana na mba ya Yeroboamu kipfa naleinyamaṟa.

SHIIMBO SHA DAWIDI 31:6

Njisuo iwo wekehamba sha wongo shilawaṟi. Indi inyi njikusiria Mndumii.

YEREMIA 10:3

Kipfa muichiwie na wuindi wo wandu wa nyiwo wongo. Mndu nekeduo soka kamanya ikidi ngeṟenyi, kalipacha kahaluo nyilyo ruwa.

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

YEREMIA 14:22

Ngesa maruwa ha wongo ha mkambo heidima iende mvuo? Ang'u ngina itonyitse meṟa? Chi iyo Mndumii-Ruwa odu, kui kipfa kya ikyo luikuweda, kipfa iyo nyi uwikie shindo shose.

YEREMIA 16:19

Iyo Mndumii-Ruwa! Iyo nyi pfinya yako na opanga loko kopfo, nyi kidichionyi kiheri kya ngataṟa. Njoshari tsose tsa wuyana tsekuchea tsechihamba, “Waku wadu wawewode kindo pfo shila maruwa ha wongo, shindo sha mai shilawode kiira.

YEREMIA 18:15

Kipfa wandu wako walenjihadima, wakapfaamiṟia maruwa hawo uvumba; wakakukahaṟa na injihadima, wakahalukia mkao yawo ya kuwoka, kundu waide kihadi kundu kulaikusungusie.

YEREMIA 8:19

Aikyo kilio kya wandu wako, kyaichuo orukenyi lui kuleshe mnu, ngesa Mndumii ai kiidi kya Sioni? Mangi yake ii kiidi kyake? “Nyi kitewe kya iki wanjipfulutsa nyashi na ofano lowo walepacha, na iwuta sha wukika sha wahenu?

MIKA 6:16

Nyi muosha ofano luwicho lo mangi Omri, na ofano luwicho lo kishari kya mangi Ahabu, na ofano luwicho lo kishari kya mana o Ahabu, mukaweosha makusaṟo hawo. Ko ikyo njimuendie orumatso, orio mndu nechimumina. Wandu wechiwapiṟa orio handu.”

MAWUTO HA WASU 14:15

Wechihamba, “Lanye womi, a nyi kindo kiki mkeri iwuta? So luwei wandu wepfa chanyo luimwongoya ndumi ya sia ya okiio kundu muhaluke mulekane na shindo shi sha maai muhalukye Ruwa chu menyi moo ichu awikye ruwehu na wanda ii na ipalyipalyi na shindo shose shikeri-ho.

NGUMBUO YA MAWAWASO 32:21

Walenjipfulutsa nyashi ngawado nyi wunyenyi wo kindo kilai nyi ruwa, walenjipfulutsa nyashi kui mafanano hawo, Ko ikyo njechiwatana wanyenyie kindo kilai mndu, walenjipfulutsa nyashi njechiwaendie mkambo mtondo.