1WAMANGI 15:5 - Bibilia Kui Mdedie fo Kimochi

⁵ Kipfa Dawidi nalewuta shisumhanyi oshangunyi lo Mndumii ma aledeko kiidi kya shilya alewawasio, mfiri yose ya moo foke pfo, shile na kiidi kya mbonyi iya ya Uria, Mhiti.

1WAMANGI 15:5 ပူးပေါင်းရင်းမြစ်များ

1WAMANGI 14:8

ngapaṟatsana wumangi wuwuke mbenyi ya Dawidi, ngakuinenga iyo, kyaindi iyo ulefanana na mṟundi oko Dawidi alewada mawawaso hako, kanjiosha na mrima foke fose, nalawute kindo kyose shile shilya shi shicha oshangunyi loko.

1WAMANGI 15:3

Kaosha njonyamaṟo tsose tsa ndee, aletsiwuta numa yake, mrima foke fulewada wuhendelyi oshangunyi lo Mndumii, Ruwa oke cha mrima fo sahuye Dawidi pfo.

1WAMANGI 3:3

Solomoni kakunda Mndumii, kaweosha njotende tsa ndee Dawidi, kawewuta shichihiṟie Ruwa, kyaindi kawewika kidaso handu hakuirie, kawepfamiṟa handu hakuirie.

1WAMANGI 9:4

Na iyo kokoya ochinjiindia na wuhoṟotsu wo mrima na wuhendeli chandu ndeo Dawidi alewuta, koindia wuwawaso woko na iinutsia shilya shose njilekuwawasa, kochiosha mawawaso hako na njia tsako,

2WAMANGI 22:2

Yosia kawuta shicha shichihiṟie Mndumii-Ruwa. Naleosha njotende tsa Dawidi awemsongoe, na iwada wuwawaso wo Mndumii-Ruwa kui osaaṟe.

2MBONYI TSA MAHERI 34:2

Nalewuta mecha oshangunyi lo Mndumii-Ruwa. Naleoshana na mchumie fo sahuye o mangi Dawidi, kaindia mawawso ha Mndumii-Ruwa ko mrima foke fose.

SHIIMBO SHA DAWIDI 119:102

Njilekushowa na mdumbuye yapfopfo, kyamba Iyo kumonyi kulenjilosha.

SHIIMBO SHA DAWIDI 119:6

Nyilyondi inyi njilawechiwona sonu, Ngaambuya mawawaso hapfo hose.

SHIIMBO SHA DAWIDI 51:1

Hoi Ruwa unjiichio wukiwa, wuhiyanyi na osaṟio lopfo; chando isaṟia lyapfo ling'anyi, uangatse madeko hako hose.

LUKA 1:6

Nawo wakawa wecha wasumhanyi ipfo sumuhana na Ruwa wawawi, wakahenda wechihendelia mawawaso hose na njopfundo tsa Mndumii tsose, ma walaṟatsie-ho kindo.

MAWUTO HA WASU 13:22

Kekiidima imbuta-ho icho kawaamtsya Dawidi nawe mangi yawo kamṟingishya kehamba, ‘Ngawona Dawidi ai mana Isai echiwa mowuta shilya inyi njikundi shose.’

MAWUTO HA WASU 13:36

Kya Dawidi o kekimarisa ipfuṟukanya chila ya Ruwa ipfo rikenyi lyake nyi alehenda ilaa kalaṟo hando hamu na waku wake kakoya iwona inyamaṟika.

NGUMBUO YA MAWAWASO 17:20

Nalakudose amonyi huye ya wana wa mae, manya ileṟia mbai iwawasoli ko njia yo yose, kundu naidime ichilia kiheri kileshe, o na luwa lyake ko Waisraeli.”

1SAMWELI 25:28

Ngakuterewa nonjihooṟie inyi mṟundi opfo ko ikyo kyose ngamekudekio. Mndumii-Ruwa nechikuwiika mangi nakuinenge wandu ngohoda wa mba yapfo, kipfa na iyo mndumii oko noikapana shida ya Mndumii-Ruwa. Na kiidi kya ohendo lo moo fopfo fose kulahoyo nyi ndenga yose.