1WAMANGI 14:9 - Bibilia Kui Mdedie fo Kimochi

⁹ Kyaindi iyo nyi odeko kota wose walekusongoya, nulesungusia maruwa hengi, na sanamu tsesalaṟa unjisuiṟe na injikumba mhongo.

1WAMANGI 14:9 ပူးပေါင်းရင်းမြစ်များ

1WAMANGI 12:28

Mangi kawika chila kasungusia mahache hawi ha mmbe tsa sahabu, kawia wandu, “Kikilemeri konu ido ihenda Yerusalemu, ambuyenyi iha nyi ho maruwa hanu iyo Israeli, halekudosa wuka Misri.”

1WAMANGI 14:16

Nao nechilekana na Israeli kipfa kya madeko ha Yeroboamu, aledetsa naho Israeli.

1WAMANGI 14:22

Kyasia Yuda kawuta shiwichuṟie mnu mesonyi ha Mndumii, wakaendie Ruwa nyashi ko madeko hawo haleida halya ha wandeawo.

1WAMANGI 15:29

Kekiwada wumangi kakapa mba yose ya Yeroboamu. Aledea moo ma mndu umupfo, kihianyi na idedo lya Mndumii alededa kui dumbu lya mṟundi oke Ahiya, Mshiloni.

1WAMANGI 15:30

Kipfa kya madeko ha Yeroboamu aledeko, na kui madeko-ho kadetsa naho Israeli; kipfa kya isuiṟa Mndumii kui mawuto mawicho, nalesuiṟa Mndumii-Ruwa o Israeli na impfulutsa nyashi.

1WAMANGI 15:34

Kawuta mawicho oshangunyi lo Mndumii, kaosha njia ya Yeroboamu, njiwicho kadetsa Israeli.

1WAMANGI 16:25

Omri kawuta mawicho oshangunyi lo Mndumii, kota walya wamsongoe.

1WAMANGI 16:30

Ahabu kawewuta mawicho oshangunyi lo Mndumii kota wamangi wawemsongoe.

1WAMANGI 16:31

Ngoseṟa, kudee ma mawicho ha Yeroboamu mana o Nebati, Ahabu chu nalealika Yezebeli mana o waka o Ethbaali, Mangi o Wasidoni; kasingia na iterewa Baali.

1WAMANGI 16:33

Kawesungusia na sanamu ya Ashera ruwa o kika. Ahabu nalewuta mawicho hafoi, kasuiṟa Mndumii-Ruwa, Ruwa o Israeli kota wamangi wose wa Israeli wawemsongoe.

2WAMANGI 21:3

Kipfa nalesaya handu heleṟia maruwa hengi alya handu Hezekia alewunduo ai ndee. Kawika rasio na shitaṟa shedasia Baali, kasungusia sanamu ya Ashera, chandu Ahabu alewuta mangi o Israeli. Kilashike, Manase katerewa na iindia shindo shose sha nginehu.

2WAMANGI 23:26

Ma kudo Mndumii-Ruwa aleda wuwawaso wo nyashi yake ing'anyi pfo, kipfa nyashi yake ilaaka kipfa kya Yuda ko mawuto hake hesuiṟa halewuto nyi Manase kipfa kya Ruwa.

2WAMANGI 3:3

Kimu na isho kawadana na njonyamaṟo tsa Yeroboamu mana o Nebati, sa aledekesha natso Israeli; ma alakunde ilekana natso.

2MBONYI TSA MAHERI 11:15

Kyasia Yeroboamu kasambuṟa Makohanyi wake amonyi weṟundia handu ha wuindi heindia maruwa ha wongo na waṟumu, na sanamu tsa mahache sa alekusungusia.

2MBONYI TSA MAHERI 33:6

Nalewuta wana wake kidaso kemaya modonyi kulya mfonyi fo mana o Hinomu. Nalelasha, na iwesa wahanga, na ichumia na ndumba; na ihendesana na wandu wekeṟunda na waṟumu na wasawi. Nalewuta wunyamaṟi wufoi oshangunyi lo Mndumii-Ruwa, na isukiṟa Ruwa, na idosa Ruwa nyashi.

NEHEMIA 9:25

Ambuya wandu wapfo nyi walewada mṟi iwode njomombo, iwode wusuṟi wung'anyi, mba njicha tsiweichuo shindo shifoi, maṟungu ha mṟinga haweimasume, madema ha msabibu ha wafuda ha msinepfu, handu hamu na mashidi hengi hawewode ndunda tsifoi, koikyo nyi walelya, isho shose wakaihuda na inuo. Wakachihio mnu kipfa kya wucha wopfo.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

SHIIMBO SHA DAWIDI 106:29

Wakamdosa nyashi kui mawuto hawo ndaṟe ya makokoi ikawarohia.

SHIIMBO SHA DAWIDI 50:17

Kipfa iyo nyiulesuo wuikimbi Na ikumba mhongo madedo hako.

SHIIMBO SHA DAWIDI 78:40

Walempiṟa kulya nuka ka kyenga? Na imwendie fowa kulya nuka.

SHIIMBO SHA DAWIDI 78:56

Kyaindi walehesha Ruwa ai huye, wakalekana nao; manya walewada shiṟingishio shakepfo.

SHIIMBO SHA DAWIDI 78:58

Wakamdosa nyashi kya ikudosa lyawo, wakamtewa kawado nyi wunyenyi kui mfanano yawo.

IWUKA 34:17

Kulasungusie maruwa hesalaṟa.

YEREMIA 32:18

Iyo nokeloṟa osaṟio lopfo ko shiku sha wandu; indi kowehoṟuo wandu kipfa kya njonyamaṟo tsa waku-wawo. Iyo nyi Ruwa ang'anyi, menyi pfinya, Mndumii-Ruwa o matorito nyilyo rina lyapfo.

YEREMIA 7:18

Wana wesana ngu na wandeawo waatsa modo, indi waka weriha-riha mso fo koṟia Mangi mka o nginehu mkate waletsie maruwa ha kihenu mshimbika wechinjiwichuṟa.

YEREMIA 7:26

Indi wo walenjiicho pfo ma indehia kudu-ote! Indi wawei ikuumiṟa mrima wakawewichuo kota wandeawo.

EZEKIELI 23:35

Koikyo Inyi Mndumii-Ruwa Menyi Matorito ngahamba kyamba nulenjihadima na injikumba mhongo, nochiambiang'u weri wo wumeluki na wuṟuhui wopfo.”

EZEKIELI 8:17

Mndumii kanjiwesa, “Ngesa Iyo mndu uwonyi mawicho ha wana wa Yuda wakeri injiwutia? Ngesa nuwonyi nyi kindo kitutu iki? Wakeri iichuṟa Orukalu na wuminyi wakatana wanjipfulutsa nyashi? Ambuya nyi wawika iṟamba lya iṟa mbuonyi tsawo.

EZEKIELI 8:3

Nalyo mnduchu kalesha owoko loke kawada njui tsako kanjiiria huye kiidi kya ruwehu na wuyana, na hong'u kanjiwia kui ndodo ya Mndumii-Ruwa; kawenjirundutsa itane Yerusalemu hando ha mongo fulya foida na rasionyi lya Mndumii alya hando ofano lo Ruwa lulawekewa isanzo na kindo kingi.

WALEWI 19:4

Mulahalukie mfanano ya maruwa, manya mulakusungusie mfanano ya ruwa lyesalaṟa lya menya. Inyi nyio Ruwa Menyipfinya, Ruwa onu.

1 WAKORINTO 10:22

Ang'u nokunda ipfulutsa Mndumii nyashi? Nyi loidima imwota o ko?

NGUMBUO YA MAWAWASO 32:21

Walenjipfulutsa nyashi ngawado nyi wunyenyi wo kindo kilai nyi ruwa, walenjipfulutsa nyashi kui mafanano hawo, Ko ikyo njechiwatana wanyenyie kindo kilai mndu, walenjipfulutsa nyashi njechiwaendie mkambo mtondo.

NGUMBUO YA MAWAWASO 9:24

Nyo mulewa wapiṟi na wemina Mndumii-Ruwa wokia mkonu njilemumanya.

WACHILI 5:8

Walekusambuṟia maruwa mahenu, kukawada shida kiidi kya oruka Kyaindi kulewono msa awode oshu ang'u ngawo kiidi kya wandu shiku makumi hana (40,000) wa Israeli-pfo.