1WAMANGI 13:6 - Bibilia Kui Mdedie fo Kimochi

⁶ Mangi kahaluo, kawia mndu ulya o Ruwa, “Terewa Mndumii-Ruwa opfo, unjiterewie, kundu njiwihiṟio owoko loko.” Mndu ulya o Ruwa katerewa Mndumii-Ruwa, owoko lo Mangi lukawihiṟo lukawa chandu luwei kuwoka.

1WAMANGI 13:6 ပူးပေါင်းရင်းမြစ်များ

1WAMANGI 13:5

Kudi rasio likapaṟika na ifu alya kitaṟenyi kedasia likapusuka chandu kichano kilya mndu o Ruwa alekihamba kui idedo la Mndumii.

SHIIMBO SHA DAWIDI 119:58

Njilekuterewa mhooṟie kui mrima foko fose, unjisumbe sumhana na kyasa kyapfo.

IWUKA 10:17

Kyasia wulalu, ngamuterewa, njihoṟienyi wunyamaṟi woko kambalyi limu tupu, muterewe Mndumii-Ruwa, Ruwachu onu, nakenjiwuta opfu lu tupu.”

IWUKA 12:32

Irenyi machondi hanu mmbe tsanu chando mlehamba, hendenyi konu, mkenjiwikia na inyi mboṟa-da.”

IWUKA 8:28

Farao kahamba, “Inyi njechimuinenga momu muhende, kundu mushinjie Mndumii-Ruwa onu kidaso, ipfo nuka; indi mochihenda haleshe mnupfo; kyasia njiterewienying'u.”

IWUKA 8:4

Na lyefurumia shilo sho shechikudoya iyo, na huya wandu wapfo, na huya waṟundi wapfo wose.’”

IWUKA 8:8

Nalyo Farao kalaha Mose na Aroni kawawia, “Terewenyi Mndumii-Ruwa, nakewuta ngeletsi kunu koko na ko wandu wako; na inyi njechiinenga wanduwa momu wakuhendie; kundu wawutie Mndumii-Ruwa kidaso.”

IWUKA 9:28

Terewenyi Mndumii-Ruwa; cha kipfa makuṟuṟuma ha hang'anyi mnu na mvuo yo ya manzaho hashikie, na inyi njechimuinenga momu mukuhendie, mlakaese ngoseṟa.”

YEREMIA 37:3

Mangi Sedekia kaduma Yehukali mana o Shelemia, hamu na mkohanyi Sefania mana o Maasela ko mwikimbi Yeremia, wamterewe nawaterewie ko Mndumii-Ruwa, Ruwa owo.

ZEKARIA 7:2

Kyasia wandu wa Betheli wawedumie Sharesa na Regem-meleki na wandu wawo, kundu waterewe osaṟio ko Mndumii,

MAITALA 12:13

Mose kafihiṟia Mndumii-Ruwa kahamba, “Ngakuterewa hoi Ruwa kemchiṟe.”

MAITALA 21:7

Kyasia wandu wakahendia Mose, wakambia, “Lomewuta wunyamaṟi lukanunuwia Mndumii-Ruwa na iyo daa. Terewa Mndumii-Ruwa naluwute njokatsi.” Nahong'u Mose katerewia wanduwo.

MATAYO 5:44

Indi inyi nyi ngambia, Kekundenyi wakituwa wanu, na iwo wemterengia, kewaterewienyi!

LUKA 23:34

Na Yesu kahamba, “Hoi Wande uwahooṟie, kipfa iki waiwuta wakiichipfo.” Na nguwo tsilya tsake wakatsihawa wechikapa natso kuṟu kuhya.

MAWUTO HA WASU 7:60

Kapfiria ndi kalaha na ṟu ling'anyi kahamba “Hoi Mndumii! Ma kulawapfungiṟye-wo wunyamaṟi wu!” Kekihamba ado donyi kadonyikya madonyi kapfa.

MAWUTO HA WASU 8:24

Simon kahalwo kahamba, “Kenjiterewenyi nyo ko Mndumii-kundu isho ohamba shilanjihoye ma kimu.”

WAROMA 12:14

Walya waimterengya muwawikye ona. Ee-wo iwawikya ona, ma mulawasese.

WAROMA 12:21

Ulakunde iwinzo nyi kilya kii kiwicho, kya indi kilya kii kiwicho ukiwinze ochiwuta kii kicha.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.

1SAMWELI 12:19

Nahong'u wakawia Samweli, “Hoi lokuterewa noluterewie so waṟundi wapfo ko Mndumii-Ruwa, Ruwa opfo kundu lulapfe; cha kipfa lomekuengeṟia njonyamaṟo tsadu kui wuwichowo wokukundia mangi so luwenyi.”

1SAMWELI 12:23

Kya ora loko inyi njechikaa njide njilamuterewia ko Mndumii-Ruwapfo; iwuta kudo nyi idekio Mndumii-Ruwa. Njechiengeṟa imulosha ohendo lucha na lo kiilohi.