1WAMANGI 13:5 - Bibilia Kui Mdedie fo Kimochi

⁵ Kudi rasio likapaṟika na ifu alya kitaṟenyi kedasia likapusuka chandu kichano kilya mndu o Ruwa alekihamba kui idedo la Mndumii.

1WAMANGI 13:5 ပူးပေါင်းရင်းမြစ်များ

1WAMANGI 13:3

Kawuta kichano mkonu fulya fulya, kehamba, “Iki nkyo kichano Mndumii ahamba, ‘Ambuya kitaṟa kedasia kechipaṟika na ifu lii huye yakyo lyechipusuka.’”

1WAMANGI 13:4

Mangi Yeroboamu kekiicho madedo ha mndu o Ruwa chandu alecha na ikapa kitohio kya rasio lya Betheli, Mangi kalesha owoko loke alya rasionyi, kahamba, “Mbadenyi mnducho.” Kyasia owoko lulya awehoṟoe lukadumbuka, aleidime luwihiṟa sepfo.

1WAMANGI 13:6

Mangi kahaluo, kawia mndu ulya o Ruwa, “Terewa Mndumii-Ruwa opfo, unjiterewie, kundu njiwihiṟio owoko loko.” Mndu ulya o Ruwa katerewa Mndumii-Ruwa, owoko lo Mangi lukawihiṟo lukawa chandu luwei kuwoka.

1WAMANGI 17:16

Kipfa kinungu kilya kya mso kilesiapfo, ma chupa ya mafuda iletenekia pfo, kirianyi na idedo lya Mndumii kui dumbu lya Elia.

1WAMANGI 22:28

Mikaya kahamba, “Kokoya ochiwuya na ofoṟo Mndumii adeda na inyi-pfo, kahamba, ‘Adanyienyi nyo wandu wose.’”

1WAMANGI 22:35

Ngapano ikawa njiwawo mkonu fulya, Mangi kawanzio igarinyi lyake, kiṟunduma kya Washami, kishika kiukanyi kapfa, na samu ifoi ikasoka alya kitaṟenyi ikasokia igarinyi.

AMOSI 3:14

Kipfa mkonu fulya njechiwuwuya manyamaṟo ha Israel njechiwuwuya rasionyi tsa Beteli, na ndumba tsa rasio tsemanyo manyo tsose na ioloka wanda.

MARIKO 16:20

Na walya wa kiloshionyi wakahenda wakaongoya-pfo kose, Mndumii kechiwatarama na idedo lilya wahamba kaliwanza na shiṟingishyo shilya awainengye shewaimya.]

NGUMBUO YA MAWAWASO 18:22

Kokoya mwikimbi ahamba kindo e wai nyi kui rina lya Mndumii-Ruwa, na kindokyo kilawutike ang'u kilawe kya lohi; kindokyo ki kihambe nyi Mndumii-Ruwapfo; nyi mwikimbi akuhambia kui wutondo woke, nanyo mulaowesho nyi kindokyo.’”