1WAMANGI 13:18 - Bibilia Kui Mdedie fo Kimochi

¹⁸ Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

1WAMANGI 13:18 ပူးပေါင်းရင်းမြစ်များ

MAWOOKIONYI 27:24

Kahamba, “Njiendie hafui na inyi njikuliieng'u isho shapfo olasa manoko, kundu mrima foko fukuwikie ona.” Kamsembeṟia hafui, nao kalya; numa kamwendie mpfinyo, kanyo.

MAWOOKIONYI 3:13

Mndumii-Ruwa kawia mka ulya, “Nkiki owuta iki?” Mka ulya kahamba: “Njoka yanlemba ngalya.”

1WAMANGI 13:19

Kyasia mndu ulya kawuya kimu nao, kalya kelya, kanyo mṟinga kanyi koke.

1WAMANGI 20:35

Kyasia, mndu umu o wana wa waikimbi kawia odoe kui idedo lya Mndumii, “Njikapa, ngakuterewa.” Nalakunde imkapa.

1WAMANGI 22:22

Mndumii kambia, ‘Kuda?’” Kahamba, “Njechikure njiwe mumuyo o wongo dumbunyi lya waikimbi wake wose kahamba, ‘Nochimlemba, na iwinga, kure uwute kudo.’

MFANANO 12:19

Dumbu lya lohi lyechiwanga maheri hose, Indi olimi lo wongo lo kioweṟe.

MFANANO 12:22

Madumbu ha wongo nyi hasuiṟye Mndumii, Indi wewuta wuhendeli nyi sia yake.

MFANANO 19:5

Mṟingishi o wongo nechikapo; Ma mohamba wongo echikiapfo.

YESAYA 36:10

Ngesa, nyi inyi ngado kundu njikapane na handu ha na iharumatsa, kulawode chila ya Mndumii? Mndumii nyio alenjiwia, do nokapane na orukalu nolurumatse.

YESAYA 9:15

Mmeku moindiyo nyio mdo, na mwikimbi molosha wongo nyi mṟehese.

YEREMIA 23:14

Kiidi kya waikimbi wa Yerusalemu, ngawona idedo liwichuṟie mnu mnu; wekeṟuhuya, wakachumia wawode wongo, wakawanza mawoko hewuta wunyamṟi; kulakaepfo ma umu awuya na ida wuwicho woke; wose piu wakawa cha Sodoma, Koko na wenyi wawo cha Gomora.

YEREMIA 23:17

O mkonu wekewia iwo wanjiminyie, Mndumii nahamba mochiwada ofoṟo wakawewia orio mndu akuiwitie mrima foke. Kuwode kindo kemupaayapfo, kuwode kiwicho kyosepfo.”

YEREMIA 23:32

Ambuya inyi njii huye ya iwo wekehamba shisuku sha wongo. Mndumii ahamba, “Na idetsa wandu wako kui ndodo tsawo na ikushela lyawo lya wutondo, indi inyi njiwadumiepfo, ma njilewawasapfo, manya wechitarama wandu manya kitutupfo. Nyi inyi Mndumii ngahamba.”

YEREMIA 29:31

“Dikia wandu wose wakeri osamiṟonyi ndumi ii. Inyi Mndumii-Ruwa njihamba njidi kya Shemaya o Mnehelamu: Shemaya nadeda kisuku chi inyi njimdumiepfo, kikatewa mukaidikia wongo tsake.

YEREMIA 29:32

Ko ikyo inyi Mndumii-Ruwa ngahamba njechihoṟuo Shemaya o Nehelamu hamu na oshari loke. Kuwode mndu ma umu o wandu wake echideo ho na moo nawone mecha ho njechiwutia wandu wako pfo, nyi kipfa asengeṟia wandu wako na iwatusa kundu wanjidekio inyi Mndumii-Ruwa. Inyi Mndumii-Ruwa ngahamba.”

YEREMIA 5:12

Wo nyi waleleha Mndumii wehamba, “Chio-pfo ma kuwode mawicho hechilukoya-pfo, lochikoyana na oshu manya njaa-pfo.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

EZEKIELI 13:8

Koikyo Mndumii-Ruwa nahamba, “Kyamba mukeri ionguo mbonyi tsa wongo na dondo tsanu tsikawa nyi tselemba, njihendesanyi nanyo pfo.

MAITALA 22:35

Kyaindi malaika o Mndumii-Ruwa kawia Balaamu, “Henda na wanduwa, kyaindi nochihambaho tupu ikyo njechikuwia.” Kyasia, Balaamu kaoshana na wasongoru walya wa Balaki.

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 7:15

“Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

2 WAKORINTO 11:3

Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo.

WAGALATIA 1:8

Kya indi kokoya ma so luwenyi manya msu mwele mowuka ruwehu kwenyi kokoya luwemwongoya ndumi ikapanyi na iya lomemwongoya nyo, orio ose awuta ado naolotsyo aseso nyi Ruwa.

1TIMOTEO 4:1

Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

1TIMOTEO 4:2

Kui wulembi wo wamawongo iwo wai-wakoṟie ngoru tsa wumbafu ipfo ngonyi tsa mrima yawo.

2PETRO 2:1

Indi kuweipfo na waikimbi wa wongo ipfo kiidi kya wandu. Chando na ipfo konu kochiwa wai walosha wa wongo. Wechilosha moshie mbicho fonyamaṟa na ikana Ruwa-alewakiṟa. Na Mnene ichu alewatalaa nyi wechimkana wekutumukishya wadi kiwadetsa owinyi.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.

WACHILI 13:3

Mfiri fumu, malaika o Mndumii-Ruwa kawonekia mka cho, kambia, “Iyo nyi mhumba, ulawode wana. Indi nochikapika nofee mana o kisoṟo.