1WAMANGI 11:4 - Bibilia Kui Mdedie fo Kimochi

⁴ Kekikuo, waka wo wakamdetsa kaemmbeṟukia maruwa hengi kahaindia, ma alewa mhendeli ko Mndumii-Ruwa, Ruwa oke mantapfo, chandu ndee Dawidi awei mhendeli pfo.

1WAMANGI 11:4 ပူးပေါင်းရင်းမြစ်များ

1WAMANGI 11:2

Waka wa mkambo iwo Mndumii-Ruwa aweimie Waisraeli kehamba, “Mulaalike kowo ma wo walaaliko konu kipfa waka wo wechiembeṟutsa mrima yanu muindie maruwa hawo.” Solomoni nawekundi mnu wakawo.

1WAMANGI 11:33

Kipfa walenjida inyi wakaindia Ashtarothi, ruwa o kika o Wasidoni na Kemeshi, ruwa o Wamoabu, na Milkomu, ruwa o wana wa Amoni ma walahende kiidi kya njia tsako, na mwanduye yako cha Dawidi wandie.

1WAMANGI 11:38

Na kechiwa, koadanyia shose njechikuwawasa, na ihenda kiidi kya njia tsako na iwuta shishicha oshangunyi loko, kundu nowade mawawaso hako na mwanduye ya Dawidi mṟundi oko chandu alewuta, kyasia, njechiwa hamu na iyo, njechiwanza mba yapfo, chandu njilewikia Dawidi na njechikuinenga Israeli.

1WAMANGI 11:42

Na mkonu Solomoni aleitoṟia Yerusalemu huye ya Israeli yose nyi maka makumi hana (40).

1WAMANGI 11:6

Ko ikyo Solomoni kawuta shitahachi oshangunyi lo Mndumii-Ruwa, ma alewuta shisumhanyi na Mndumii-Ruwa chandu ndee Dawidi awekewutapfo.

1WAMANGI 11:9

Kyasia, Mndumii-Ruwa, Ruwa o Israeli kasukio kya Solomoni kipfa naleda Mndumii-Ruwa o Israeli, ma chandu alembonekia kawi,

1WAMANGI 14:21

Na Rehoboamu mana o Solomoni kaitoṟia Yuda. Rehoboamu nalewoka iwada wumangi amarisie maka makumi hana na fumu 41, kaitoṟia maka ikumi na mfungade 17 ipfo Yerusalemu, mṟi fuweifusambuṟe nyi Mndumii kidi kya shishari shose sha Israeli, kundu nawike rina lyake ipfo. Na rina lya mae nawekelaho nyi Naama Mwamoni.

1WAMANGI 15:14

Indi handu ha huye halepaayo-pfo, mrima fo Asa fuwei fusumhanyi mfiri yose ya moo foke.

1WAMANGI 15:3

Kaosha njonyamaṟo tsose tsa ndee, aletsiwuta numa yake, mrima foke fulewada wuhendelyi oshangunyi lo Mndumii, Ruwa oke cha mrima fo sahuye Dawidi pfo.

1WAMANGI 3:3

Solomoni kakunda Mndumii, kaweosha njotende tsa ndee Dawidi, kawewuta shichihiṟie Ruwa, kyaindi kawewika kidaso handu hakuirie, kawepfamiṟa handu hakuirie.

1WAMANGI 6:1

Solomoni nalewoka iwika mba ya Mndumii-Ruwa maka fo 480 wokia Waisraeli wawuka Misri. Nyi maka fo kaana (4) wokia Solomoni alewada wumangi kiidi kya Israeli meri fo Zifu fui meri fo kawi (kui itala lya meri ya Israeli.

1WAMANGI 8:61

Nalyo muwe wahendeli ko Mndumii-Ruwa, Ruwa odu mochiosha shiloshio shake na iindiya mawawaso hake hose cha inu.”

1WAMANGI 9:10

Mangi Solomoni nalewika mba tsilya tsiwi; kiidi kya maka 20, mba ya Mndumii-Ruwa na mba ya Mangi.

1WAMANGI 9:4

Na iyo kokoya ochinjiindia na wuhoṟotsu wo mrima na wuhendeli chandu ndeo Dawidi alewuta, koindia wuwawaso woko na iinutsia shilya shose njilekuwawasa, kochiosha mawawaso hako na njia tsako,

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

1MBONYI TSA MAHERI 29:19

Hoi Mndumii keinenga Solomoni mana oko mrima fo langa iindia mawawaso na mloshie yapfo; na mrima fo langa isungusia hekalu li ngameliteseheṟia shihia shalyo.”

2MBONYI TSA MAHERI 17:3

Mndumii-Ruwa nawekeri na Yehoshafati na imbikia mboṟa kipfa kya ili awekeri ichumia mchumie fulya fokuwooka sa ndeye awekechumia, ma aleindia Baali-pfo.

2MBONYI TSA MAHERI 25:2

Nalewuta shindo shicha oshangunyi lo Mndumii-Ruwa, kyaindi aleshiwuta ko mrima msalari-pfo.

2MBONYI TSA MAHERI 34:2

Nalewuta mecha oshangunyi lo Mndumii-Ruwa. Naleoshana na mchumie fo sahuye o mangi Dawidi, kaindia mawawso ha Mndumii-Ruwa ko mrima foke fose.

IWUKA 20:3

Kulawade Ruwa ungi shile na inyi.

NGUMBUO YA MAWAWASO 17:17

Mangi nalawade waka wafoi, kipfa iki kechimtewa nalekane na Mndumii-Ruwa; manya nalakuwonyie pesa tsifoi na sahapu tsifoi mnu.

NGUMBUO YA MAWAWASO 7:4

Mkawuta mudo wo wechitondosha wana wanu walechiosha Mndumii-Ruwa, wawetewa wana wanu waindie maruwa hengi, na nyashi ya Mndumii-Ruwa yechicha huye yanu, naho oweṟe lumu namurumatse.