1WAMANGI 11:14 - Bibilia Kui Mdedie fo Kimochi

¹⁴ Mndumii-Ruwa kahaluo Hadadi o kishari kya Mangi o Edomu, nawe mkituwa o Solomoni.

1WAMANGI 11:14 ပူးပေါင်းရင်းမြစ်များ

2SAMWELI 24:1

Kyasia, nyashi ya Ruwa ikadose huye ya wandu Waisraeli; katsutsuma Dawidi nawaendie ngataṟa koiitala wandu wose. Ruwa kawia Dawidi, “Henda itala wandu wose wa Israeli na Wayuda.”

2SAMWELI 7:14

Njechiwa ndeye nao nechiwa mana oko. Kyaindi kanjidekio njechimdedia chandu ndeye o wuyana ekededia mana amkundi.

1WAMANGI 11:13

Ma njechimsoka oruka losepfo, njechimdea kishari kimu, kipfa kya mṟundi oko Dawidi na kui kipfa kya mṟi fo Yerusalemu njifusambuṟie fuwe foko.”

1WAMANGI 11:15

Dawidi kiheri awei irumatsa Edomu, na Yoabu mosongoya wandu wa shida walehenda iṟika orio msoṟo sa alewoho kiidi kya Edomu.

1WAMANGI 11:23

Ruwa kaweamtsa-se mkituwa ungi, Rezoni mana o Eliada, ichu naledicha mndumii oke Hadadezeri Mangi ya Soba.

1WAMANGI 12:15

Kyasia, Mangi alaadanyie wandu kipfa kindo ki kiwukie ko Mndumii, kundu kihoye idedo lilya Mndumii alewia Yeroboamu mana o Nebathi kui dumbu lya mwikimbi Ahiya Mshiloni.

1MBONYI TSA MAHERI 5:26

Kyasia, Ruwa o Israeli, kaamtsa mrima fo mangi ang'anyi Pulu, o Ashuru, sa awemanyikiese cha Tiglath-pileseri III, kamtewa kapufukia oruka lowo. Nao kaṟahanyitsa wandu wa oshari lo Reubeni, na Wagadi, na wandu wa Oralu lo ngamenyi lo Manase; kawaduo wusingenyi kulya Hala, na Habori, na Hara, na mbai ya Meda fo Gozani, nyi wakeripfo mṟasa inu.

YESAYA 10:26

Na Mndumii menyi Matorito nechiamtsa olio huye yake, chandu alekapa Midiani kufui na iṟaṟa lya Orebu; na ndichi yake yechikaa huya ipalyipalyi nao nechiira kui mbaṟi ya ki-Misri.”

YESAYA 10:5

Ochia lo Ashuru, ndichi ya nyashi yako, ichu iṟiinga lii owokonyi loke nyi nyashi yako!

YESAYA 13:17

“Ambuya njechiamtsa Wamedi huye yawo, walakewona fesa nyi kindo ma wekechihiṟo nyi sahabu pfo.

MAITALA 24:18

Edomu yechichilio nyio, Seiri yechiwa masaa hake, Israeli yechiinengo iwinza ling'anyi.

1SAMWELI 26:19

Kyasia, wulalung'u mndumii oko mangi, kyeadanyia madedo ha mṟundi opfo. Kokoya Mndumii-Ruwa nyio aikutetekia nonjiwaahe kyasia, nakeambia kidaso kimnenge nailache makusaṟo hake. Kyaindi kokoya nyi wandu waimṟunga, kyasia Mndumii-Ruwa nawasese wanduwo cha kipfa wamenjiwingia kuwuka kulya kyoṟenyi luleinengo nyi Mndumii-Ruwa wechihamba, ‘Kurenyi muhende iṟundia maruwa hengi.’