1WAMANGI 11:11 - Bibilia Kui Mdedie fo Kimochi

¹¹ Ko ikyo Mndumii-Ruwa kawia Solomoni, “Kipfa nyi kyakuchihiṟa uwute kudo kofunja mkundana foko na iyo, na inyamaṟa mawawaso hako njilekuinenga, nyi kya lohi njechikusoka wuitoṟi wopfo na iinenga mṟundi opfo.

1WAMANGI 11:11 ပူးပေါင်းရင်းမြစ်များ

1WAMANGI 11:12

Manya kudo kipfa kya ndeo Dawidi, njechiwuta kudo kiheri kya ohendo lo moo fopfo pfo, indi njechisoka wuitoṟi wui mawokonyi ha mana opfo.

1WAMANGI 11:26

Na Yeroboamu mana o Nebati, Mwefraimu o Sereda, isinga lya Solomoni rina lya mae nyi Seria, mka mkusu, nao kaweiria owoko loke huya Mangi.

1WAMANGI 11:29

Kikashika mandi halya Yeroboamu awewuka kiidi kya Yerusalemu, kakumbuhana njienyi na mwikimbi Ahiya o Shilo. Ahiya naweṟee nguwo njihya, na iwo wawi wawei wawenyi mdeminyi.

1WAMANGI 11:31

Kawia Yeroboamu, “Duo iyo njohawi ikumi, kipfa Mndumii-Ruwa o Israeli nahamba adi, ‘Njechiranduo wumangi, na iwuuta mawokonyi ha Solomoni, njechikuinenga iyo njoshari ikumi,

1WAMANGI 12:20

Kiidima Israeli wose wekiicho ke Yeroboamu nawuya, wakaduma wandu wahende imlaha nache na chilenyi, wakambia nawe Mangi huye ya Israeli yose, ma kuwode mndu ose alewadana na mba ya Dawidi pfo shile na Oshari lo Yuda tupu.

2WAMANGI 17:15

Wakaleha iwada wuwawaso woke, walawade mkundana fulya alewutia wasahuyawo hamu na wapiṟi wopiṟa itutumo, waleindia sanamu tsilawode kiira nawo wakaosha wandu wa mkambo walya wawewatengetie; walepiṟa piu mawawaso ha Mndumii-Ruwa, ma waleambuya pfopfo.

2WAMANGI 17:21

Mndumii-Ruwa kekimaa iletsana wandu wa Israeli iwuka kishari kya Dawidi le, waleshimbuo Yeroboamu mana o Nebati iwa Mangi. Nao Yeroboamu katewa Waisraeli ileha Mndumii-Ruwa wechiwuta wunyamaṟi wung'anyi mnu.

SHIIMBO SHA DAWIDI 78:10

Walewada mkundana fo Ruwapfo; nakaleha ihendelia iwawaso lyake;

MAITALA 14:23

echiida na kulya orukenyi njilelyia nyamu waku wawo ke njechiwainengapfo, na manya iwo wainjipiṟa wechiida napfopfo.

MAITALA 14:35

Inyi Mndumii-Ruwa ngahamba: kya lohi njechimuwutia njido nyo mose mulekusanzia iya injikaṟuo. Wose wechiarisikia kunu kunu nuka na nyi kunu wechipfiia.”