1WAMANGI 10:5 - Bibilia Kui Mdedie fo Kimochi

⁵ Ngoseṟa kekiwona kando kaleendo na mesenyi koke, chando wanjama waledamia mesenyi, chandu waṟundi wawehidie na mṟaye yawo, na walya weṟutsa na mwaano yekoṟa aleinenga Mndumii-Ruwa, nalewa mkahai na iṟihiyo ling'anyi.

1WAMANGI 10:5 ပူးပေါင်းရင်းမြစ်များ

1WAMANGI 10:4

Mkamangi o Sheba kachihiyo mnu kekiwona wuṟango na wulaanyi wo Solomoni, na mba iya awewikie;

1WAMANGI 10:6

Kyasia, kawia Mangi “Mbonyi tsose njiletsiicho orukenyi loko tsii tsa maṟunda hapfo na wuṟango wapfo nyi lohi.

2WAMANGI 16:18

Na handu halya hakuirie kuwekeṟundio mkonu ya Sabato kuwei kuwike kiidi kya mba, hamu na kindo kekuruo kya nja, mangi naleshisamiṟa wuka mba ya Mndumii-Ruwa kipfa kya mangi o Ashuru.

1MBONYI TSA MAHERI 26:16

Shupimu na Hosa walesamburo waringe kichumi kya ora lo kyukanyi na kichumi kya Shelekethi mtandarenyi fo huye. Waringi wo wawewainenge iṟunda lyeringa kui makamba:

1MBONYI TSA MAHERI 9:18

Iwa wawekeringa mongo fo Mangi fuwekeri ora lu lo ngamenyi; ipfo mawookionyi wawekeringa mongo ya shiṟaṟo sha Walawi.

2MBONYI TSA MAHERI 23:13

Kaambuya kawona mangi mhya kichuminyi kya hekalu lya Mndumii-Ruwa. Nawehoṟoki mbai ya ngo injiteṟie ko wamangi, na akeri mṟingiche na wasongoru wa machekeṟo, na waimbi wekapa ombe. Na wandu wose waweiimba na ishina, na ikapa ngululu ko sia ing'anyi na ikapa ombe, wechisongoyo na waimbi wa mba ya Mndumii-Ruwa mfuhonyi-fo. Mkamangi kaṟihinyika, karanduo nguo tsake, na ikapa kitohio king'anyi kechihamba, “Wutwari wung'anyi! Wutwari wung'anyi!”

2MBONYI TSA MAHERI 9:4

Na shelya sa shiwei mesenyi koke, na iwona chandu wasongoru na waṟundi wake wawewaṟudia mesenyi, na nguwo tsawo waweṟee; na shidaso shemaya modonyi sa alewutia Mndumii-Ruwa kulya hekalunyi, naleṟihio ma alamanye kindo kededa.

EZEKIELI 44:3

Manya kudo, mangi awode oruka nechiidima iida napfo na ilya kelya kyake kiele oshangunyi loko. Kyaindi kimbaṟi naide na iya aidie mongo fo kiṟiha kingi.”

EZEKIELI 46:2

Mangi nyi echiida na mba awuka nja, naide o mongonyi mṟasa kiṟiha kyo kyamba nao nahoṟoke kufui na ngo tsa mongo fo, kiherikyo wakohanyi wawute shidaso shake shemaya modonyi na sha ofoṟo. Kiidima mangi cho naidie oo mongonyi nahende nja. Kii kidi mongo nyi fochikaa fufuṟuhuo mṟasa kyukanyi.

LUKA 18:10

“Wandu wawi waledo na hekalunyi iterewa Ruwa; umu nyi Mfarisayo, na o kawi nyi mosana okamba.

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.