1WAMANGI 10:25 - Bibilia Kui Mdedie fo Kimochi

²⁵ Orio umu nawerie shindo sha nga shihiya sha fesa, sha sahabu, maṟao, manemane, opfudano, frasi na shihongo. Shindo shi sha nga naleshiambilia orio maka.

1WAMANGI 10:25 ပူးပေါင်းရင်းမြစ်များ

MAWOOKIONYI 36:24

Na iwa nyi wana wa Sibeoni, Aya na Ana; nyi Ana ulya alewona soka tsa mringa fo modo kulya nuka, kiheri awei ilisa nzoi tsa ndee Sibeoni.

2SAMWELI 8:10

kaduma mana oke elaho Joramu ko Dawidi nambie otana, kipfa o alemkapana nawo shiheri shifoi alaidime iwawinza. Joramu kahenda ko Dawidi na imdaya shiṟimiṟa shishisungusie nyi sahabu, menya ya heleri na menya ya aṟeṟa.

2SAMWELI 8:2

Dawidi kakapase na iwinza Wamoabu. Kawia wapfungo walya walae wanda kui otasa , kawaha orio wandu wawi kiidi kya orio wandu waṟaṟu. Walya waledeo wakawa masinga hake na imtaa okamba orio maka.

1WAMANGI 1:33

Mangi kawawia, “Hendenyi kimu na waṟundi wa mndumii onu, mudosie Solomoni mana oko huye ya frasi yako inyi mumsotse mṟasa Gihoni;

1WAMANGI 10:10

Kyasia Mkamangi kainenga Mangi Solomoni ngoseṟa ya shilo (4,000) tsa sahabu, kiheo king'anyi kya opfudano na shindo sha wuhuru. Mafuda ho ha opfudano hafoi iho Solomoni aleinengo hawefoi mnu ma kuwode msa alemeinengo kiheo king'anyi kidi pfo.

1WAMANGI 18:5

Ahabu kawia Obadia, “Ida orukenyi sokenyi tsa mṟinga tsose, na shimeda shose, kofia lochiwona maṟa luinenge frasi na mchungu. Kundu lulawone lochiarisio shuma shi wanda.”

1WAMANGI 5:1

Nalyo Hiramu Mangi o Tiro awei mbuya ya Dawidi, kaicho ke Solomoni naleshimbuyo nawe Mangi handu ha ndeye, kaduma waṟundi koke.

2WAMANGI 17:4

Kyaindi kiheri kimu Hoshea kadika ndumi ko mangi o Misri yeterewa ndarama, naalyo kada alatae okamba ko Mangi Shalmanesa o Ashuru chandu aweichiwie iwuta orio maka. Shalmanesa kekiwona ado nalepfunga Hoshea ko mshe kamkumba kipfungonyi.

2MBONYI TSA MAHERI 26:8

Waamoni walemtaa okamba, nao kawada pfinya tsinganyi na kiṟumi kyake kikarumbalala mṟasa Misri.

2MBONYI TSA MAHERI 9:24

Orio maka wamangiwo waleendie Solomoni shindo sha nga sha fesa, na sahabu, na nguwo, na nzohoṟa tsekapana shida, shindo sha mpfaamo mcha, frasi na nzoi.

EZRA 2:66

Frasi tsawo; nyi mahana mfungade na makumi haṟaṟu na tsiṟandaṟu (736), nzoi tsawo; nzoi mahana hawi makumi hana na tsitanu (245).

ESTA 8:10

Kaṟehia kui rina lya mangi Ahasuero, na itsikapa ofano kui rachi ya mangi. Walya waletsiduo nyi waringi, waledoya frasi tsiwode pfinya na njiangu iwikia mteeṟa.

ESTA 8:14

Kwi iwawaso lya mangi, waringi wedo frasi tsiwode pfinya na njiangu iwikia mteeṟa tsechidicha mnu wakaduo ndumi itane washika otiṟiwenyi lo Susa.

YOBU 42:11

Kiidima wana wa mae, wachili wake na mbuya tsake tsose wawemiichi ilyi kuwoka wakahenda kanyi koke, wakalya kelya hamu nao. Wakambia haiye na imbihiṟia moo kipfa kya wukiwa wose Mndumi Ruwa alemwendie. Orio umu owo kainenga Yobu fesa na rachi ya sahabu.

SHIIMBO SHA DAWIDI 68:29

Kipfa kya hekalu lyapfo lya Yerusalemu; wamangi wechikuendie shihano.

SHIIMBO SHA DAWIDI 72:10

Wamangi wa Tarshishi na njoruka tsii mṟingenyi, tsitae okamba, wamangi wa Seba na Sheba walekie shiinengo.

SHIIMBO SHA DAWIDI 72:15

Nahong'u nakae na moo, wamnenge sahabu ya Sheba, wamterewie kitsitsi; na imbikia ona mfiri puti.

YESAYA 36:16

Mulaadanyie Hezekia;’ kipfa mangi ya Ashuru nahamba adi, “Wadenyi mbuya na inyi, kurenyi muche injisahiya, mulye orio mndu ndunda tsa msabibu yake, na ndunda tsa mkuyu yake, muwenyo orio umu mṟinga fo nduwa yake amonyi;

YESAYA 66:20

Nawo wechiende wana wa wama wanu wose wawukie kiidi kya mkambo yose, wawe mwano ko Mndumii, huye ya frasi, na kiidi kya magari, na kiidi kya kitaṟa na huya nzoi, na huye ya mando hai na moo mwangu, mṟasa fumvu lyako liele Yerusalemu, Mndumii ahamba; chando wana wa Israeli wekeende shiano shawo kanyi ko Mndumii kiidi kya shihia shicha.

EZEKIELI 27:14

Masaa hapfo nulehakumba ipfo Beth-togarma kundu uidime ihuṟa pfo frasi tsekudika na tsekapana shida, ngamia na nzoi.

MATAYO 2:11

Wakaida na mba, wakawona mana ulya akeri na mae Maria. Wakakuhutsa wanda na kyamu, wakampfiria ndi. Wakawuya wakapfunguo shindo shawo wawerie sha kisa, wakamwimaya nasho; nyi sahabu, na uvumba, na manemane.

WACHILI 3:15

Kyaindi Waisraeli wakafuhia Mndumii-Ruwa, nao kawadikia mowakiṟa, ai Ehudi awei owoko lo kumoso, mana o Gera o oshari lo Benyamini. Waisraeli walemduma naduo shindo sha nnga ko Egloni mangi o Moabu.

1SAMWELI 10:27

Kyaindi wandu wengi walaichi kindo wakahamba, “Ngesa mnduchu neidima iluashuo.” Walemina Sauli ma walemnenga kiinengo kyosepfo. Kyaindi o Sauli alesuopfo.