1WAMANGI 1:39 - Bibilia Kui Mdedie fo Kimochi

³⁹ Na Sadoki mkohanyi, kaira ombe lulya lo mafuda alewuta ihemenyi. Kaletsia mafuda halya mdohu fo Solomoni. Kyasia wekiwona wado wakakapa iranda na wandu wose wakahamba, “Mangi Solomoni nakae na moo.”

1WAMANGI 1:39 ပူးပေါင်းရင်းမြစ်များ

1WAMANGI 1:25

Kipfa inu nasokie, kashinja mmbe, na shinoru, na machondi hafoi, kiidima nalahie wana wose wa Mangi na wasongoru wose wa mbahanyi, na Abiathari mkohanyi, nawo nyi wakeri ilya na inyo oshangunyi lo Adoniya, wechihamba, Adoniya nakae na moo o nyi Mangi.

1WAMANGI 1:34

Kiidima Sadoki mkohanyi na Nathani mwikimbi wamshimbuo kui mafuda, nawe Mangi ya Israeli; kapenyi, iranda muhammbe, ‘Mangi Solomoni nakae na moo.’

1WAMANGI 1:40

Numa ya isho wandu wafoi wakado numa yake wechikapa mtoṟiṟo, wakachihiyo mnu, maṟu hawo hakadedemisha oruka.

1WAMANGI 2:15

Kyasia, kahamba, “Noichi ke wumangi wu wuwei woko, na Israeli wose shamu shawo shiwenjiambuya kundu inyi njiitoṟie kyaindi wulalu wumangi wohalukia manowama, kipfa nyi wudo kilewuka ko Mndumii.

2WAMANGI 11:12

Kiidima kasomotsa mana o mangi, na nja, kamṟika oro ya wumangi mdohu, kawemneenga mapfundo, wakamshimbuo wakamshia mafuda, wakakapakapa mawoko ha sia na ihamba, “Mangi nakae na moo.”

2WAMANGI 11:14

Kekiimehia kawona mangi ulya ahoṟoki kufui na ngo ikeri kichuminyi kya hekalu chandu kiwei mwichiwie, wanene wa ihana na wekapa taṟumbeta wai mba ya mangi; na wandu wose wai wachihie na ikapa taṟumbeta, naalyo karanduo nguwo tsake kadeda na ṟu lying'anyi, “Wuṟingi! Wuṟingi!”

2WAMANGI 9:1

Elisha kalaha umu o wana wa Waikimbi kambia, “Kuṟeheṟe noduo chupa i ya mafuda owokonyi lopfo nohende Ramoth - Gileadi.

2WAMANGI 9:13

Wakapfuṟukana owinyi, orio mndu kawuta ṟao lyake, kaṟika huya kitaṟa kya meda, wakakapa iranda wechihamba, “Yehu nyi Mangi.”

1MBONYI TSA MAHERI 29:22

Wandu walya wakachihiyo mnu, wakalya na inyo oshangunyi lo Mndumii-Ruwa. Mkonu na fulya, wakaṟika Solomoni mana o Dawidi, oṟo ya wumangi lya kawi, na impusia mafuda mdonyi oshangunyi lo Mndumii-Ruwa, nawe mangi yawo. Wakawepusia Sadoki mafuda nawe mkohanyi owo.

2MBONYI TSA MAHERI 23:11

Kyasia, Yehoyada kawuta Yoashi nja, kamṟika oṟo ya wumangi mdonyi foke, kamnenga kitapu kiwode mwanduye yeitoṟia oruka. Kamtana nawe mangi. Yehoyada na wana wake wakashimbuo Yoashi, na wandu wose wakakapa ngululu ko ṟu ling'anyi wechihamba, “Wada moo mleshe mangi!”

2MBONYI TSA MAHERI 23:13

Kaambuya kawona mangi mhya kichuminyi kya hekalu lya Mndumii-Ruwa. Nawehoṟoki mbai ya ngo injiteṟie ko wamangi, na akeri mṟingiche na wasongoru wa machekeṟo, na waimbi wekapa ombe. Na wandu wose waweiimba na ishina, na ikapa ngululu ko sia ing'anyi na ikapa ombe, wechisongoyo na waimbi wa mba ya Mndumii-Ruwa mfuhonyi-fo. Mkamangi kaṟihinyika, karanduo nguo tsake, na ikapa kitohio king'anyi kechihamba, “Wutwari wung'anyi! Wutwari wung'anyi!”

SHIIMBO SHA DAWIDI 89:20

Njilewona Dawidi, mṟundi oko, ngamshia mafuda hako maele.

IWUKA 30:35

Na iyo nochisungusia uvumba wo shindoshi, mafuda hepfaama hamasungusie nyi mndu mwaria mosungusia mafuda hepfaama necha, mecha, maele,

1SAMWELI 10:24

Samweli kawia wandu wose, “Ichu nyio mndu alesambuṟo nyi Mndumii-Ruwa kiidi kya wandu wose; kuipfo oose ai chaopfo.” Wandu wose wakafunja kisangalale, “Nakaepfo mangi.”

1SAMWELI 16:13

Samweli kaira ombe loke luwode mafuda; kaletsia Dawidi mafuda oshangunyi lo wana wa mae. Oweṟe mumuyo fo Mndumii-Ruwa fukasokia Dawidi na pfinya ing'anyi, fukamkaya wokia mkonufo na mkonu ingi. Kiidima Samweli kawuya na mṟinyi fo Rama.