1WAMANGI 1:31 - Bibilia Kui Mdedie fo Kimochi

³¹ Nalyo Bath-Sheba kahongoma na kyaamu, kaindia Mangi kahamba, “Mndumii oko, Mangi Dawidi nakae na moo mlungana.”

1WAMANGI 1:31 ပူးပေါင်းရင်းမြစ်များ

2SAMWELI 9:6

Mefiboshethi mana o Yonathani na mchuku o Sauli ahende ishika oshangunyi lo Dawidi, kaoloka madendenyi ha Dawidi na impfiria ndi kechimuadapfuma. Dawidi kamlaha, “Mefiboshethi.” Nao kamiidikia kahamba, “Ee Mndumii nyi inyi mbee (mṟundi opfo.)”

1WAMANGI 1:25

Kipfa inu nasokie, kashinja mmbe, na shinoru, na machondi hafoi, kiidima nalahie wana wose wa Mangi na wasongoru wose wa mbahanyi, na Abiathari mkohanyi, nawo nyi wakeri ilya na inyo oshangunyi lo Adoniya, wechihamba, Adoniya nakae na moo o nyi Mangi.

NEHEMIA 2:3

Nalyo ngahaluo njechihamba, “Ee mangi, mangi nakae na moo mlungana. Nyi wuda njilechisokio nyi fowa mangi, kyamba, mṟi fo Yerusalemu handu wafee wako wawaṟike fukeri wulya na mongo yafo ilemaa irumatso ko modo?”

ESTA 3:2

Na waṟundi wose wa mangi wawekelya mongonyi ko mangi wakahongoma na iindia Hamani, kipfa nyi wudo mangi awewawasie ko mbonyi tsake. Indi Mordekai alehongoma ma iindiapfo.

DANIELI 2:4

Kyasia walya washikiepfo wakambia kui kishomo kya Kiaramu Mangi nakae na moo mlungana; luongoye so waṟundi wapfo ndodo iya naso luidambuo.

DANIELI 3:9

Wakawia Mangi Nebukadneza, “Mangi Nebukadneza kaa na moo mlungana.

DANIELI 5:10

Kipfa kya madedo ha mangi na wanene wake, mae o mangi kaida na kulya wawedamie wechikesa kahamba, “Mangi kukae ho na moo! Manya kulakusaṟe mnu ma kuladetse fana ya kyamu kyapfo.

DANIELI 6:21

Kudi Danieli kahaluo mangi, “Kukaeho na moo Mangi!

DANIELI 6:6

Kyasia walya wawewawike wesongoya wengi wakahenda ikuwumbia ko mangi wakambia wadi, “lyo mangi Dario kukaeho na moo.

MATAYO 21:37

Kafurumia iwadumya mana ulya oke o womi kehamba, ‘Mana-chu oko nyio wechimidikya.

WAEFESO 5:33

Nanyo-da kimuwaṟi kui mndu kui mndu orio ose nakunde ado mka oke cha ili akukundi amonyi. Indi mka nahende yowuo mii.

WAEBRANIA 12:9

Kyasia ili luwewode wande yadu wa kui nyama wechilutsana lukawewahoya chi kiluwaṟi mnu kya ngoseṟa luhende ikulaṟya Wande chu ai menyi mamumuyo lukuwutie-ho iwonyo moo?

1SAMWELI 20:41

Oweṟe manake ulya kekikureho, Dawidi kahoṟoka alya handu aweowie kufui na kiwichia kya maho. Nalearama wanda makamba haṟaṟu kui wuindi oshangunyi-lo Yonathani. Woose wawawi, Dawidi na Yonathani, wakachunguṟiana na ifihiṟa. Dawidi awodo nyi fowa ngoseṟa ya Yonathani

1SAMWELI 24:8

Nao Dawidi kahoṟoka ili numa, kawuka kulya opangenyi kalaha Sauli, “Mdumii oko mangi.” Kiheri Mangi Sauli aleambuya numa, Dawidi nalearama wanda, kaindia Sauli.