1WAMANGI 1:29 - Bibilia Kui Mdedie fo Kimochi

²⁹ Mangi kalya nyamu, kahamba, “So Mndumii ai na moo, alenjikiṟa moo foko na shituuro shose,”

1WAMANGI 1:29 ပူးပေါင်းရင်းမြစ်များ

MAWOOKIONYI 48:16

na malaika alenjiashuo mawichonyi hose nakewikia wanake wa mboṟa! Rina lyako lyisendo huyawo, na marina ha wande wako, Abrahamu na Isaki; nawo wawe mfoeṟa fo wandu kiidi kya oruka.”

2SAMWELI 12:5

Dawidi kasuo mnu kipfa kya mawuto ha mnene ulya, kawia Nathani, “Ngalya nyamu njechisenda rina lya Ruwa menyi mo, ke mndu chu awuta mawuto ha mawicho hadi nyi kiwaṟi napfe.”

2SAMWELI 4:9

Kyasia, Dawidi kawahaluo kawawia, “Ngalya nyamu ko rina lya Ruwa chu menyi moo, ichu anjikiṟie na wakituwa wako wafoi.

1WAMANGI 1:28

Nalyo Mangi Dawidi kahamba, “Njilahienyi Bathsheba.” Kaida na mba ko Mangi, kahoṟoka oshangunyi lo Mangi.

1WAMANGI 17:1

Kyasia Elia o kihongo kya Tishbe ipfo Gileadi, kawia Mangi Ahabu, “Kwi rina lya Mndumii-Ruwa, Ruwa o Israeli ai na moo ichu njekemṟundia, ngakulyia nyamu ke kochiwada ṟauṟa ma mvuo-pfo na kui idedo lyako.”

1WAMANGI 18:10

So Mndumii, Ruwa opfo ai na moo, kuwode mkambo fo wandu ma wumangi Mndumii oko alaleduma wandu wakushihe pfo, na kiheri walehamba, ‘Aipfo-pfo, kawalisiṟa nyamu mkambo na wumangi wulya ke wakuwona pfo.

1WAMANGI 2:24

So Mndumii ai na moo ichu alenjiṟingishia, kanjidamiṟa loṟikehu lo wuitoṟi lo Dawidi ndeako, kanjiwikia mba, chando alewika kyasa, nyi kya lohi Adoniya nechiwoho inu tichi.”

2WAMANGI 4:30

Mae o mana ulya kahamba, “So Ruwa ai na moo, na moo fopfo da, njechikulekia pfo.” Kyasia kakure kamwosha.

2WAMANGI 5:16

Kyaindi Elisha kahamba, “So Ruwa ai na moo, ichu njekemṟundia, njechiambia kindopfo.” Kamtikiria naambie, kyaindi kaleha.

2WAMANGI 5:20

Kyaindi Gehazi, mṟundi o Elisha mndu o Ruwa kahamba, “Ambuya mndumii oko naleha shindo shilya Naamani alemeendie so Mndumii ai na moo, inyi njechimwosha, njewikia mteeṟa, njiambie kindo koke.”

SHIIMBO SHA DAWIDI 136:24

Kaluashuo na waturi wadu; kyamba isaṟia lyake nyi lya mlungana.

SHIIMBO SHA DAWIDI 138:7

Ma ngawechumia kiidi kya wukiwa nochinjiamtsa, nochihoṟuo owoko huye ya nyashi ya wakituwa wako, na owoko lopfo lo kulyo lochinjikiṟa.

SHIIMBO SHA DAWIDI 72:14

Nechikiṟa moo ya wandu waiwawonyie na wukika, na samu yawo nyi ya wuhuru oshangunyi loke.

WACHILI 8:19

Nao kawawia, “Iwo nyi wawei wana-wa-wama oko monjifee. So Ruwa ai na moo, kokoya mulalewawaha ma inyi njiwechimuwaha-pfo.”

1SAMWELI 14:39

So Mndumii-Ruwa chu ai na moo na ekeshuo Waisraeli, manya kokoya nyi manachu oko Yonathani kimbaṟi nawoho.” Kyaindi kuipfo mndu alehamba idedopfo.

1SAMWELI 14:45

Kyaindi wandu wakawia Sauli, “Nki ili Yonathani echiwooho mndu aleendie Waisraeli wuwinziwu wung'anyi wudi Kindoki kiide kuleshe. So Mndumii-Ruwachu menyi moo, manya ochui lumu lo mdonyi foke lochiho wandapfo. Iki awuta inu, nawuta kechitaramo nyi Mndumii-Ruwa.” Koikyo wandu wakaashuo Yonathani nao nalawooho.

1SAMWELI 19:6

Sauli naleadanyia Yonathani, numa kalya nyamu, “So Mndumii-Ruwachu menyi moo, njechiwaha Dawidi-pfo.”

1SAMWELI 20:21

Njechiduma mṟundi oko nache ionduo mfiyo. Kokoya ngammbia, ‘Ambuya, mfiyo ikeri ora lo lopfo, iende,’ ikyo kechilora ke nui na kipuo, na iyo nochikuloṟa kuwuka o handu uweowie, kyamba so Mndumii-Ruwa chu menyi moo, kechiwa ke kuwode ofoṟo kopfo iyo, kuwode ndenga-pfo.