1WAMANGI 1:20 - Bibilia Kui Mdedie fo Kimochi

²⁰ Hoi, Mangi, Mndumiii oko, meso ha Israeli wose hakuindukie iyo, uwawie ke nacho echidamia loṟikehu lo wuitoṟi numa yapfo, hoi Mangi mndumii oko.

1WAMANGI 1:20 ပူးပေါင်းရင်းမြစ်များ

2SAMWELI 23:2

“Mumuyo fo Ruwa fukadeda kiidi kyako, madedo hake hakeri oliminyi loko.

1WAMANGI 1:19

Ngoseṟa nashinjie mmbe, na shinoru, na machondi hafoi, kawelaha wana wa Mangi wose, piu na Abiathari, mkohanyi, na Yoabu, msongoru o mbahanyi. Kyaindi Solomoni mṟundi opfo alelahopfo.

1WAMANGI 1:21

Shile wudo kechiwa ili mndumii oko Mangi echilaa nasanzo na wandee wake, inyi na mana oko Solomoni lochiitalo wewuta sha mkika.”

1MBONYI TSA MAHERI 28:10

Ko ikyo ambuya mnu, kyamba Mndumii-Ruwa amekusambuṟa iyo nosungusie mba sa yechiwa handu haele; kuwanze mnu, na iwuta iṟunda lyo.”

1MBONYI TSA MAHERI 29:1

Kyasia, mangi Dawidi kawia kisanzio kilya kya wandu, “Mana chu oko Solomoni sa Mndumii-Ruwa amsambuṟa nawe mangi ya Israeli, nakeri mana mtutu mnu na awode muichiwie fung'anyi, fo iṟunda li lyesungusia hekalu-pfo; na hekalu li akundikie nasungusie chi lya wandu pfo, nyi lya Mndumii-Ruwa.

2MBONYI TSA MAHERI 20:12

Iyo nyio Ruwa odu! Wahoṟuwo Mndumii, kipfa so luwode wuidimi wo wose oshangunyi lo ichekeṟo ling'anyi cha ili liluchea-pfo. Luichi kindo lochiwuta-pfo, sile na ikusiria na ndarama iwuka kopfo-pfo.”

SHIIMBO SHA DAWIDI 123:2

Cha meso ha waṟundi, kui owoko lo wandumii wawo; Cha meso ha isinga lya kika, kui owoko lo kekuye oke; nyi wudo meso hadu hahalukie Mndumii, Ruwa odu. Tane echilusaṟia.

SHIIMBO SHA DAWIDI 25:15

Meso hako haindukia Mndumii kiheri kyose, Nao nechiwuta kudende koko mshihodinyi.

ZEKARIA 3:9

Kipfa ambuya iho lyi njileliwika oshangunyi lo Yoshua, iho limu liwode meso mfungade na inyi njechitisiṟa ofano loke, Mndumii Menyi Matorito ahamba, njechiwutaho njonyamaṟo tsa oruka lulya kui mtiṟi fumu.