1TIMOTEO 6:4 - Bibilia Kui Mdedie fo Kimochi

⁴ Ichu aimlahutse, alaichi kindo indi aluye mrima kui kitoṟongocho kya mahio na pfumu lya njolimi, nyihondo kowuka wunyeng'i na mlusano, na shirumo na mawewedo mawicho;

1TIMOTEO 6:4 ပူးပေါင်းရင်းမြစ်များ

MFANANO 13:7

Kuwode mndu mokusuṟisha, indi awode kindo pfo, Kuwode mndu mokuhaluo mkiwa, indi nawode masaa,

MFANANO 25:14

Cha mapuchi na otanu kulawode mvuo. Nyi wudo ai mokushela na shisumbo kui wongo.

MFANANO 26:12

Ngesa uwonyi mndu mṟango mesonyi hake amonyi? Nanga ikusirya tondo kota o.

YESAYA 58:4

Ambuyenyi nyo mukeri ikuotoya kundu mulimbane na iloyana, na ikapana nzina ya wuwicho. Mukuotoya mkonu fu fo inu na muirie ṟu lyanu huye.

MAWUTO HA WASU 15:2

Nakyo kikaamtsa Paulo na Barnaba wakaloyana nawo na irekyana nawo kyumu. Lyefurumia wakawawasa ke Paulo na Barnaba wahende ido na kulya Yerusalemu kimu na wengi-ho wa ipfo kiidi kyawo waduo-pfo mbony tsa Ngano ii ko wasu na wameku waipfo.

MAWUTO HA WASU 18:15

Kya indi ili kyamba nyi mawesanao ha opfundo na marina na mawiko ha ipfo konu nyo muwenyi, ikyo kiringenyi muwenyi, inyi njilakundi iwa modumbwo mondu fo shindo shido.”

MAWUTO HA WASU 8:9

Kukawekaa-pfo mndu ipfo mṟiny ewio rina lyake nyi Simon, awode wuhanga, nyi aweṟihishye mnu wandu wa oshari lo Wasamaria kechihamba ke nyio ai mnene.

WAROMA 12:16

Muwe mochikayana kui mhie fumu koorio mndu, mulawone mochihia kya shidembo shesonguo, kya indi muchumie muwodanyi na walya watutu. Mulakutane waṟango nyo muwenyi.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

WAROMA 14:1

Msa afafae wuidiki kewemambyenyi mulawone mochimitika hando akangashia.

WAROMA 2:8

Indi iwo wengi wawode ikukunda walaidikie kilya kiilohi indi wakaidikia mawicho wo wechihoyo nyashi na tuuke ya Ruwa.

1 WAKORINTO 11:16

Indi kokoya kwipfo ahamba nawike-ho Ngano, so luwode kido cha ikyopfo, manya siṟi tsa Ruwa ote.

1 WAKORINTO 11:18

Kya kuwoka ngaicho wai ke ippfo konu ili mokusanza kui siṟi nyi kuwode mapaṟakano. Nakyo ngakiidikya kyenga.

1 WAKORINTO 3:18

Kulakae-pfo echikulemba amonyi. Kokoya kwiipfo konu akuwona amonyi ke aa mṟango na maindi ha kiwulalu, nakuwiie tondo nakuwutie-ho ihenda ṟanguo.

1 WAKORINTO 3:3

Kyamba ma wulalu da mukeri-se wa-kimbihu. Kyamba ili ipfo konu kuwode wunyenyi na wuṟingi chi mui wa-kimbihu mochikuhendeshya mbaṟi ya kiwandu?

2 WAKORINTO 11:20

Kyamba nyi molekya kokoya mndu amutana singa, kokoya mndu amumeṟa, kokoya mndu ahenda imṟeha, kokoya mndu amkushelya, kokoya mndu amukapa kyamu.

WAGALATIA 5:15

Kya indi kokoya motufuana na iimadana ke-ambuyenyi mulawone mochimeṟana muwenyi na wenyi.

WAGALATIA 5:26

Lulakushele na shindo sha maai lochianduyana na inyeng'ana luwenyi na wenyi.

WAGALATIA 6:3

Cha kipfa ipfo kundo mndu aikumbwo ke amba mndu nao alai kindo lohi nyio akulemba amonyi.

WAFILIPI 1:15

Kala na kwipfo wekehamba wadi Kristo wai-waamtse nyi wunyenyi na isohuo mondu kya indi kwipfo na wekemhamba kui wuheki.

WAFILIPI 2:14

Kewewutenyi shindo shose mulechinunuwa ma ipfio nyi mdo.

WAFILIPI 2:3

Ma mulawone moamtsa shida ya nda mulakunyashe nekushela, kya indi orio onu natane odoe msongoru muwe mokunyiiṟa mudi mose.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

2WATESALONYIKYE 2:4

Nao nechikaruo orio kyechiichiko nyi wandu ke nyi Ruwa ang'u wandu wekyekiindia. Katana akudamiṟa amonyi ipfo Hekalunyi lya Ruwa echikumanyisha o amonyi ke akeri Ruwa.

1TIMOTEO 1:4

Ma walasumesume shihanu na maitumano ha marika halechidumbuka. Shindo cha isho shekeende mawesano indi shilaende owiko lo Ruwa locha wuidikinyi.

1TIMOTEO 1:7

Nyi wakutana walosha wa wuwawaso walamanye ma shilya wehamba ma kya shilya wedambuya.

1TIMOTEO 3:6

Nalawe mwetsi kundu nalawone echikulandaṟisha nashike ihoya wudehelinyi wo Satana.

2TIMOTEO 2:14

Uwakumbuṟye ishi ochiwaikimba wuikimbi wu oshangunyi lo Ruwa ke walaire shida ya njolimi kui madedo ilaende kindo shila nyi ipfuluo walya weadanya.

2TIMOTEO 2:23

Indi mawesoweso halya ha wutondo halawode wuṟango ulekane naho kipfa uichi ke ho hekeende shiloyo.

2TIMOTEO 3:4

Waṟingi, wadimidimi, wakutimbishye timbishi, kindo wakundi nyi wuseṟeeṟi na seko tsa nyama kota ikunda Ruwa.

TITO 3:9

Kya indi mawesoweso ha wutondo na maitumano ha marika na mandeda na maloyo ha kiwuwawaso, ho uhadiche. Cha kipfa halai na mbucha, nyi ha maai.

YAKOBO 1:19

Iki mukiichi, wanawawama wako wakunde. Indi orio mndu nawe mwangu kui yadanya na mlemeri kui ideda na mlemeri kui idosa nyashi.

2PETRO 2:12

Indi wanduwo wai cha mando halai na wuṟango, hekeshao na lyefurumia hekyeshinjo, nyi wekeruma ishi walaichi. Wo wechirumatso kipfa kya wuwicho wowo wawenyi.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

YUDA 1:10

Indi iwa wai wado wo wekeruwa shilya walashiichi; na shilya washimanya shiiwaamkya shii shimu na sha mando halai, na mbia kosho wakuwutya-ho ihenda inyamaṟika.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.

OTAMBAHALUO LO YOHANE 3:17

Kyamba uhambye, ‘Inyi njii msuṟi njiwode shako sha mweena njilawuṟye ma kindo.’ Ate kulaichi ke ui mrohye, utoṟowae kudi, ui maliomba, ui mpfu meso, ui kitaṟe.