1TIMOTEO 6:18 - Bibilia Kui Mdedie fo Kimochi

¹⁸ Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

1TIMOTEO 6:18 ပူးပေါင်းရင်းမြစ်များ

2MBONYI TSA MAHERI 24:16

Wakamṟika mṟinyi fo Dawidi handu hamu na wamangi, kipfa kya ili alewuta shido shicha kulya Israeli ko Mndumii-Ruwa, na ko ihekalu lyake.

SHIIMBO SHA DAWIDI 112:9

Nalesaṟia, na iinenga wakiwa, wukiilohi woke wokaa mlungana. Pfinya tsake tseching'anyisho kui kiṟumi.

SHIIMBO SHA DAWIDI 37:3

Ukusirie Mndumii uwute mecha, ukae aa wuyana, uchihiṟo nyi wuhendeli.

KOHELETI 11:6

Ngamenyi waaya kilimu kyapfo Kiukanyi kulaime owoko lopfo isambuo Kipfa kulaichi nyi tsiha tsechialuka, kokoya nyi ii ang'u ii, ang'u kokoya tsose tsechialuka necha.

KOHELETI 3:12

Inyi njiichi kuwode kicha kowo kiidie ichihiyopfo ma iwuta mecha kipfa wai na moo.

YESAYA 32:8

Indi ichu awode oloho, nekekusaṟa oloho, nao nekewada mbonyi tsa wusoṟo wo lohi.

YESAYA 58:7

Ngesa chi iinenga wawodo nyi njaa kando, walya wai wakiwa waendo na kanyi? Mndu ai kitaṟe, naṟiko nguwo; ma kulaowie mndu o samu yapfo?

MATAYO 5:42

Ichu mokuterewa, mnenge, na ichu mocha kuakuo, ma kulamkumbe mhongo!”

LUKA 12:21

Nyi wudo kyechiwutikia ichu mokusanyia shindo indi alasuṟie ko Ruwa.”

LUKA 3:11

Nao kahaluo kawawia, “Msa awode kanzi tsiwi nainenge ulya alawode, na ulya awode kando nawewika ado.”

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 11:29

Na walya wa kiloshyonyi orio mndu chando awemwonyishe wakasanga shedaya wanawawama wai kulya Yudaya sha ndarama.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

WAROMA 12:13

Mudaṟane na wandu wa Ruwa kya shindo wawuṟye, mukukambiṟe ihida wahenu kui wulalutsa.

WAROMA 12:8

Msa amsumbe chila yewhiṟia wengi moo nawewuta ado. Kwipfo ai motutuma, nawekaa echitutuma; kwipfo Sa ai mohawia wengi shindo awode nahawe ai msalari, kwipfo ai mosaṟya, nakae-ho echiṟamka. Na mosaṟia nasaṟie na sia.

1 WAKORINTO 16:2

Ke orio mkonu fo kuwoka fo mfungade orio mndu o ipfo konyu nakuleṟye ipfo kanyi koke kiteseheṟyo amwonyishe nakyo kundu kisangokyo kilawone kyechianga isanyo inyi ngamemaa icha.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

WAEFESO 4:28

Muiwi nalakiiwe-se, indi naṟunde necha nawe motambahanya kilya kii kicha ekisungusia na mawoko hake hamenyi kundu nakuwonye-ho kyenenga na ulya akiwuṟye.

1TIMOTEO 5:10

Nawe mṟingishie kui mawuto mecha ili ametoṟishya wana ili ameekya necha wahenu ili amesanja waele walya madende ili ameikanya wafoye ili amewinya orio ṟunda icha lyose.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 13:16

Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 3:11

Nadiche mawicho nahende iwuta kii kicha. Nawe mopfula ofoṟo na iluwingya.

1YOHANE 3:17

Indi kokoya kwipfo awode shichoṟe shewanza moo fo wuyana-wu nao kaambuya manomae ashiwuṟye nao kampfungya ngoo, nyi wuda ikunda Ruwa lyekaa nao ngesa?

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.