1TIMOTEO 6:13 - Bibilia Kui Mdedie fo Kimochi

¹³ Ngakuwawasa oshangunyi lo Ruwa mowonya shindo shose moo na lo Kristo Yesu aweṟingishie mringishie fulya mcha odatsinyi lo Pontio Pilato.

1TIMOTEO 6:13 ပူးပေါင်းရင်းမြစ်များ

MATAYO 27:11

Kyasia na Yesu awehoṟoki ipfo oshangunyi lo mchili moitoṟya oruka. Na mchili kambesa kahamba, “Iyo nyi mangi ya Wayuda?” Yesu kahamba, “Nakyo ohamba.”

MATAYO 27:2

Wakampfunga wakamduo wakamdambikya ipfo ko mchili ulya o oruka Pontio Pilato.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 19:11

Yesu kamhalwo, “Kuwewode pfinya na inyi kima chila kuleinengo iwuka huye ko Ruwapfo. Nakyo kiinengye ichu anjidambikye kunu kopfo kawada wunyamaṟi wung'anying'anyi.”

YOHANE 5:21

Kyamba chando Wande aṟutsa walya wapfu kawainenga moo, nao Mana na wudo-ng'u iwo akunda kawainenga moo.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

MAWUTO HA WASU 17:25

Ma echiwa ipfuṟukanyo nyi mawoko ha wandupfo cha ili awewuṟye kindo ma kimu. Cha kipfa nyio ainenga wose moo na yomuo mumuyo na shindo shose pyu.

2 WAKORINTO 9:13

ipfo kundo wupfuṟukanyi wukeri wudi womshika imanyika wawuta-ho iṟumisha Ruwa kya wuhendeli wonu wohamba ndumi ya sia ya Kristo na kya mlungano fu mukuwodye nawo na wandu wose fuhoṟoki fudo.

WAGALATIA 3:26

Nanyo mose mui wana wa Ruwa kui wuidiki wu wokusirya na Kristo Yesu.

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.

1TIMOTEO 1:12

Ngaana Mndumii odu Yesu Kristo mbanzi oko ili alenjikusaṟa mhendeli kanjiwika kipfuṟukanyonyi.

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

1TIMOTEO 2:5

Kyamba Ruwa nyi umu na msanzi mosanza Ruwa na wandu na umu nyio mndu o wandu Kristo Yesu.

1TIMOTEO 5:21

Ngakututuma na kamu njii oshangunyi lo Ruwa na lo Kristo Yesu na lo wasu waele wasambuṟe ke uringe ishi kulawone kosuya mndu ma kulawute kindo ochikundia mndu.

1TIMOTEO 6:12

Kapana ngapano iya njicha ya wuidiki, ke-wada moo fo mlungana, ifu omelahyo ndaho yafo kowefuṟingisha mṟingishie sa mcha oshangunyi lo wangochi wafoi.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 21:6

Nahong'u Kanjiwia, “Shameawukia! Inyi nyio Alifa na Omega, Mboki na Mwawutsi. Ichu amwangari njechimwenenga kyenyo kya nnga kiṟukye ipfo sokenyi ya mṟinga fo moo.

OTAMBAHALUO LO YOHANE 22:1

Nao malaika kanjiloṟa meda fo mṟinga mharami cha kilo la furie moo fuwei miili fuwode ngesa fuṟukye ipfo loṟikenyi lo Ruwa na Kidahina kilya.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

1SAMWELI 2:6

Mndumii-Ruwa nekewaaha na Iṟutsa, o nekyewasotsia ko waṟumu nao nekewawihiṟase.