1TIMOTEO 5:8 - Bibilia Kui Mdedie fo Kimochi

⁸ Indi kokoya mndu alalisiṟie mbaṟi yake, mnu wa kanyi koke, nyio alekaana wuidiki awichuo kota mndu alaidikye.

1TIMOTEO 5:8 ပူးပေါင်းရင်းမြစ်များ

MAWOOKIONYI 30:30

Kyamba masaa hapfo hawei maangu kiheri kyo njilawemeche, naho hakaengeṟa ipfumbuka, Mndumii kakuwikia ona orio handu njilehenda. Aka wulalu, nyi indi njechiambuya sha kanyi koko?”

YESAYA 58:7

Ngesa chi iinenga wawodo nyi njaa kando, walya wai wakiwa waendo na kanyi? Mndu ai kitaṟe, naṟiko nguwo; ma kulaowie mndu o samu yapfo?

MATAYO 18:17

Indi kada alaadanya iwo nohende ikyongoya siṟi. Kada alaadanya siṟi naho nakuwie cha o mbaṟi njihenu na msanyi o okamba.”

MATAYO 7:11

Kyasia nyo mui wawicho kokooya na mochiidima iinenga shiwana shanu shiinengo shicha, aka-wo Nde-anu o ipfo ruwehu chi echiengeṟa imwinenga shicha ili momterewa?

YOHANE 15:22

Kima njilawemche na ideda nawo wawehoyo owingo lo wuyamaṟipfo. Indi wulalu wakuwonya mweeke fokuwuta owingo lu lowopfo.

1 WAKORINTO 6:6

Kya indi mndu manowama ekeanduyana na manomae nakyo nyi ipfo patenyilya walaidikye.

2 WAKORINTO 12:14

Ambuya ili nyi lya kaṟaṟu inyi njii mteseheṟe icha na konu, manya njechimlemeṟapfo. Kyamba ndaipfula shii shanu indi nyi nyo muwenyi njiimupfula. Kyamba kilawari wana wasanye wafee kisa kya indi kiwari wafee wakisanye wana.

2 WAKORINTO 6:15

Na mlingana mki fo Kristo na Beliali? Ang'u msa aidikye ai na ohawi luki na msa alaidikye?

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

2TIMOTEO 2:12

“Kokoya lokutirisia hamu nao, na itoṟya lochiitoṟia da kimu nao. Kokoya so lomkana nao echilukana so da.”

2TIMOTEO 3:5

Kya ora lo nja cha wandu wawode wuindi wakufananyishie wuindi woindya Ruwa indi pfinya ya iwikaho wuindi lohi iipfopfo. Iwo wai wado uwadiche.

TITO 1:16

Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

2PETRO 2:1

Indi kuweipfo na waikimbi wa wongo ipfo kiidi kya wandu. Chando na ipfo konu kochiwa wai walosha wa wongo. Wechilosha moshie mbicho fonyamaṟa na ikana Ruwa-alewakiṟa. Na Mnene ichu alewatalaa nyi wechimkana wekutumukishya wadi kiwadetsa owinyi.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 2:13

Njiichi handu okekaa, nyi alya kidembonyi kya Satana. Kya indi iyo ukuwodie na rina lyako kowekaa kulawekana wuidiki wonjiidikya ma ilindi Antipa, mringishi oko sa mhendeli aleshika iwoho ipfo kidembonyi kya Satana.

OTAMBAHALUO LO YOHANE 3:8

Njiichi mawuto hapfo hose. Ambuya, ipfo oshangunyi lopfo njipfunguye-ho mongo fulawa ishingo nyi mndu. Finya uwode ii ntutu mnu indi na ulekutaamba na mawawaso hako koindia kulakana rina lyako.