1TIMOTEO 5:15 - Bibilia Kui Mdedie fo Kimochi

¹⁵ Kipfa kulemboneka waminduka wewingya Satana.

1TIMOTEO 5:15 ပူးပေါင်းရင်းမြစ်များ

MATAYO 4:10

Nalyo Yesu kambia, “Wuka iya koko Satan, kifa nyi ki-kiṟehie kehamba: Mndumii ofo Ruwa, nyio amonyi ochimwolokia ndenyi na imterewa.”

1TIMOTEO 1:20

Kiidi kyawo kwipfo Himenayo na Aleksandria, wo ngamaa iwadambikya Satana, kundu watsano walakirume.

2TIMOTEO 1:15

Na uichi ke walya waiiya Asia walenjidicha wose waata wawo nyi Figelo na Herimogene.

2TIMOTEO 2:18

Kiidi kyawo kwifo Himenayo na Fileto, nyiwo waleasha ki-wulohi kilya ili wehamba ke iṟuka lyadu lilembutika wai, wakafurunjia maata mwidikye fowo.

2TIMOTEO 4:10

Kyamba Demasi alenjida amhenda ikunda wuyana wu wo kiwulalu kahenda Tesalonyikye. Kiresike alehenda Galatia. Tito kawehenda Dalmatia.

2PETRO 2:2

Na wandu wafoi wechiwingya njia-tso tsawo njiwicho. Nyiwo wechitewa njia ya kii-lohi ihende irumo.

2PETRO 3:16

Isho nyisho aideda baṟuonyi tsake tsose ili ashike ipaaya-ho isho. Ipfo kiidi kyatso kwipfo shindo, maata shi shiumu imanyika owinyi. Nyisho wandu wai matondo, walai wapfunde walai wawanze wekeshipfuluopfuluo chando wekyepfuluo Madedo hengi Maele, na mṟehie ingi wakakuwutya-ho ihenda ikudetsa wawenyi.

1YOHANE 2:19

Nyi wammbuka kambenyi lyadu, kya indi walawepaṟikye kodu. Kyamba kima wawepaṟikye kodu wawechikaa naso. Indi kilehendeka kido kundu washike imanyika na pata ke chi wose wapaṟikye kimu nasopfo.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.