1TIMOTEO 5:10 - Bibilia Kui Mdedie fo Kimochi

¹⁰ Nawe mṟingishie kui mawuto mecha ili ametoṟishya wana ili ameekya necha wahenu ili amesanja waele walya madende ili ameikanya wafoye ili amewinya orio ṟunda icha lyose.

1TIMOTEO 5:10 ပူးပေါင်းရင်းမြစ်များ

MAWOOKIONYI 18:4

Kuendong'u mṟinga sa mtutu musanje madende, mkesia moo iya wanda ya ikidilyi.

MAWOOKIONYI 19:2

Kawawia, “Wandumii wako ngamuterewa mnu, mukuidie na mba ko isinga lyanu, mukulaye musambe madende hanu, mṟasa ngamenyi mukukurye otuko, mukuhendye.” Wakahamba, “Chi wudopfo, lochikaa osehu kio taṟaṟaa.”

MAWOOKIONYI 24:32

Mndu ulya kaida na mba, kapfunguo ngamia; nao kawuta maṟa ha ngamia, na mṟinga fosanja madende hake, na madende ha wandu wai nao.

MAWOOKIONYI 43:24

Mndu ulya kekiende wandu walya na mba ko Yosefu, kawainenga mṟinga wakasanja madende, kainenga nzoi tsawo shelya.

SHIIMBO SHA DAWIDI 119:4

Iyo kuleluwawasaia mapfundo hapfo. Kundu so luhaindie mnu.

YESAYA 1:17

Kuloshenyi iwuta mecha; dumbuonyi mwanduye ya sungusihu; taramenyi wafafa; inengienyi wangoeda kilya kisumhanyi; kapanyienyi wakusu.

WALEWI 25:35

“Kokoya odoo nai mkiwa alaidima ikuambuya amonyi; nao nai na iyo kikuwaṟi nomwambuye nakae na iyo; mṟundie cha mhenu ang'u mokyaṟo ai ipfo kopfo.

MATAYO 25:17

Na ulya o tsilya tsiwi kawewona-ho tsingi tsiwi tsa mbucha.

MATAYO 5:16

Nyi wudo na sa yanu iwewaa oshangunyi lo wandu wose, wawuteho ikulosha mawuto hanu mecha, kundu wang'anyi she naho Nde-anu o ipfo ruwehu.”

LUKA 7:38

Kacha ihoṟoka alya numa ya madende hake kechilia, kawooka ichoweṟa madende halya hake na mchenyeṟe iya; kawuya ihaanguo na njui tsa ipfo mdonyi koke. Amiidima ado kakomba-komba madende halya hake, kahashia mafuda halya hepfaama.

LUKA 7:44

Kyasia kekiindukia mka ulya kawia Simon “Uwonyi mka-chu? Inyi ngamekuchea na kunu mba kopfo, na iyo onnenga ma mṟinga fosanjia madende hapfo. Nao kyake nyi achoweṟa madende hako na mechenyeṟe, kawuya kahaanguo na njui tsa ipfo mdonyi koke.

MAWUTO HA WASU 10:22

Wakahamba, “Nyi Kornelio mchili mndu mhoṟotsu aowoye mnu Ruwa menyi kiṟumi kicha ipfo osharinyi lo Wayuda lose, o alewawaso nyi malaika mwele ke nadume wandu kopfo nohende kulya kanyi koke nakuadanye kindo ochimbia.”

MAWUTO HA WASU 22:12

Nahong'u kuwepfo mndu ewio rina lyake nyi Ananyia mndu mohendelya necha wuwawaso awei mbikye kiṟingishyo kicha nyi Wayuda wose wekeri kulya.

MAWUTO HA WASU 6:3

Nkyo kimaduma le wanawawama, kekusambuṟyenyi ipfo kiidi kyanu sa wawode kiṟumi kicha waichuṟe Mumuyo Mwele wai na waṟango kundu luwadambikye kiṟundyo ki.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

MAWUTO HA WASU 9:39

Petro kakure kaduana nawo. Kekishika-pfo wakamdosa na kulya kai. Waka wakusu wose wakacha ihoṟoka alyando ai wechifuha na imloṟa kanzu na nguo tsilya Tabita awetsiwikye mandi ei nawo.

WAROMA 12:13

Mudaṟane na wandu wa Ruwa kya shindo wawuṟye, mukukambiṟe ihida wahenu kui wulalutsa.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

1TIMOTEO 2:10

Indi liwe lya kilya kisumhanye waka wakuhambie na wuowu woowuo Ruwa lii lya mawuto mecha.

1TIMOTEO 3:2

Na wulalu mndu moambuya kimbaṟi nawe mndu alawode owingo, ai mii o mka umu asanjikie mdo, menyi osaṟe, mndu msanze, mokunda wahenu, menyi njopfundo.

1TIMOTEO 3:7

Nakae awode na kiṟumi kicha kya ko walya wai ora lo kya nja, kundu nalahoye wusutsunyi na mtambonyi ya Satana.

1TIMOTEO 5:16

Kokoya mwidiki mshiki awode wakusu nawalele, nalarohie siṟi kyawo, kundu yo iidime ilela wakusu wawuṟie lohi.

1TIMOTEO 5:25

Mawuto halya mecha na wudo hamanyikye, na kya halya kyaho kihendekye kiwungi ma haidima ikaa hai maṟikepfo.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

2TIMOTEO 1:5

Ngatamuo na mwidikie fopfo fo lohi, nafo kyekuyo Luise nawefuwode na mayo o Eunike. Indi njikusirie naafo ufuwode.

2TIMOTEO 2:21

Wulalu-le kokoya mndu akuhaṟamisha amonyi kalekana na shindo sho shose shiteṟefutsie mrima o echiwa kichoṟe kya ichopa kii kiilishe kyeṟundya orio iṟunda icha lyose.

2TIMOTEO 3:15

Uichi na Maṟehyo halya Maele nyi wokia wututu wopfo, naho heidima ikuwonya wuṟango woimanya okiio luwukye wuidikinyi wukuwode na Kristo Yesu.

2TIMOTEO 3:17

Kundu mndu o Ruwa nawe mtsane aa mteseheṟye kya iwuta orio wuto icha lyose.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

TITO 3:1

Uwatamuṟye ke wakae wakuwike shi ya wanene wai wenyi-menge wechiwaidikya. Wakae wakuteseheṟye orio ṟunda icha lyose.

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 10:24

Na lukae lochiringana luwenyi na wenyi luhende yaaka kui makundano na mawuto mecha.

WAEBRANIA 13:2

Mulahadime iambya wahenu na kanyi konu. Kyamba ili kuweipfo wewika wadi nyi waleambya wasu waele ma walawichi.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 4:9

Muambyane necha kanyi konu kulaipfo mununuwo.

3YOHANE 1:12

Orio mndu naiṟingishia kya Demetrio; na kiilohi kyo kikeri imṟingishia kii kyenyi. Naso luimṟingishya, na iyo uichi ke kiṟingishio kyadu kikeri lohi.