1TIMOTEO 4:8 - Bibilia Kui Mdedie fo Kimochi

⁸ Kya ikutsana lya mbaṟi ya kii-nyama mbucha iwukie-ho nyi sa ntutu. Indi wuindi wulya woengeṟia shose mwengeṟya fo wucha ili fumbikie kyasa kicha kya moo fo wulalu na kya fulya fungi fochicha.

1TIMOTEO 4:8 ပူးပေါင်းရင်းမြစ်များ

YOBU 22:2

Ngesa, mndu o wandu nechiidima itarama Ruwa? Na lohi da, ulya ai mṟango nekekutarama amonyi.

YOBU 36:11

Waikaindia Ruwa na imṟundia, wekeiṟimiṟa kiidi kya mkonu yawo yose; maka yawo yose yawa ya sia.

SHIIMBO SHA DAWIDI 145:19

Nechiwutia iwo wamwindie isho wakundi, nao nechiicho kieṟeṟo kyawo na iwakiṟa.

SHIIMBO SHA DAWIDI 37:11

Indi wahoo wechioṟa oruka; wechichihiyo nyi mfoeṟa fo ofoṟo.

SHIIMBO SHA DAWIDI 37:29

Wenyi lohi weoṟa oruka, nawo wechikaapfo mlungana.

SHIIMBO SHA DAWIDI 37:9

Kipfa wewuta mawicho wechinyamaṟo Indi Walya wewedia Mndumii nyiwo weoṟa oruka.

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

MFANANO 19:23

Ikunda Mndumii lyekehendia moo; Nechikaa ahutsu; echicheyo nyi mawicho pfo.

MFANANO 22:4

Wueri wo wekunyiiṟa wui nyi iindia Mndumii Nyi wusuṟi, na kiṟumi, nawo nyi moo.

KOHELETI 8:12

Manya mndu mnyamaṟi kawuta mawicho ka ihana, kaengeṟa mkonu yake; indi ma kudo njiichi kui lohi ke kyechiwa nanga ko walya waidikie Ruwa, wai wecha koke;

YESAYA 3:10

Wienyi wenyi wusumhanyi ke wechiwa nanga, kipfa wechilya ndunda tsa mawuto hawo.

YESAYA 33:16

Ichu nyio mokaa huye; ngaṟahamba tsa maho nyi omombo loke; nechiinengo kando kake; mṟinga foke fochiumiapfo.

YEREMIA 6:20

Nkya iki njiendio mpfamiṟo fuwukie Sheba, na msanzo fofo fuwukie oruka lo kuleshe? Mwano yanu yemaya modonyi yaidikiopfo, Ma shidaso shanu shinjichihiriye-pfo.

MATAYO 12:32

Na mndu echideda dedo kya isuana na Manomndu nechihoṟyo kyakyo. Kya indi mndu echideda dedo kya isuana na Mumuyo Mwele nechihoṟyo kyalyopfo ma ili akeri kunu wuyana wu, ma kashika wulya wochikaa wuche.’”

MATAYO 19:29

Na orio mndu ose ma oku ma oku ichu adeye ma wana wamae ma washiki wake ma ndee ma mae ma wana ma mhunda ma mba kikawa nyi kipfa kya rina lyako inyi orio kindo adee naweengeṟyo shipfoi naweoṟa na moo fokaa mlungana.

MATAYO 6:33

Kyaindi songuonyi ilalakia wumangi wo Ruwa na wusumuhanyi wowo, na shingi nyi mochiinengo cha shannga.

MARIKO 10:30

Kiheri ki kya wulalu elekaa nawihiṟyo ka ihana ngoseṟa mba na wana wa mae, na washiki, na mae, na mdemi, na wana, handu hamu na matuuro, na mfiri yechicha nawewona moo fo mlungana.

LUKA 5:38

Kyaindi mvinyo mhya nyi kikundi fuletsio machorenyi mahya, nasho shikakia shishiwi.

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

1 WAKORINTO 3:22

Liwe nyi Paulo, liwe nyi Apolo, liwe nyi Kefa, liwe nyi wuyana wu, liwe nyi moo, liwe nyi opfu liwe nyi shindo shi-ho liwe nyi shilya shekaa shiwe, shose nyi shanu.

1 WAKORINTO 8:8

Kya indi kando kaa na wucha wolusanza na Ruwapfo. Lukaalya lui na wo mwengeṟyapfo, lukada lulalya lohenda iwunyiṟyopfo.

1TIMOTEO 4:7

Indi sumu tsilya tsa msaṟakambo tsii tsa kiwukeku tso utsilehe. Kya indi ukutsane kumonyi uwe menyi-wuindi.

1TIMOTEO 6:3

Kokoya kwipfo ailosha kiwungi alakuwada na madedo ha oru ha Mndumii odu Yesu Kristo na kiloshyo kilya kiende wuindi wusumhanyi.

1TIMOTEO 6:5

na masingano ha kitsitsi ha wandu wai wafurunjie mhie waiwasoke wukilohi, nyiwo wehamba ke wuindi wulya wowa woikapa nawo mbucha.

1TIMOTEO 6:6

Mbuchai ng'anyi wuindi wulya wuendye mndu naa ipfo; nyi mkukarishie.

2TIMOTEO 3:5

Kya ora lo nja cha wandu wawode wuindi wakufananyishie wuindi woindya Ruwa indi pfinya ya iwikaho wuindi lohi iipfopfo. Iwo wai wado uwadiche.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.

OTAMBAHALUO LO YOHANE 3:12

Walya wechiwinza nyi njechiwamtana ngo tsa ipfo Hekalunyi lya Ruwa oko wechiwukapfo manyalepfo. Na inyi njechirehya huya yawo rina lya Ruwa oko na rina lya mṟi fo Ruwa oko, nyi Yerusalemu iya njihya yechisoka iwukye ipfo ruwehu ko Ruwa oko, Njechiṟehya-ho na rina lyako lilya lihya.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.

1SAMWELI 15:22

Samweli kambia, “Ngesa! Mndumii-Ruwa nakundi ngoseṟa shidaso shekoṟa modonyi na mwano, kota iindia ṟu lyake Ambuya imwindia o nyi kicha kota mwano na imwadanyia o kota imwana na mafuda ha kioṟo.