1TIMOTEO 4:2 - Bibilia Kui Mdedie fo Kimochi

² Kui wulembi wo wamawongo iwo wai-wakoṟie ngoru tsa wumbafu ipfo ngonyi tsa mrima yawo.

1TIMOTEO 4:2 ပူးပေါင်းရင်းမြစ်များ

1WAMANGI 13:18

Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

1WAMANGI 22:22

Mndumii kambia, ‘Kuda?’” Kahamba, “Njechikure njiwe mumuyo o wongo dumbunyi lya waikimbi wake wose kahamba, ‘Nochimlemba, na iwinga, kure uwute kudo.’

YESAYA 9:15

Mmeku moindiyo nyio mdo, na mwikimbi molosha wongo nyi mṟehese.

YEREMIA 23:14

Kiidi kya waikimbi wa Yerusalemu, ngawona idedo liwichuṟie mnu mnu; wekeṟuhuya, wakachumia wawode wongo, wakawanza mawoko hewuta wunyamṟi; kulakaepfo ma umu awuya na ida wuwicho woke; wose piu wakawa cha Sodoma, Koko na wenyi wawo cha Gomora.

YEREMIA 23:26

Madedo ho hechikaa kiidi kya mrima ya waikimbi wehamba shisuku sha wongo itane indii, waikimbi walembi kiidi kya mrima yawo wawenyi?

YEREMIA 23:32

Ambuya inyi njii huye ya iwo wekehamba shisuku sha wongo. Mndumii ahamba, “Na idetsa wandu wako kui ndodo tsawo na ikushela lyawo lya wutondo, indi inyi njiwadumiepfo, ma njilewawasapfo, manya wechitarama wandu manya kitutupfo. Nyi inyi Mndumii ngahamba.”

YEREMIA 5:21

“Adanyienyi idedo li nyo masembo mulaichi kindo, muwode meso kyaindi mulawonyi kindo; muwode madu kyaindi mulaidime iicho.

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 7:15

“Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

MAWUTO HA WASU 20:30

Ma ipfo kiidi kyanu muweny kochiamka-pfo weṟdeda kya mkika wechikuruya wa kiloshyonyi ora lo kowo.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAEFESO 4:19

Nawo ili wai ngarama wamekudambikya wulalenyi wo iwuta orio kindo kya ngafu kyose sanza na wuehi.

2TIMOTEO 3:5

Kya ora lo nja cha wandu wawode wuindi wakufananyishie wuindi woindya Ruwa indi pfinya ya iwikaho wuindi lohi iipfopfo. Iwo wai wado uwadiche.

OTAMBAHALUO LO YOHANE 16:14

Nayo nyiyo mumuyo ya mṟufu i mbicho yechiwuta maṟiho, ihendie ko wamangi wose wa wuyana wu wose iwasanzie shida iya ya mkonu fulya fung'anyi Ruwa menyi pfinya shose echifuende.