1TIMOTEO 4:10 - Bibilia Kui Mdedie fo Kimochi

¹⁰ Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

1TIMOTEO 4:10 ပူးပေါင်းရင်းမြစ်များ

SHIIMBO SHA DAWIDI 107:2

Wahambe wadi iwo walekiṟo nyi Mndumii, walya alewaashuo mawokonyi ha mtuuri.

SHIIMBO SHA DAWIDI 118:8

Nanga iwingia Mndumii Kota ikusiria wandu.

SHIIMBO SHA DAWIDI 36:6

Wukiilohi wopfo cha mafumvu ha Ruwa, mwanduye fopfo cha oṟoonyi lo nduwa lung'anyi. Hoi Mndumii, nokekiṟa wandu na mando hai na moo.

SHIIMBO SHA DAWIDI 37:40

Na Mndumii nyiekewatarama na iwakiṟa; nyiekewaashuo-ho mawokonyi ha wawicho na iwakiṟa, kipfa wamkusirie.

SHIIMBO SHA DAWIDI 52:8

Indi inyi njii cha msabibu, fudoe mmbenyi ya Ruwa; njikusiria osaṟio lo Ruwa mkonu yose.

SHIIMBO SHA DAWIDI 84:12

Ewo Mndumii menyi matorito, nanga mndu o wandu ekekusiria iyo!

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 50:10

Nyiu kiidi kyanu aowoye Ruwa, ekundia ṟu lya mṟundi oke? Ichu ekeida memenyi, alawode saa, akusirie rina lya Mndumii, na ikusiria Ruwa oke.

YEREMIA 17:7

Nambikie ona mndu ulya mokusiria Mndumii, Ichu Mndumii ai kikusirio kyake.

DANIELI 3:28

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

NAHUMU 1:7

Mndumii nai mcha, nyi oṟiho kiheri kya kiwi; naichi walya wemdichia.

MATAYO 16:16

Naho Simon Petro kahaluo kahamba, “Iyo nyi ukeri Kristo Mana o Ruwa ichu menyi moo.”

MATAYO 27:43

Nyi awekusirye na Ruwa nakemashuong'u-ho kokoya nyi amkundi. Nao nyi alehamba nyi ai Mana o Ruwa?”

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 4:42

Wakawia mka ulya, “Kye lokiidikya-se kimaduma kya kilya uhambie iyopfo. Kyamba nyiso luwenyi lomwicho lukawuta-ho imanya ke ichu nyio lohi ai Mkiṟi mokiṟa wuyana.”

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

2 WAKORINTO 1:10

Nyio aleluletsa ndenga ya opfu luwicho ludi na iletsa echiletsa. Nyio luwekumsirie ke echiengeṟa ilutetsa.

1TIMOTEO 2:3

Ikyo kii kicha kyeidikya ipfo ko Ruwa mkiṟi odu.

1TIMOTEO 2:4

Ichu akundi ke wandu washikekiṟo wose, kii lohi kilya kiwewatambahalukya.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

1TIMOTEO 3:15

Indi kokoya ngakeleo nomanye njia isumuhanyi yekuidya mbenyi ya Ruwa. Nayo nyi siṟi ya Ruwa ichu menyi-mooo, ii ngo iya yekanza kiwulohi.

1TIMOTEO 6:17

Iiwa wawode masaa hafoi maheri ha kiwulalu uwawawasie ke walakusaṟe kyekaa mdonyi, ma walakusirie na wusuṟi wo masaa wokeweṟuka weṟu indi na Ruwa ichu aluinengye shose kui nguka shelisiṟa moo.

WAEBRANIA 11:26

Nyi alehamba isutso kimaduma kya Kristo lyo liende wusuṟi kota shisa sha Wamisiri, kyamba nyi aleringa wuṟundi wulya.

WAEBRANIA 13:13

Hondo lukuwutie tewe so luwuke otiṟiwenyi lulya lusangane nao nja iya lochikudika na wusutsu wulya awei-mwendie o.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.