1TIMOTEO 4:1 - Bibilia Kui Mdedie fo Kimochi

¹ Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

1TIMOTEO 4:1 ပူးပေါင်းရင်းမြစ်များ

MAWOOKIONYI 3:13

Mndumii-Ruwa kawia mka ulya, “Nkiki owuta iki?” Mka ulya kahamba: “Njoka yanlemba ngalya.”

1WAMANGI 13:18

Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

YESAYA 2:2

Kechiwa kudi mandi ha mkonu yefurumia, fumvu lya mba ya Mndumii lyechiikaro huya fumvu, nalyo lyechiirio huya shitoṟomoso; Masanga hose hechihenda ho mamiingi kui mamiingi.

YEREMIA 23:26

Madedo ho hechikaa kiidi kya mrima ya waikimbi wehamba shisuku sha wongo itane indii, waikimbi walembi kiidi kya mrima yawo wawenyi?

YEREMIA 48:47

Kyaindi mkonu yecha, njechioṟisha se Moabu Inyi Mndumii-Ruwa ngahamba. Ifu nyifo mwanduye huya Moabu.”

YEREMIA 49:39

Kyaindi mkonu yefurumia, njechiwihiṟia mṟi fo Elamu sia yake. Nyi inyi Mndumii-Ruwa ngahamba.”

EZEKIELI 1:3

Nahong'u idedo lya Ruwa likacheya mwikimbi Ezekieli mkohanyi mana o Buzi alya mbai ya meda fo Kebari orukenyi lo Wakaldayo. Pfinya ya Ruwa iwei nao alya.

EZEKIELI 38:16

Ambuya nyi okoyana na Waisraeli uwasokie cha ipuchi huye ya oruka. Kyamba njihenda ikuduma ukape oruka lu loko, nhondo wandu wechiwutaho imanya ke nyi njilekuduma iyo kundu njiloṟe wuele woko oshangunyi lowo.

DANIELI 10:14

Wulalu ngacha ikuwia mbonyi tsechikoya wandu wapfo maheri ha ifurumia; kipfa mawonesio ha nyi ha kiheri kileshe daa.”

HOSEA 3:5

Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

MIKA 4:1

Kochicha kiheri fumvu lya mba ya Mndumii-Ruwa lyeching'ana kota mafumvu hose, ee da, lyechidosio huya shifumvu shose. Wandu wafoi wechihenda pfo,

MAITALA 24:14

Wulalu njiwuya na ko wandu wako, kyaindi njilamekure iya, “Njikeri ikuwia kindo wanduwa wa Israeli wakundi iwutia wandu wapfo mfiri yefurumia.”

MATAYO 18:7

Ochia nyi lo wuyana kipfa kya mbonyi tsiendye wusutsu tsikeri-ho. Nyi kipfa mbonyi tsiendye wusutsu icha na tsiche. Kyaindi ochia nyi lo mndu-chu mbonyi tsa wusutsu tsechicha nao.

LUKA 17:1

Kyasia Yesu kawia walya wa kiloshionyi kyake, “Na kukaki kochida kulacha madekeshopfo, indi ochia lo ulya echihaende!

YOHANE 16:13

Indi kiheri ichu echicha ai Mumuyo o wukilohi, o echimuwiia mateteṟa momwitsa wukilohinyi wose, kyamba alechideda kui wuitiki woke amonyi, kya indi shilya aicho nyisho echideda, na shilya shirie iwa nyisho echimwongoya.

MAWUTO HA WASU 13:2

Nawo ili wawei wasanze wewikya Mndumii wuindi na ikuotoya Mumuyo Mwele kahamba, “Njiwiluyenyi Barnaba na Saulo wahende ipfo kiṟundyonyi ndewalahya.”

MAWUTO HA WASU 17:18

Nahong'u wandu wa wulanyi wo Epikuro maata-ho na wa wulanyi wo Stoa wakasumbuhanana nao. Kuwepfo wehamba, “A mndu chu o Makideda nkyo iki akundi hamba?” Wengi wakahamba, “Nyi ai cha nyi moongwo mbonyi tsa waṟufu wahenu.” Nyi kipfa aweionguo ndumi ya sia ya Yesu na ya maṟukyonyi.

MAWUTO HA WASU 20:23

Shile nyi Mumuyo Mwele awa mombia mṟinyi kui mṟi kehamba ke nyi shiwoho shikeri injiweda-pfo na shiwira.

MAWUTO HA WASU 21:11

Kaluchea so kawada ngometa ya Paulo kakupfunga nayo amonyi madende ho na mawoko ho kahamba, “Mumuyo Mwele ahamba adi, mndu menyi ngometa ii Wayuda nyi wudong'u wechimpfunga ipfo Yerusalemu na imdambika mawokonyi ha wandu wa mbaṟi njihenu.”

MAWUTO HA WASU 28:25

Na ili walaweidikyanyi wo wenyi na wenyi wakakuhendya kowo Paulo kekimaa ihamba idedo li limu ke, “Mumuyo Mwele alededa necha na waku walya wanu kui dumbu lya mwikimbi Yesaya.

1 WAKORINTO 10:20

Chi wudopfo. Kya shilya wekeshidasa nyi waishidasya wasatan manya chi Ruwapfo. Kya indi inyi njilakundi muwe wa kita kimu na wasatan.

1 WAKORINTO 11:19

Kyamba nyi kuwaṟi iwoneka maletsano ifo konyu kundu walya waidima ikusiryo wamanyike na pata ipfo hamu kulaidimika kekulia kilayo kya Mndumii.

1 WAKORINTO 12:11

Indi isho shose nyi Mumuyo ichu umu ose ashitanye echihawya orio umu kikoke chando akunda.

1 WAKORINTO 2:10

Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

2 WAKORINTO 11:3

Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo.

NGUMBUO YA MAWAWASO 32:29

Kokoya wawewode osaaṟe wawemanya kitewe wakawingo wawemanya mtsitsionyi fowo kechiwa kida.

NGUMBUO YA MAWAWASO 4:30

Shindoshi shose ilyi shechimuhoya ipfo mkalya wukiwa, mochiwuuya Mndumii-Ruwa, na imuindia.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

2TIMOTEO 4:4

Wechihutsa macha heicho kiilohi kilya, indi waadanye mhambo ya wongo.

YAKOBO 3:15

Iwu wukeri wudi chi wuṟango wuwukye ipfo huyepfo, indi wukeri wo shi, wo ki-wandu, wo ki-waṟupfu.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

2PETRO 2:1

Indi kuweipfo na waikimbi wa wongo ipfo kiidi kya wandu. Chando na ipfo konu kochiwa wai walosha wa wongo. Wechilosha moshie mbicho fonyamaṟa na ikana Ruwa-alewakiṟa. Na Mnene ichu alewatalaa nyi wechimkana wekutumukishya wadi kiwadetsa owinyi.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.

1YOHANE 2:18

Wana, saa ifurumi iipfo. Iki muleicho ke iimakristo echicha. Na wulalu komba wafoi wai mai makristo. Nyihondo lokuwutyaho imanya ke saa ifurumi iipfo.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

YUDA 1:18

Ili walembia. “Maheri hefuṟumya kochiwoneka wandu wechimupiṟa nyo; wechikuhendya wai-waitike nyi lango tsawo njiwicho tupu.”

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 13:14

Na maṟiho aleenengo ihawuta oshangunyi lo indo lilya nyiho lyatandawusha naho walya wai iya wuyana lyechiwawia ke watane mfano fo indo lilya liwode kifaṟe kya oshu likawada-ho ikaa na moo.

OTAMBAHALUO LO YOHANE 16:14

Nayo nyiyo mumuyo ya mṟufu i mbicho yechiwuta maṟiho, ihendie ko wamangi wose wa wuyana wu wose iwasanzie shida iya ya mkonu fulya fung'anyi Ruwa menyi pfinya shose echifuende.

OTAMBAHALUO LO YOHANE 18:2

Kapoṟohoṟa na pfinya kehamba, “Iwunduka kukamewunduka Babilon mṟi fu mnene! Fukawa molaao nyi mṟufu i mbicho na masatana fukamhaluka kipfungyonyi kya mumuyo iterefukye yose fukawewa kipfungyonyi kya malehe ha ngafu harie manyena.

OTAMBAHALUO LO YOHANE 18:23

Manya sa ya taa ilakilimkye-se hando ipfo kiidi kyapfo. Manya maṟu ha sia ha moalyika na moalyiko halakiichio iipfo kiidi kyapfo. Kyamba wekapa mbucha wapfo wawekeri wanene wa wuyana wu, cha kipfa nyi uwekeinenga mkambo ya wandu wuṟoi wopfo woinanza, kui wuhanga wopfo wuwicho wakahenda itandawusho wose!”

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.

OTAMBAHALUO LO YOHANE 2:11

Ichu awode madu naicho iki Mumuyo aiwia siṟi tsi. Sa wechiwinga wechiwawiṟo nyi opfu lo kawipfo.

OTAMBAHALUO LO YOHANE 2:17

“Ichu awode-madu naadanye iki Mumuyo aiwia siṟi tsi.” Sa wechiwinga njechiwainenga manna iya ii-njiṟike njiwewainenga na kiho kii kiili pang'a kii kiṟehyo rina lyihya. Ma kulaipfo alimanya chila walya weliambya.

OTAMBAHALUO LO YOHANE 2:29

Ichu awode madu naadanye iki, Mumuyo aiwia siṟi tsi.”

OTAMBAHALUO LO YOHANE 2:7

Ichu awode madu naicho iki Mumuyo aiwia siṟi tsi. Sa wechiwinga njechiwaenenga wawe molya ndunda tsa ikidi lilya lyende moo likeri ipfo mhundenyi fo Ruwa.

OTAMBAHALUO LO YOHANE 20:10

Na mtengeti ulya awewatandawusha kaombotso ipfo nduwenyi ya modo. Hondo na indo lilya likeri handu hamu na mwikimbi mowongo. Wechituro mfiri na kio maheri hose halunganyi.

OTAMBAHALUO LO YOHANE 20:8

Nao echiwuka-ho nahende tandawusha mkambo ya wandu wai wuyana wu ombo na ombo, nyiyo Googu na Magoogu, na iwasanya handu hamu kyeamtsa shida. Na iwaitala liwelema cha itala msanga fo ohambenyi lo ipalyipalyinyi.

OTAMBAHALUO LO YOHANE 3:13

Ichu awode-madu naadanyie iki Mumuyo aiwia siṟi tsi!

OTAMBAHALUO LO YOHANE 3:22

Ichu awode-madu naadanye iki Mumuyo aiwia siṟi tsi.”

OTAMBAHALUO LO YOHANE 3:6

Ichu awode-madu naadanyie iki Mumuyo aiwia siṟi tsi.”

OTAMBAHALUO LO YOHANE 9:20

Na wandu walya waletsuhaa walalewoho n ngapo tsilya, ma waledumbuya na ilekana na shindo watsanyie na mawoko hawopfo, indi waleshindia, na mṟufu iya mbicho na mfano ya maruwa ha wongo ii-mtsane ya sahabu na fesa na menya ya aṟeṟa na ya maho na ya shidi ilaidima ma yambuo ma iicho ma ichumia.