1TIMOTEO 3:16 - Bibilia Kui Mdedie fo Kimochi

¹⁶ Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1TIMOTEO 3:16 ပူးပေါင်းရင်းမြစ်များ

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

MATAYO 28:2

Naho kudi a iki kiding'ashi kyaida-ho sa kiapfinya. Nyi kipfa msu o Mndumii alesoka awuka ipfo ruwehu.

MATAYO 3:16

Kyasia Yesu amedima ipatiso, kado alya mṟingenyi. Naho kudi kulya ruwehu kukaṟuhuka; kawona Mumuyo o Ruwa kesoka akeri cha mbeta, ikakaa huyake.

MATAYO 4:11

Naalyo mheshi kamda-ho, kudi wasu wa Ruwa wakacha ipfuṟukanya Yesu.

MARIKO 1:13

Kakaa kulya nuka mkonu makumi haana, kechihesho nyi Satana, akeri-pfo na mando ha nuka, wamalaika wakawa mompfuṟukanya.

MARIKO 16:19

Na Mndumii Yesu amededa ado nawo, kairio huye ruwehu, kahenda idamya ora lo kulyo lo Ruwa.

MARIKO 16:5

Wakaida na opangenyi wakawona manake adamye-ho ora lo kulyo, aṟee ikonya lya mkuruo, Wakaṟihio mnu.

LUKA 2:32

Lya ngeela yedambuya wandu wa orio mbaṟi mbonyi; na lya kiṟumi kya wandu wapfo Israeli.”

LUKA 20:44

“Alae, komkooya Dawidi nyi amlahiye nyi Mndumii, nyi wuda echiwa-se manoke?”

LUKA 22:43

Kacheyo nyi malaika awuka ruwehu kambanza.

LUKA 24:4

Wechiṟumo-ṟumo wado, wadi a iwa wasoṟo wawi wahoṟoki alya mbarinyi yawo waṟee nguwo tsikengemae.

LUKA 24:51

Kechiwawikia ona, kalekana nawo, kairio huye ruwehu.

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

YOHANE 16:28

Nyi ipfo ko Wande njiwukye ngacha na kunu wuyana, Wulalu ngada wuyana wu njiwuye na ko Wande chu.”

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

YOHANE 20:12

Kawona wasu wa Ruwa wawi waṟee nguo njiili wadamye-ho. Ulya umu kakaa oo mdonyi na ungi madendenyi alyando mnying'a fo Yesu fuwei mlaṟe.

YOHANE 6:62

Alewo nyi kyechiwa kida kiheri mochiwona Mana chu o Mndu echido na alya kundo awekukerye-ho kacha?

MAWUTO HA WASU 1:19

Kikamanyika ko wandu wose wakeri Yerusalemu, dema lilya likatana lyadeeyo rina kui kishomo kyawo Hakelidama, (kodambuya nyi dema lya samu.)

MAWUTO HA WASU 10:34

Nahong'u Petro katambaṟuo dumbu lyake kahamba, “Nyi kya lohi ngatawuka imanya ke Ruwa ekeambuya wandu fanapfo.

MAWUTO HA WASU 14:27

Wekiafukya wakalaha kisanzyo kya siṟi yose wakawaongoya kilya Ruwa awutye ai nawo shose na ke nyi alepfunguya wandu wa mbaṟi njihenu mongo fo mwidikye.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

WAROMA 10:12

Nyiko wandu wose; kwiho mletsano foletsana Wayuda na Wagrikipfo. Kyamba ichu umu nyio Mndumii owo wose nyi aisuṟia iwo wechimterewa wose.

WAROMA 10:18

Ang'u njiwesenyi njihambe, Ngesa nyi waleleicho ndumi-yo? Ee-ko. Waleicho Kuwukye mangelele hawo hakadung'ana wanda ii kose, na madedo hawo hakatana hashika kulyando mtsitsio fo wuyana.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

WAROMA 16:26

Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.

WAROMA 3:4

Oo! Manyale Ruwa nyi mhendeli kiheri kyose indi orio mndu o wandu ai mowongo chando ku-kuṟehye, “E-wo Ruwa, orio mandi omededa.”

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

WAROMA 9:5

Na waku walya na wawo, na ipfo kowo Kristo achee apaṟikye kowo ili amefeo mndu, nyio Ruwa mokaa huya-shose moichimbiṟo mlungana. Amenyi.

1 WAKORINTO 15:47

Mndu o kuwoka awukye terinyi ai teri, mndu o kawi ulya awukye ruwehu.

1 WAKORINTO 2:7

Kya indi luihamba wuṟango wo Ruwa wo kisenyi wui wukoome wusa Ruwa aweteṟye. Maheri halawendewiko woluwonya so wuitoṟi.

2 WAKORINTO 1:19

Kyamba Mana o Ruwa Kristo Yesu ichu luimhamba konu inyi na Silwano na Timoteo, o alakulongye ee na ote, kya indi nyio ai “Ee” ya Ruwa.

WAGALATIA 2:8

Kyamba ichu mowanza Petro wungochi wo ko wadine kawewa mombanza na inyi wo ko walai wadine.

WAGALATIA 4:4

Kya indi ilindi kiawutsya maheri kilemcha Ruwa kawemdikya Mana oke kafeo nyi mndu mka kawewiko shi ya mawiko.

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

2WATESALONYIKYE 1:10

Mkonu echicha nakuwutie-ho ewikio kiṟumi kiwukie ko wandu wake, nawe echiichiko nyi kya walya wake wamwidikye wose. Nanyo na wudo kipfa muleidikia wungochi wodu. Sho shechiwa mkonu fulya fulya.

2WATESALONYIKYE 2:7

Ma kudo; Mbicho-chu aowie naiṟunda wulalu; indi echiwono-pfo, tane icho ambowishie echiwukaho.

1TIMOTEO 3:9

Wakae wakomie kyama kii kiṟike kya wuidiki mrimenyi iwode ngo tsihaṟamie.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 7:7

Indi kii-ho kilechiwa iteshuo nyi kikeri kidi, ke kilya kii kitutu kyo kyechiwikyo ona nyi kilya king'anyi.

WAEBRANIA 8:1

Indi kilya kikeri mdo-hu kiidye ishi lomaa ihamba shose kikeri kidi; ke luwode mkohanyi ai mnene adi akudamiṟye ora lo kulyo lo kidembo kya wuitoṟi wo Ipfo maruwehu.

1PETRO 1:12

Wakashika iwonesyo ke shindo shi weshikuwinya wo wa wenyipfo indi kitewe n nyo. Nashonyisho muleshiongoyo wulalu nyi walya walemwendie nyo Ndumi ya Sia ya okiio kui Mumuyo Mwele aa-mdume awuka ruwehu, sho sheamtsya na wasu wa ruwehu macha hemehya-ho.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 3:5

Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

OTAMBAHALUO LO YOHANE 17:5

Na ipfo oshangunyi loke kuwei-kuṟehye rina likeri kyama kikoome, Babilon ang'anyi mae o waṟuhui na o mapfulutsa mrima hai wuyanenyi.

OTAMBAHALUO LO YOHANE 17:7

Indi malaika chu mwele kanjiwia; Nki ili oṟihio? Njechikuwia kyama kilya kikoome kya mka chu na indo li liimbawa ili liwode mdo mfungade na membe ikumi.

OTAMBAHALUO LO YOHANE 7:9

Kiidima ngaambuo. Ngawona mamwingi fung'anyi fulaweidima iitalo nyi mndu, fuumsanze fuwukye mkambonyi yose na njosharinyi na mbaṟinyi na mdedyenyi. Wawehoṟoki oshangunyi lo loṟika lulya na lo Kidahina ki waweṟee mṟae mwili wawewode makangachi mawokonyi hawo.