1TIMOTEO 2:5 - Bibilia Kui Mdedie fo Kimochi

⁵ Kyamba Ruwa nyi umu na msanzi mosanza Ruwa na wandu na umu nyio mndu o wandu Kristo Yesu.

1TIMOTEO 2:5 ပူးပေါင်းရင်းမြစ်များ

YOBU 9:33

Kuwode mndu moletsana kyadu-pfo, awechidumbuo kyadu so wawi-pfo.

YESAYA 44:6

Mndumii, Mangi o Israeli, mkiṟa opfo, Mndumii menyi Matoṟito nahamba adi, “Inyi nyi Mawokioonyi na Inyi nyi moinutsia; ngoseṟa yako kuwodepfo ma kuwode Ruwa ungipfo.

MATAYO 1:1

Aiki kitapu kya oshari lo Yesu Kristo ichu ai mana o Dawidi, ichu ai mana o Abrahamu.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

LUKA 14:22

Msoṟo ulya kahamba, ‘Mndumii, kilya ulembawasa kyambutika; indi na kuwode-se mwaanya.’

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

MAWUTO HA WASU 4:12

Ma kukipfo-se ungi aende okiiopfo. Kyamba kulakeri ma rina lingi kunu shia ruwehu li inengye wandu liwanyi lukiṟo nyilyo.”

WAROMA 1:3

Ya mana chu oke apaṟikie osharinyi lo Dawidi kui nyama.

WAROMA 10:12

Nyiko wandu wose; kwiho mletsano foletsana Wayuda na Wagrikipfo. Kyamba ichu umu nyio Mndumii owo wose nyi aisuṟia iwo wechimterewa wose.

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

WAGALATIA 3:20

Kya indi mosanza akeri o ora lumupfo, indi Ruwa ai umu amonyi.

WAEFESO 4:6

Ruwa nyi umu nao nyio Nde o wose mokaa hiaa wose mokaa mrimenyi ya wose.

NGUMBUO YA MAWAWASO 6:4

Kyasia, adanyienyi lanye Waisraeli! Mndumii-Ruwa, Ruwa odu, nyi Mndumii-Ruwa umu.

1TIMOTEO 6:13

Ngakuwawasa oshangunyi lo Ruwa mowonya shindo shose moo na lo Kristo Yesu aweṟingishie mringishie fulya mcha odatsinyi lo Pontio Pilato.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

WAEBRANIA 8:6

Indi wulalu amkoya wuiṟichi wung'anyi wo ngoseṟa wuwukye ipfo kundo akukerie-ho mombele o owiko lochia kya ngoseṟa ilu luiilikishye mengenyi ya shiteṟio shicha kota shilya.

WAEBRANIA 9:15

Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

1YOHANE 2:1

Shiwana shako, ngamṟehia isho kundu mulahende iwuta wunyamaṟi hando. Na kokoya kwipfo mndu anyamaṟa hando, luwode mombele ipfo ko Wande, nyio Yesu Kristo asumuhanyi.

OTAMBAHALUO LO YOHANE 1:13

Na ipfo makiidi hawi ha mapapang'ae halya ngawonapfo kindo kifanyi cha mndu o wandu aa-mshikye na mṟaye fushikye ndifo akupfungye na okowa lo sahabu mṟasa kipete-hu.