1TIMOTEO 1:9 - Bibilia Kui Mdedie fo Kimochi

⁹ Echikusaṟa ke wuwawaso wui wuwike kipfa kya mndu asumhanyipfo, indi nyi kipfa kya walya wawuṟie wuchili walai kambenyi; walehanyi na Ruwa, wai wanyamaṟi, wai wambafu wenyi ngafu, iwo wekewuta wande na wama moo, wewaha wandu.

1TIMOTEO 1:9 ပူးပေါင်းရင်းမြစ်များ

2SAMWELI 16:11

Dawidi kawia Abishai na waṟundi walya wake, “Kokoya mana oko Absalomu, nakeri injiwingia nanjiwahe, nkili mṟihiyo iki Mbenyameni chu aiwuta? Mlekenyi namdume nyi Ruwa nanjisese.”

2WAMANGI 19:37

Mfiri fumu kiheri Senakeribu awekeri iterewa kiidi kya mba ya Nisroki ruwa oke, wanake wake wawi, Adrameleki na Sharezeni walembaaha kui oshu, kiidima wakadichia oruka lo Ararati. Na Esarhadoni, mana oke kawada handu hake.

2MBONYI TSA MAHERI 32:21

Nao Mndumii-Ruwa kaduma msu, kahenda iarisia kuleshe malemali ha ngoru, wanene na wasongoru wawo kiidi kya kiṟaṟo kya mangi o Ashuru. Kyasia, mangi o Ashuru kawuya na kanyi koke awodo nyi sonu. Na kiheri aleida na mba ya ruwa oke, maata ha wana wake wakambaha oweṟe ko oshu.

IWUKA 20:13

Kulawaahe.

IWUKA 21:14

Kyaindi, mndu kawaha odoye akusirie nechiwoho ma kokoya adichiya rasionyi lyako.

MFANANO 20:20

Mosesa ndee ang'u mae, Sa yake yechiruma kiidi kya mema riti.

MFANANO 28:17

Amlemiye samu ya wandu Nechidichia rina, kulawade momiima.

MFANANO 28:24

Moiwa masaa ha ndee ang'u mae na ihamba chi deko-pfo; Mana-cho nyi mbuya ya wanyamaṟi.

MFANANO 30:11

Kuwode kishari kya wandu wekesesa ndeawo; Walekewikia wamaawo ona.

MFANANO 30:17

Riso lyechitaluo ndee; Likawuya ipiṟa mae; Makuru ha pichinyi halikuṟuo, Na mbeṟo njikoho tsilimeṟe.

YEREMIA 23:11

Kipfa mwikimbi na mkohanyi wose wawawi wakudosa; ee da kiidi kya mba yako ngawona wuwicho wowo. Mndumii ohamba.

EZEKIELI 21:25

“Iyo mndu ulai na wusumuhanyi, mangi ya Israeli, ambuya mkonu fopfo fokuchea, mkonu foifurumia fo muanduye fopfo fokucheya.

WALEWI 20:9

Mnducho oose ekesesa ndeye ang'u mae kimbaṟi nawoho. Mosesa ndeye ang'u mae nechikudika ipusuo samu yake o amonyi.

MATAYO 10:21

Kya indi kukae manomae o wandu nadambike manomae kya opfu na ndee o mndu nawedambika mana, na wana wa wandu waamkye iwo wawafeye na ihenda iwashihiya ofu!

WAROMA 1:30

Nyi wekeduo wandu aaṟu, wesuo Ruwa, wai waami, wechumia useṟeṟi wai wa mtengelele, wandu wasumi, wepiṟa wafee.

WAROMA 4:13

Kyamba kyaasa kilya keteṟya Abrahamu ang'u luwa lyake ke wakudaaye wuyana wu, kyoṟa kyo kilawei-kiteṟye kui mweeke fo wuwawaso kya indi kui mweeke fo wuidiki wotalio wuhoṟotsu.

WAROMA 5:20

Indi wuwawaso wulya wuweoshye-ho wofeṟya iho lilya. Indi ipfo kundo wunyamaṟi womfo, mpfondo wutonga woshika ifo kawi wochilimba.

WAROMA 6:14

Kyamba wunyamaṟi wulechimwidimase, kyamba mulai shi ya wuwawaso kya indi nyi mukeri shi ya wutonga.

WAGALATIA 3:19

Kokoya na wudo kii nyi wuda kya mawiko halya? Hoo nyi haleengeṟyo-ho kui kimaduma kya matahachyo halya itane mombeu acha ichu ai msende na kiteṟyo kilya, wasu wa Ruwa waweiho kiidi wehadambikya owokonyi lo mosanza.

WAGALATIA 5:18

Indi kokoya mokaṟo nyi Mumuyo mukeri shi ya mawiko halyapfo.

WAGALATIA 5:21

Wunanzi, itandaluo ndeu, na shindo shingi cha ishi, kyasho ngasonguo imbia chando njilewembia, ke wewuta wado wo wechikudaya wumangi wo Ruwa wuwe kyoṟapfo.

WAGALATIA 5:23

Kwipfo mawiko hechidekya ishi shikeri shidipfo.

NGUMBUO YA MAWAWASO 27:16

‘Naseso mnducho oose ekepiṟa ndeye ang'u mae!’ Na wandu wose waidikie, ‘Ameni!’

2WATESALONYIKYE 2:8

Maindi naho Mbicho-chu echikuloṟa. Indi nao Mndumii Yesu echimrumatsa kui mrufu fo dumbu lyake na imkombetsa kombi kui ngesa ya ikuloṟa lyake.

1TIMOTEO 4:7

Indi sumu tsilya tsa msaṟakambo tsii tsa kiwukeku tso utsilehe. Kya indi ukutsane kumonyi uwe menyi-wuindi.

1TIMOTEO 6:20

Hoi Timoteo, ringa kilya ulekidambikyo, dicha sumu tsa msaṟakambo tsa melemele na maambikyano ha wulaanyi wulya wuisendo wulaanyi wongo.

2TIMOTEO 2:16

Indi mawesano ha kiwuyana na madedo ha ho uhadiche; kipfa hekeengeṟa iletsana wandu na Ruwa melemele lyo, kipfa tso tsechilandaṟisha wumbafu kya ngoseṟa.

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

TITO 1:10

Kyamba kwipfo wafoi wawode okuchu wenyi madedo ha melemele wai walembi, mnu nyi walya wa mkambo mdine.

TITO 1:16

Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

TITO 1:6

Kokoya kuwode ai mteechi, mii o mka umu, awode wana waidikye, wawode wuindi na walawode wuwichi wose.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

WAEBRANIA 11:31

Nyi wuidiki wukaenenga Rahabu mka ulya o njia alawesanzo irumatso kimu na walemeshi walya kipfa nyi aleambya wa lokitala walya kui ofoṟo.

WAEBRANIA 12:16

Kulakae-pfo ai mndu o melumelu ang'u mndu mtaicho cha Esau alekumba wuwee woke kya kilayo kimu.

1PETRO 2:7

Wulalu kyanu nyo mui waidiki nyi lya wuhuru wung'anyi, nyi wuindi, indi walya walaidikye kyawo, “Nyi lyo iho wewika mba walelileha nalyo lyamba iho lisonguo ipfo ndumbenyi.

1PETRO 3:20

Nawo nyiwo wawelemye iidikya mandi halya wuleeli wo Ruwa wuweilelya mfiri iya ya Noe matika isanduku ilya liwekeri itano. Na ipfo kiidi kyalyo nyi wandu sa waangu, wandu nyanya walekiṟo kulya mṟingenyi.

1PETRO 4:18

Na kokoya ichu asumhanyi aumiṟyo ikiṟo, ichu mlemeshi ai mnyamaṟi nyi hanga echikuloṟa ngesa?

YUDA 1:15

Nahende yanduya wandu wose, mwanduye fulya na ihoṟuo walemeshi wose kya mawuto hawo mawicho hose walemlemya naho na kya mawicho halya hose walemdeda naho wai wanyamaṟi walemeshi wado.”

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.