1TIMOTEO 1:5 - Bibilia Kui Mdedie fo Kimochi

⁵ Indi mṟasa fo wuikimbi wulya nyi ikunda liṟukye ngooyi tsiharami na mrimenyi mcha fuu na ngo tsii teṟe na wuindikinyi wulakulembetseṟye.

1TIMOTEO 1:5 ပူးပေါင်းရင်းမြစ်များ

SHIIMBO SHA DAWIDI 24:4

Nyi mndu awode mawoko maili na ngoo njiharami, Alekekuiria mrima foke wokushela na mkika, Ma ilya nyamu ya mtambo.

SHIIMBO SHA DAWIDI 51:10

Hoi Ruwa, njiinenga ngoo njili, unjiinenge ngoo njiha kiidi kyako.

YEREMIA 4:14

Iyo Yerusalemu sanja mrima fopfo ulawade wuwicho, kundu uidime ikia. Mahio hapfo mawicho hechikaa kiidi kyapfo ushike indii?

SEFANIA 3:7

Njilehamba kofia nonjiowuo kundu njilanyamaṟe handu hapfo chando ndekulosha, indi kowuta sha wukika koweosha njotende tsawo.

MATAYO 12:35

Mndu cho ai mcha ipfo kisenyi aṟikye kii kicha nyi echiendepfo kicha, na mndu chu mbicho ipfo kisenyi aṟikye ki kiwicho kawende-fo shindo shiwicho.

MATAYO 5:8

Nanga iwo wai waharami kui mrima, cha kipfa nyiwo wechika wawone Ruwa.

MAWUTO HA WASU 15:9

Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye.

MAWUTO HA WASU 23:1

Paulo kaambuya chila iya kahamba, “Lanye womi mui wanawawama! Shika mkonu fo inu nyi ngamhendelya Ruwa wuhendeli wohendelya mkambo foke ngo tsa mrima foko tsihoṟoki necha kulawode ipuo.”

MAWUTO HA WASU 24:16

Nakyo nyikyo kyannenga njikuitike inyi njimonyi njikae na ngo tsa mrimenyi tsii njihoṟotsu sumuhana na Ruwa na wandu kya orio shindo shose.”

WAROMA 10:4

Kyamba mtsitsyonyi fo wuwawaso nao Kristo moendie orio mwidiki wuhoṟotsu oshangunyi lo Ruwa.

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

WAROMA 14:15

Kyamba kokoya manomayo ahenda iwichuṟo nyi mlie fopfo okechumia mhendo furio nyi ikundapfo. Manya kulawone kochidekesha kui mlie fu fopfo ichu alepfio nyi Kristo.

WAROMA 9:1

Njiideda kya lohi njii Kristo-hu, njihamba wongopfo, na ngo tsa mrimenyi foko tsii-njiwanze nyi Mumuyo Mwele tso tsanjiikanya ihoṟotsa kiṟingishyo ki.

1 WAKORINTO 13:1

Ma ngadeda shishomo sha wandu na sha wamalaika, na inyi njiwuṟye ikunda njiwewa cha manga fodihina na cha mangalili hededa.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

NGUMBUO YA MAWAWASO 10:12

“Wulalule, lanye Waisraeli, nkiki Mndumii-Ruwa, Ruwa onu, akundi konu, sile nyi iindia Mndumii-Ruwa, Ruwa onu, iosha njia tsake tsose, imkunda, iṟundia Mndumii-Ruwa, Ruwa onu, na ngoo yose, na mrima fopfo fose,

1TIMOTEO 1:18

Manoko Timoteo, iwawaso ili ngakuwawasya lirianyi na shisuku shilya shilemsendo huyapfo likeri lile, ke ukupfunge nasho ochiira shia iya njicha.

1TIMOTEO 1:19

Uwode wuidiki na ngo njihoṟotsu tsa mrimenyi. Kyatso maata-ho waletsikumba wakawewunduka na wuidiki wowo.

1TIMOTEO 3:9

Wakae wakomie kyama kii kiṟike kya wuidiki mrimenyi iwode ngo tsihaṟamie.

2TIMOTEO 1:3

Ngaana Ruwa ichu njiweimfuṟukanya na mrima fuwode ngo tsiharami chandu waku wako walerunda njekyeana Ruwa ili njiikusenda iyo shiterewyonyi shako mfiri na kio.

2TIMOTEO 1:5

Ngatamuo na mwidikie fopfo fo lohi, nafo kyekuyo Luise nawefuwode na mayo o Eunike. Indi njikusirie naafo ufuwode.

2TIMOTEO 2:22

Dicha malang'a halya ha ki-wanake, indi uwingye wuhoṟotsu na wuidiki na makundano na ofoṟo urianyi na wandu walya waiterewa Mndumii wawode ngoo tsiharami.

TITO 1:15

Shose shiharamie iwo waharami, indi kya walya wafanyi walaidikye kwipfo kiwaharamie ma kimupfo, kya indi wai wafanyitse na mhie ya mdo na ngo tsa mrima.

WAEBRANIA 10:22

Luhendetikiria-ho luwode ngoo nlalutsu lui na welu ya mwidikye lui-waolye ngo tsa mrima tsilakikae makufaṟe lui-wasanje mbihu na mṟinga mharami.

WAEBRANIA 13:18

Ke luterewyenyi-ng'u-wo. Kyamba so lukusirie ke ngo tsadu tsa mrimenyi tsii nhoṟotsu loitika ihendekya wose kui wusumhanyi.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

YAKOBO 4:8

Mutikirie Ruwa nao echimtikiria nanyo. Haramishenyi mawoko, nyo wanyamaṟi, ketanenyi-ng'u wo ngoo tsanu ngeha, nyo wenyi mrima iwi.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 3:16

Indi mumhaluo muwodo nyi wuhoo na wuowu. Ngoo tsa mrima yanu tsii njicha, kundu na ipfo kundo waimsutsa washike ipfia sonu walya waideda owicho kya, ohendo lonu lochia ludi kui Yesu Kristo.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.

2PETRO 1:7

Na ipfo wupfudinyi muende-ho ikundana na wana wa wawama, na ipfo ikundanenyi na wanawawama muende-ho ikunda lilya ling'anyi.

1YOHANE 3:10

Nyihondo komanyika na pata iwa wai wana wa Ruwa na iwa wai wana wa Satana, orio mndu ose ada alawa mowuta wusumhanyi apaṟikye ko Ruwapfo ang'u alakundi manomae.

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.