1TIMOTEO 1:17 - Bibilia Kui Mdedie fo Kimochi

¹⁷ Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 1:17 ပူးပေါင်းရင်းမြစ်များ

1MBONYI TSA MAHERI 29:11

Ee, Mndumii-Ruwa, wumangi nyi wopfo, na pfinya, na mng'ano, na wuwinzi, na wusuṟi; kipfa shindo shose sha ruwehu na wuyana nyi shapfo; na wumangi nyi wopfo, Ee, Mndumii, na iyo numuichike, na nyi ui mnene huye ya shindo shose.

NEHEMIA 9:5

Nalyo Walewi; Yeshua, Kadmieli, Bani, Hashabea, Sherebia, Hodia, Shebania na Pitahia wakawia wandu wadi:- Hoṟokenyi muṟumishe Mndumii-Ruwa, Ruwa onu; Mṟumishenyi mlungana na mlungana, wandu waṟumishe rina lyapfo linene, nalyo liwode kiṟumi kota mboṟa na kiṟumi kyose.

SHIIMBO SHA DAWIDI 10:16

Mndumii nyi mangi ya mlungana; Wandu wa mkambo warahanyikie isangenyi lyake.

SHIIMBO SHA DAWIDI 106:48

Kuadapfumo Mndumii, Ruwa o Israeli. Wokia mlungana tane mlungana. Wandu wose wahambe, “Ameni!” Ichikenyi Mndumii.

SHIIMBO SHA DAWIDI 145:13

Wumangi wopfo nyi wumangi wo kacha mṟamna, Mndumii-Ruwa nai mhendeli kiidi kya shasa shake shose, na mcha kiidi kya mawuto hake hose. Na wuikolonyi wopfo nyi wo marika hose.

SHIIMBO SHA DAWIDI 41:13

Wulalu naṟumisho Mndumii, Ruwa o Israeli, wokia kacha na kacha. Amenyi na Amenyi.

SHIIMBO SHA DAWIDI 45:1

Mrima foko foitsa msanjika kipfa kya idedo licha: Inyi njihamba kilya njileimbia mangi; olimi loko nyi kalamu ya mtisiṟi mwaria.

SHIIMBO SHA DAWIDI 45:6

Loṟika lopfo lo wuitoṟi, kikiwanzi, mlungana na mlungana cha kidi kya Mndumii-Ruwa. Ndichi ya wumangi nyi ndichi ya uhoṟotsu.

SHIIMBO SHA DAWIDI 57:11

Hoi Ruwa, uṟumisho kulya huye ruwehu, na huye ya oruka kuwade wuitoṟi wopfo.

SHIIMBO SHA DAWIDI 90:2

Kulamefeo mafumvu, manya wulamewumbo wuyana, wokia mlungana tane mlungana nyi iyo Ruwa.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

MALAKI 1:14

Indi naseso mndu molemba msa awode iponyi lyake keana Ruwa na nawewikie kyaasa kyake indi kaendie Ruwa kindo kiireteka, inyi nyi mangi ang'anyi aoweshie kiidi kya wandu wa masanga.”

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MATAYO 6:13

Ma ulaluduo kitewionyi indi ulukiṟe shindo shiwicho!

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 5:44

Nyi wuda moidima iidikya nyo ili mokeringa kiṟumi mukeri muiwikyana muwenyi na wenyi, na kiṟumi kilya kicheye ko Ruwa amonyi mulaikiwalya?

WAROMA 1:20

Kyamba isho shake shilawa yambuya sho shekewono wokia awikie wuyana shishiwike nyio wehanahana kyasho; nasho nyi shiile, pfinya yake ilunganyi ikaa na mkaike foke fui fo Ruwa amonyi kikaenenga walawonyo mwaanya fokapa nene.

WAROMA 1:23

Wusuṟi wu wo Ruwa alechisia wo wakawuilacha na mfano fofanana na mndu o wandu ekesia na fo malehe na fo mando na fo shindo shekekupupurwo.

WAROMA 11:36

Kipfa nyio ai kimaenyi kya shindo shose, nao ai moshiwanzya mkaenyi, na koke shechikaa shiinukie shose. Wuitoṟi nyi woke wokaa mlungana. Amenyi.

WAROMA 16:27

Nyio Ruwa ai mṟango o amonyi nakae echiwikyo mng'ano kui Yesu Kristo maheri hose halunganyi. Amenyi.

WAROMA 2:10

Indi Ruwa nechiinenga wuitoṟi na kiṟumi na ofoṟo shechisokya orio mndu mowuta kilya ki kicha, wokia Myuda shika Mgriki.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAKOLOSE 1:15

Kristo nyio mfano fo lohi fo Ruwa chu elekewono, ai Mowee o kuwoka mnene o shiumbe shose.

WAEBRANIA 11:27

Nyi wuidiki wukaenenga aleda Misiri alechiowuo rihima ya mangi kyamba alekukarisha na ichu alawono cha ili ambonyi.

WAEBRANIA 2:7

Omemnyiṟya wasu kheri kyangu. Komruwa mdohu foke wuitoṟi na kiichiko.

1PETRO 5:11

Woke nyi wukolonyi wu wokaa mlungana. Amenyi.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 4:12

Kuwode mndu alemewona Ruwa ma indipfo. Ilindi lukundanyi luwenyi na wenyi lyo lyaenenga Ruwa akaa naso, na ikunda Ruwa likaawukya ichia kodu.

YUDA 1:25

Nyio Ruwa amonyi molukiṟa so kui Yesu Kristo. Mndumii odu. Wuitoṟi nyi woke na wunene na pfinya na wukolonyi na wudedi wuweipfo maheri halawendewiko wuipfo, na ha wulalu wochikaa wudo maheri hose halunganyi. Amenyi.

OTAMBAHALUO LO YOHANE 15:3

Wakaimba kiimbo kya Mose awei singa lya Ruwa wakaweimba kiimbo kya kidahina ki wehamba, “Mawuto hapfo, Hoi Mndumii, hoi Ruwa Menyi-pfinya tsose, hai manene haṟihishye. Njia tsapfo, hoi Mangi ya mkambo ya wandu, tso tsiende mdumbuye isumhanyi tsimanyishye kilya kii-lohi.

OTAMBAHALUO LO YOHANE 17:14

Wo nyiwo wechira shida yewahana na Kidahina kilya. Na kidahina kyeshiwawinza, kipfa nyi Mndumii o wandumii na Mangi ya wamangi na walya wai nao wo waiwalahe wai-wasambuṟe wai wahendeli.”

OTAMBAHALUO LO YOHANE 19:1

Numa ya ishi ngaicho ideda ling'anyi cha lya mamingi fo wandu wa ipfo ruwehu wechihamba, “Haleluya! Okiio lui lo Ruwa odu na wuitoṟi na wuapfinya.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”

OTAMBAHALUO LO YOHANE 19:6

Ngaicho ṟu cha lya mamwingi fo wandu fung'anyi na ṟu liwei cha lya mdihino ya ochi lung'anyi ṟu liwei cha lya maṟuṟuma hang'anyi hehamba, “Haleluya, kyamba Mndumii-Ruwa odu aitoṟye shose nyi ai Mangi.

OTAMBAHALUO LO YOHANE 7:12

Wechihamba, “Amenyi, Kiichiko na wuitoṟi na wuṟango na wualanyi na wuindi na wuikolonyi na wuṟamtsu wui wo Ruwa odu wochikaa nao maheri hose halunganyi. Amenyi.”