1TIMOTEO 1:10 - Bibilia Kui Mdedie fo Kimochi

¹⁰ Waṟuhui, wewichuṟa wanake, weiwa wandu, wededa wongo wefunja nyamu;

1TIMOTEO 1:10 ပူးပေါင်းရင်းမြစ်များ

MAWOOKIONYI 19:5

Wakalaha Loti wakambia, “Nku wai, wanduwo wacha na kopfo kioki? Waende na kodu, luwamanye.”

MAWOOKIONYI 37:27

Nndenying'u lumkumbe ko Waishmaeli, mawoko hadu halambike kifaṟe, kyamba o nyi mano wama odu, nyi samu yadu.” Wana wa mae wakaidikia.

MAWOOKIONYI 40:15

Kipfa kya lohi njileiwo kuwuka orukenyi lo Waebri; manya iya daa njiwutie kindo kyose kiwicho tane wanjiwika kipfungonyipfo.”

IWUKA 20:7

“Kulasende rina lya Mndumii-Ruwa, Ruwa opfo kya maai, cha kipfa Mndumii-Ruwa alechida alakapa ichu masenda rina lyake kya maai.

IWUKA 21:16

Ichu moiwa mndu, na imkumba, ang'u amhaluo isinga lyake, icho kiwaṟi nawoho,

HOSEA 10:4

Ambuya kindo waideda wulalu nyi madedo ha wulya, wakawekulisiṟa nyamu na ilya mma ya wongo, wuhoṟotsu wukeri se wuhoṟotsupfo, wukilohi wukaoṟa cha sangari iwode wuṟoi mdemenyi,

WALEWI 18:22

“Kulalae na mndumsoṟo odoo manyale cha ili nyi mndumka. Ikyo nyi kiwicho.

WALEWI 20:13

Kokoya mndumsoṟo oose alaa na mndumsoṟo odoe cha ili kee nyi mndumka, nahong'u wose kiwaṟi wawoho kipfa wawuta kindo kipfulutsie kiṟatsie; wechikudika ipusuo samu yawo wawenyi.

ZEKARIA 5:4

Mndumii Menyi Matorito nahamba ke nechidika oseso lu ko orio mba na mṟi fo waiwi na walya welya nyamu tsa wongo wechisenda rina lyake kya maai. Oseso lu lochirumatsa mba tsa maho na mashidi.”

ZEKARIA 8:17

Kulawono mndu o konu kechikusaṟa mawicho mrimenyi foke kipfa kya manomae; ma mulalye nyamu tsa wongo; kipfa isho shose njishisuo inyi Mndumii.”

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

WAROMA 1:26

Nkyo kimaduma Ruwa alewalekia wahende iwado nyi wulanga wuendie wusutsu; na waka wawo wakailacha mbutie fulya fuwaṟi na sa fulawaṟi.

NGUMBUO YA MAWAWASO 24:7

“Mndu oose kaiwa Mwisraeli odoe, kamhaluo isinga lyake, ang'u kamkumba wusingenyi, mnducho mowuta ado kimbaṟi nawoho. Nyi wudo mochitoromisha wuwicho kiidi kyanu.

1TIMOTEO 4:6

Komanyishya wanawawama ishi nyi ochiwa mṟundi o Kristo Yesu sa mcha uimlisiṟe na madedo halya ha wuidiki na ha kiloshyo kilya kicha ukioshye.

1TIMOTEO 6:3

Kokoya kwipfo ailosha kiwungi alakuwada na madedo ha oru ha Mndumii odu Yesu Kristo na kiloshyo kilya kiende wuindi wusumhanyi.

2TIMOTEO 1:13

Ukuwade tapu na madedo halya hechiṟa mrima njilekulosha ngamekuwia hai mtaato fokuhoṟokya mwidikyenyi na mkundienyi fo kiidi kya Kristo Yesu.

2TIMOTEO 4:3

Kyamba kochicha kiheri welechiidimana na kiloshyo kya lohi kyechiṟa mrima, kya indi wechikufeṟya wawenyi walosha waidikyanyi na lango tsawo tsiinjenyi, chando madu hawo hakundi.

TITO 1:13

Kiṟingishyo ki kikeri lohi. Nkyo kitewe uwadedye kyumu kundu wahendechia wuidikinyi.

TITO 1:9

Nawe mokuwada na idedo liidikyanyi necha na kiloshyo kilya, kundu naidime iikimba na mweke fo wupfundi wochiṟa mrima na iwinga walya wekefurunja mbonyi.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

YUDA 1:7

Kumbuonyi chando Sodoma na Gomora, na mṟi iweṟasanyi nayo; iwefananyi na wasu walya kui uṟuhui na wulala na mbonyi tsilawaṟi mbihunyi na yala mbihu ya wahenu yo ii-mbike-ho kitaanyo kya wudeheli wuende modo fulechirumika, wuwe wuikimbi ko wandu wose.

OTAMBAHALUO LO YOHANE 18:13

Na mso fopfamiṟa shelya; na fungi fopfamiṟa mvinyo, na shimiia shepfamya mba opuo lo mtsu na kimiia kyesungusia mshimbuo ya opfamo, na kimiia kya opfamo, na mvinyo na mafuda ha msinepfu na mso mamiri na ngano njili, na mbe, na machondi na frasi na magari na masinga hawo na mrima yawo.

OTAMBAHALUO LO YOHANE 21:27

Indi orio kiwichuo kyose kyechiida nahopfo, manya mowuta kya wusutsu na kya wongo ote. Chila na walya wai-waṟehye ipfo kitapunyi kya moo kii kya Kidahina kilya wechiida napfo.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.