1TIMOTEO 1:1 - Bibilia Kui Mdedie fo Kimochi

¹ Inyi Paulo njii msu o Kristo Yesu kui iwawaso lya Ruwa mkiṟi odu na lya Kristo Yesu mowedo nyiso.

1TIMOTEO 1:1 ပူးပေါင်းရင်းမြစ်များ

SHIIMBO SHA DAWIDI 106:21

Wakahadima Ruwa, mkiṟa owo, alewuta shinene kulya Misri.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 43:11

Inyi ee da, inyi nyi Mndumii ngoseṟa yako kuwode ungi pfo.

YESAYA 43:3

Kipfa inyi nyi Mndumii-Ruwa opfo; njii Mwele kopfo iyo Israeli, mkiṟa opfo, ngawuta Misri iwe njoko na Kushi hamu na Seba kipfa kyapfo.

YESAYA 45:15

Nyi lohi iyo nyi Ruwa ulya ekeṟika mbihu fopfo, Hoi Ruwa o Israeli mkiṟa.

YESAYA 45:21

Onguonyi mbonyi, hambenyi oloho; ee da! Wadenyi chila kimu; nyiu aleloṟa ishi wokia mboko? Nyiu aleonguo mbonyi oo mawookionyi? Chi inyi Mndumii? Manya kulawode Ruwa kota inyi; Ruwa menyi wulohi, mkiṟa; kulawode ungi ngoseṟa yako.

YESAYA 49:26

Iwo wekekuwonyia njechiwarutsa nyama tsawo wawenyi, nawo wechinango kui samu yawo wawenyi wainyo, cha mvinyo fo kipfuo; wandu wose wamanye ke inyi nyi mkiṟa opfo njii Mndumii menyi Matoṟito o Yakobo.”

YESAYA 60:16

Nochionga maruwa ha mkambo, nochionga mawee ha wamangi; Na iyo nochimanya ke Inyi nyi Mndumii Mkiṟa opfo, Na Mkiṟa opfo, menyi Matorito o Yakobo.

YESAYA 63:8

Kipfa nalehamba, “Nyi kya lohi iwa nyiwo wandu wako, wana walawode mtambo; kawa mkiṟa owo.”

HOSEA 13:4

Mndumii-Ruwa nyi ahamba adi; “Inyi nyi Mndumii-Ruwa njii Ruwa onu, ambuya nyi njilewawuta kulya Misri, manya kuwode se ruwa ungi sile na inyi, manya kuwode se mndu echiidima iwakiṟapfo.

LUKA 1:47

Na mumuyo foko fukakesekia Ruwa ai mkiṟa oko.

LUKA 2:11

Kipfa ili momefeeyo mkiṟa inu; nao nyi Kristo Mndumii kulya mṟinyi fo Dawidi.

MAWUTO HA WASU 9:15

Kya indi Mndumii kambia, “Wada njia uhende-pfo, kyamba o ichu nyi anjikerye kisha kyako ndekisambuṟa nahende iduo rina lyako sumuhana na wandu wa masangeny na wamangi na wana wa isiraeli.

WAROMA 1:1

Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

1 WAKORINTO 1:1

Inyi Paulo njii msu o Kristo Yesu njiimsambuṟe njido kui kyama kya Ruwa, so na Sostene manowama.

1 WAKORINTO 9:17

Cha kipfa ngatana iki kui ikunda lyako njiwode woṟunda woko. Kokoya kilai nyi ikunda lyako, kya indi wukaṟa wu na njimdambikye.

2 WAKORINTO 1:1

Inyi Paulo njii msu o Kristo Yesu kui kyama kya Ruwa, so na Timoteo manowama loiṟikiṟa siṟi ya Ruwa ikeri ipfo Korinto kimu na waele wakeri orukenyi lo Akaya wose.

WAGALATIA 1:1

Inyi Paulo njii msu, njilai msu ai mbike-ho nyi wandu manya kui mweke fo mndu mliwe, indi nyi kui Yesu Kristo na Ruwa Wande ichu alemṟutsa wapfunyi njii mbike msu.

WAGALATIA 1:11

Na ngamṟingishia nyo, wanawawama, ke ndumi iya ya sia ya okiio muleongoyo nyi inyi ikeri ya kiwandupfo.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

1TIMOTEO 1:12

Ngaana Mndumii odu Yesu Kristo mbanzi oko ili alenjikusaṟa mhendeli kanjiwika kipfuṟukanyonyi.

1TIMOTEO 2:3

Ikyo kii kicha kyeidikya ipfo ko Ruwa mkiṟi odu.

1TIMOTEO 2:7

Na inyi njiimbike-ho mwongoyi oyo na msu, ngamba mlosha molosha mkambo ya wandu kui wuidiki na wo-kiilohi ngahamba njido kya lohi njilawongisha kindo.

1TIMOTEO 4:10

Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

TITO 1:3

Kya indi matika halya haweshikie nyi alemanyisha idedo lyake kui mwongoye njiimdambikye inyi na wuitiki wo iwawasa lya mletsi odu Ruwa.

TITO 2:10

Walaṟoṟokuo, kya indi wamanyishieho wuhendeli wucha wose, kundu wawikye wupfundi wo mkiṟi odu Ruwa kiṟumi kicha kui shindo shose.

TITO 2:13

Lochiweda kiwedyo kilya kiende macha ngesa kya iwoneka lya wuitoṟi wo Ruwa ichu mnene amonyi nyio mkiṟi odu Kristo Yesu.

TITO 3:4

Matika na halya kulembonekaho woloṟu wo mkiṟi odu Ruwa na mkundie foke akunde nafo wandu aleluwonya okio.

TITO 3:6

Ichu alemlusumba echimfeṟa na mweke fo Yesu Kristo mkiṟi odu.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

YUDA 1:25

Nyio Ruwa amonyi molukiṟa so kui Yesu Kristo. Mndumii odu. Wuitoṟi nyi woke na wunene na pfinya na wukolonyi na wudedi wuweipfo maheri halawendewiko wuipfo, na ha wulalu wochikaa wudo maheri hose halunganyi. Amenyi.