1SAMWELI 8:7 - Bibilia Kui Mdedie fo Kimochi

⁷ Mndumii-Ruwa kambia, “Adanyia orio kindo wandu waikuwia; kyamba wamekuleha iyopfo, sile wanjileha inyi njilawe mangi yawo.

1SAMWELI 8:7 ပူးပေါင်းရင်းမြစ်များ

IWUKA 16:8

Mose kadeda, “Nkyo kechiwa, ili Mndumii-Ruwa echimuinenga nyama kiheri kya kyukanyi mulye, na ngamenyi mkate tane mopeleko; kyamba Mndumii-Ruwa ameicho inunuwa lyanu mulemnunuwia o; a so nyi waki? Inunuwa lyanu chi molununuwia sopfo, kyaindi monunuwia Mndumii-Ruwa.”

YESAYA 66:4

Inyi njechisambuṟa ngapo tsawo, njechiwaamtsia wuowu; kipfa lilya njilelaha waleidikia-pfo; na kiheri njilededa walenjiicho-pfo; indi walewuta mawicho oshangunyi loko, wakasambuṟa shilya njilawekundi.

YEREMIA 34:14

‘Orio maka fo mfungade, orio umu onu nechiinenga manomae mkuachie Myuda amkumbe kawa isinga ko maka iṟandaṟu. Kimuwaṟi muwalekie, walamuṟundie-se! Kyaindi waku wanu walenjiadanyia ma ideha kudu kowo pfo.

EZEKIELI 2:3

“Iyo mndu, nnjikeri ikuduma ko wana wa Israeli, ko wandu watahachie, walelekana na inyi, wo hamu na waku wawo walenjidekio mṟasa inu kudi.

EZEKIELI 3:7

Kyaindi wana wo wa Israeli, wechikuadanyia pfo kyamba ma inyi njimonyi wechinjiadanyia pfo. Wanawo wa Israeli nyi wawode mrima injiumu wakawewa waminyi.

MAITALA 22:20

Naho, Ruwa kachea Balaamu kio, kambia “Kokoya wanduwa wacha ikulaha, henda nawo kyaindi nowute ikyo njechikuwia.”

MATAYO 10:40

“Mndu echimuambya ipfo kanyi koke nyi inyi anjiambya. Na monjijambya inyi nyi aambya ichu anjidumye.

LUKA 10:16

Ulya amwicho nyio nyi anjicho inyi, na ulya amleha nyo nyi anjileha inyi; na ichu anleha inyi, nyi aleha ulya anjidumie.”

LUKA 19:14

Na wandu wa kulya mṟinyi nyi wawemsuo, wakaduma wasu ipfo numa yake wambie, ‘Lukaundi ichu naluitoṟie-sopfo.’

LUKA 19:27

Na wakituwa walya wako, walakundi njiwaitoṟie, waendenyi na iya muwarandwo-randwo njiwonyi!’”

YOHANE 13:16

Nyi lohi kya lohi ngamuwia. Kwipfo mndu isinga ang'anye mndumii olyopfo, manya mndu ai mdume ang'anye ulya alemdumapfo.

WACHILI 8:23

Gideoni kawawia, “Inyi njechiwa mnene onu ma mana oko echiwa mnene onu-pfo. Mndumii-Ruwa nyio echiwa mnene onu.”

1SAMWELI 10:19

Inu kudi monjileha inyi Ruwa onu msa njilemuashuo kuwuka ngapo na fowa tsanu; nanyo mohamba, ‘O manyale!’ Luinengenyi mangi moluchilia. Mui shisharinyi shanu na kui shiku shanu.”

1SAMWELI 12:1

Samweli kawia Waisraeli wose, “Shose mulenjiwia, njilemwadanyia. Ngawika mangi momuchilia.

1SAMWELI 12:12

Kyaindi mokiwona mangi Nahashi o Waamoni ache imupufukia, mukaleha Mndumii-Ruwa ai nyio mangi yanu, mukanjiwia, “O manyale! Mangi nyio echiluchilia.

1SAMWELI 8:22

Mndumii-Ruwa kawia Samweli, “Waadanyie nowainenge mangi.” Nahong'u Samweli kawia Waisraeli wawuye na kanyi, orio mndu na kanyi koke.

1SAMWELI 8:8

Wokia njilewawuta kulya Misri, walenjida inyi, waweiṟundia maruwa hengi mṟasa inu. Wulalu mawutoho wawekenjiwutia inyi nyiho waikuwutia iyo.