1SAMWELI 7:1 - Bibilia Kui Mdedie fo Kimochi

¹ Numa, wandu wa Kiriath-yearimu wakahenda ionduo isanduku lya Mndumii-Ruwa, wakaliduo kanyi ko Abinadabu, awekekaa mafumvuhu. Wakashimbuo mana oke o kisoṟo elaho nyi Elieseri kundu naringe isandukulyo.

1SAMWELI 7:1 ပူးပေါင်းရင်းမြစ်များ

1MBONYI TSA MAHERI 13:3

Lukaamewuta ludo, luhende ionduo isanduku lilya lya mkundana lya Ruwa odu, kipfa lulelimina lulaliwihiṟe kiheri kilya Sauli awekeri Mangi.”

SHIIMBO SHA DAWIDI 132:6

Ambuya, luleicho mbonyi tsake kulya Efrata, kiidi kya dema lya Yearimu luleiwona.

YESAYA 52:11

“Hendenyi konu, hendenyi konu, wukenyi ipfo, mulapaaye kindo kifanyi; wukenyi kiidi kyake; muwe waele nyo mukeri iduo shihia sha Mndumii.

YOSHUA 18:14

Ora lo kyukanyi lo fumvu lyo likeri ora lo seri lo Beth-horoni mṟasa fukahalukia itane foshika Kiriath-baali, ko rina lingi nyi fokelaho Kiriath-yearimu, mṟifu nyi fui fo oshari lo Yuda. Ifu nyifo fuwei mṟasa fowo ko ora lo kyukanyi.

YOSHUA 9:17

Nalyo Waisraeli wakapfunga kyaṟo handu ha mfiri iṟaṟu wakashikia mṟi iya yawo. Mṟi yo nyi Gibeoni, Kefra, Berothi na Kiriath-Yearimu.

1SAMWELI 6:21

Waleduma ndumi ikahenda ko wandu wa mṟinyi fo Kiriath-yearimu wahambe, “Wafilisti wamewihiṟa isanduku lya Mndumii-Ruwa, nchonyi muche ilionduo.”

1SAMWELI 7:2

Wokia mandi isanduku lya Mndumii-Ruwa liledao mṟinyi fo Kiriath-yearimu kuleidaho kiheri kileshe, cha maaka makumi hawi kudi. Kiherikyo Waisraeli walelilia Mndumii-Ruwa.