1SAMWELI 6:17 - Bibilia Kui Mdedie fo Kimochi

¹⁷ Wafilisti waledika sanamutso tsitanu tsa sahabu tsa maode ko Mndumii-Ruwa shiwe mwano fowuto wunyamaṟi wowo, sanamu imu kipfa kya mṟi fumu: mṟi fo Ashdodi, mṟi fo Gaza, mṟi fo Ashkenoni, mṟi fo Gathi na ko mṟi fo Ekroni.

1SAMWELI 6:17 ပူးပေါင်းရင်းမြစ်များ

2SAMWELI 1:20

Manya mlawie mbonyi tsi ko wandu wa mṟi fo Gati na Ashkeloni; kipfa nochichihiṟa waka wa Wafilisti, na wana wa kika wa wandu walawadine.

2SAMWELI 21:22

Iwa wose wana walewoho nyi mbahanyi tsa Dawidi, wawekeri wa oshari lo Warefai wa Gathi.

2WAMANGI 1:2

Ahazia kaoloka kiidi kya itiṟisha lya kiṟiha kya koṟofeni, kiidi kya Samaria, kafaṟika mnu. Kyasia Ahazia kaduma ndumi, “Hendenyi muwese ko Baal-zebubu, Ruwa o Ekroni, ke, ‘Njechia ndaaṟe ii?’”

2MBONYI TSA MAHERI 26:6

Kyasia Uzia kakure kakapana shida na Wafilisti, kawunduo njomombo tsa mṟi ya Gathi, Yabne, na Ashdodi. Kawika mṟi orukenyi lo Ashdodi na kungise orukenyi lo Filistia.

YEREMIA 25:20

Na wandu wose walesangana hamu na wamangi wose wa oruka lo Uzi, na wamangi wose wa oruka lo Wafilisti, na Asheri, na Gaza na Ekroni na mtsuhaṟo fo Ashdodi.

WALEWI 5:7

Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

AMOSI 1:6

Iha nyiho Mndumii ahamba, Kwi madeko haṟaṟu ha Gaza, ee, kipfa kya haana, njechiima nyashi yako ilechimhoyapfo; kipfa waleduo oshari loose lo wandu wai wapfungo, wawawike mawokonyi ha Edomu;

AMOSI 6:2

Idenyi itane Kalne, muwone; hendenyise Hamati ing'anyi, sokenyi itane Gati ya Wafilisti; ngesa nyo mui wecha kota mangi tsi? Ang'u mṟasa fowo fung'anyi kota mṟasa fonu?

NGUMBUO YA MAWAWASO 28:27

Mndumii-Ruwa nechimukapa na maode halya halewada Wamisri, nechimudikia shifaṟe, wuhee na ikusuwa sa mulechiidima ichia.

WACHILI 1:18

Wandu wa kishari kya Yuda walewadase mṟi ya Gaza na ora lofo; Ashkeloni na ora lofo; na Ekroni na ora lofo.

WACHILI 14:19

Naalyo mumuyo fo Mndumii-Ruwa fukachea Samsoni ko pfinya ing'anyi, kahenda mṟinyi fo Ashkeloni, kawaha wandu makumi haṟaṟu (30), numa kaduo maṟao ha mkonu mnene kainenga walya waledambuo oṟayo lulya. Kiidima kahenda ko wafee wake aichuo nyashi.

WACHILI 16:1

Mfiri fumu Samsoni kahenda mṟinyi fo Gaza, kakoyana na mka umu mmeluki kalaa nao.

WACHILI 16:21

Wafilisti wakambada, wakamtocha meso, wakamduo Gaza, wakampfunga ko pingu tsa aṟeṟa, na imwitika naṟunde iṟunda lyesaa mso ipfo kipfungonyi.

1SAMWELI 5:1

Wafilisti wamema iduo isanduku lya Ruwa, walelikudika kuwokia mṟinyi fo Ebenezeri tane mṟinyi fowo fo Ashdodi.

1SAMWELI 5:10

Ko ikyo, wakaduo isandukulyo lya Ruwa tane mṟinyi fo Ekroni. Kyaindi kiheri isandukulyo lya Ruwa lileshitsopfo, wandu wa mṟifo walekapa kitohio wechihamba, “Waluendie isanduku lya Ruwa o Waisraeli kundu so lupfe na wandu wadu.”

1SAMWELI 5:8

Waledumia wandu na isanyia wanene wose wa Wafilisti na iwawesa, “Ngesa, luwikye luda na isandukulyi lya Ruwa o Waisraeli Wanenewo wakahaluo wechihamba, ‘Duonyi isandukulyo lya Ruwa o Waisraeli mṟasa Gathi.’” Kyasia, wakaliduo tane mṟinyi fo Gathi.

1SAMWELI 6:4

Wandu wakawesa, “Lochimdaya mwano fo kiki fowuto wunyamaṟi?” Nawo wakawahaluo, “Nyi sanamu tsitanu tsa sahabu tsifananyi na maode, na sanamu tsitanu tsa sahabu tsifananyi na mbewa, orio kimu kikae handu ha mnene umu o Wafilisti, cha kipfa ndaaṟe iya ya makokoi ilediko konu na iya iya ilediko ko wanene wanu