1SAMWELI 6:14 - Bibilia Kui Mdedie fo Kimochi

¹⁴ Ikarilyo lyiwehenda woambuya demenyi lya Yosua, mndu o Beth-shemeshi. Lyekishikaho likahoṟoka kufui na iho ling'anyi. Wandu wakawunduo ikari lilya, mbau tsilya tsalyo wakahaluo ngu tsekoṟa kidaso kyemaya modonyi kya mmbe tso waletsiwika ko Mndumii-Ruwa.

1SAMWELI 6:14 ပူးပေါင်းရင်းမြစ်များ

2SAMWELI 24:18

Mfiri na fulya Gadi kahenda ko Dawidi kambia, “Kure henda kulya ko Arauna Myebusi; handu wekehuya Ngano, nosungusie ho kitaṟa kedasia Ruwa.”

2SAMWELI 24:22

Kyasia Arauna kawia Mangi Dawidi, “Duo kindo kyose okunda. A itsi na mmbe tsedasa. Duo na shindo shose lokehuo nasho Ngano na mbau tsose tsa ngada tsa mapung'a hako noatse natso modo kitaṟenyi kedasia kya Ruwa.

2SAMWELI 24:25

Dawidi kasungusia Ruwa kitaṟa kedasia handu halya, shidaso sherumatsa na shidaso sha ofoṟo. Kyasia, Ruwa kaambia shiterewo shilya kipfa kya oruka, na itirimisha ngataṟa iya iwewode oruka lulya lo Israeli.

1WAMANGI 19:21

Kyasia, Elisha kada Elia, kawuya mmbe tsilya tsake kashinja mmbe tso kakoṟa kui mashidi halya hepfungiṟana helaho nira, kahaluo ngu kainenga wandu wakalya. Kyasia kakure, kaosha Elia kawa mṟundi oke.

IWUKA 20:24

Mochinjisungusia rasio lya teri, na iyo nochilekia shidaso shapfo huyake; shidaso shemaya modonyi, na shidaso sha ofoṟo, machondi hapfo, na mmbe tsapfo, orio handu njechiwikaho ngumbuo ya rina lyako, oo nyi hondo njechikuchea na ikuwikia mboṟa.

WACHILI 21:4

Ili lya ngama wandu walekure kilawo wakasungusia rasio, wakalekia mwano yemaya modonyi na mwano ya ofoṟo.

WACHILI 6:26

Kiidima unjiwikie inyi Mndumii-Ruwa, Ruwa opfo rasio njicha iya handu hakuirie. Nduma nonjiwutie mwano fomaya modonyi kui ipung'a lilya lya kawi ochikoṟa na ngu tsa sanamu ya Ashera iya ulefunja.”

1SAMWELI 11:5

Sauli nawekeri icha awuka demenyi ario nyi mapung'a hake, kawesa, “Wandu wa nyi waki Nki ili waifihiṟa.” Wakamwongoya mbonyi wadume walya waende kuwuka Yabeshi.

1SAMWELI 20:29

Nalenjiwia, ‘Njinenga momu njihende ko wana wa wama wako, cha kipfa wakeri iwika kidaso ipfo mṟinyi, na mana o wama nakundi njikaeho. Ko ikyo kokoya kyakuchihia nenga momu njihende ko wana wa wama wako.’ Nkyo kitewe alakeri iya shelyenyi hamu naso.”

1SAMWELI 6:13

Wamangi walya watanu wa Wafilisti waletsiosha tane mṟasa fo Beth-shemeshi isambuo Ngano kulya mademenyi. Wekiambuya huye wakawona isanduku lya Mndumii-Ruwa wakachihio mnu.

1SAMWELI 6:18

Walewedikase sanamu tsitanu tsa sahabu tsa makokoi cha itala lya mṟi yose ya Wafilisti iwenjichilie nyi wanene watanu wa Wafilisti. Mṟiyo iwewode omombo luikare na shihongo shilaweshiiṟihie na omombo. Iho lilya lying'anyi lyiwei demenyi lya Yosua o Beth-shemeshi, handu walehekiaho isanduku lya Mndumii-Ruwa, nyi kiṟingishio kya mbonyitso mṟasa inu.