1SAMWELI 31:6 - Bibilia Kui Mdedie fo Kimochi

⁶ Nyi wudo Sauli alepfa, na wana wake waṟaṟu, na mndu ulya ekyemdaṟa shisha handu hamu na wandu wake wose; mkonu na ifo ifo.

1SAMWELI 31:6 ပူးပေါင်းရင်းမြစ်များ

2SAMWELI 1:1

Sauli amma ipfa, na Dawidi ammarisa iwaha Waamaleki walya, kawuya na Zikilag na ikaa pfo kiheri kya mkonu iwi.

2SAMWELI 1:12

Wakakapa, kilio, na ikuotoya mṟasa kyukanyi, kya Sauli na Yonathani, na Waisraeli na wandu walya wose wa Ruwa walewohio shidenyi mkonu fulya.

1MBONYI TSA MAHERI 10:6

Nahong'u Sauli kapfa na wana wake waṟaṟu na wandu wa mba yake wose, ma kulawadesepfo mndu o oshari loke aleidima iwa Mangi ya oruka lo Israeli.

WACHILI 9:54

Naalyo Abimeleki kalaha manake oke ekeduo shisha shake kambia, “Somuo oshu lopfo nonjiwahe, wandu walache ihamba ke njilewoho nyi mdu mka.” Manake ulya kasomuo oshu loke, kamtocha kambaha.

1SAMWELI 11:15

Wandu wose wakahenda Gilgali, na kiheri waleshikapfo, wakashia Sauli mafuda nawe mangi oshangunyi lo Mndumii-Ruwa. Wakainenga Mndumii-Ruwa shidaso sha ofoṟo. Na Sauli handu hamu na Waisraeli wose wakachihio mnu na kamu.

1SAMWELI 12:17

Ngesa! Kiherikyo chi kesambuo Ngano? Kyaindi inyi njechiterewa Mndumii-Ruwa naende ikuṟuṟuma na mvuo nanyo mochimanya na iwona ke wuwicho wonu mulewuta oshangunyi lo Mndumii-Ruwa wokukundia mangi nyi wung'anyi.”

1SAMWELI 12:25

Kyaindi mukaengeṟa iwuta mawicho, mochirumara nyo muwenyi handu hamu na mangi yanu.”

1SAMWELI 26:10

So Mndumii-Ruwachu menyi moo, nyio echimbaha amonyi, mfiri foke fopfa fochimhoya, ang'u nechikaa nahende shidenyi napfiiyepfo.

1SAMWELI 28:19

Ngoseṟa ya isho, Mndumii-Ruwa nechikuwika iyo handu hamu na Waisraeli wose mawokonyi ha Wafilisti. Ngama, iyo na wana wapfo mochikooya mui na inyi; naichekeṟo lya Waisraeli daa Mndumii-Ruwa nechiwika mawokonyi ha Wafilisti.”

1SAMWELI 31:5

Numa mndu ulya ekyemdaṟa shisha kekiwona ke Sauli amepfa, nao-daa kaolokia oshu loke kapfa handu hamu na Sauli.

1SAMWELI 31:7

Na Waisraeli wawei ora lo kawi lo pichilyo, na wengi wawei ora lo ngamenyi lo meda fo Yordani wekiwona ke Waisraeli wadicha, nao Sauli na wana wake wamepfa, walesama mṟi yawo, wakadicha. Wafilisti wakahenda ikaa kulya mṟinyi.