1SAMWELI 30:24 - Bibilia Kui Mdedie fo Kimochi

²⁴ Kuwode mndu echiidikiana na makusaṟo hanupfo! Ulya alehenda shidenyi na ulya aledeeyo kyechiringa nzohoṟa tsadu, orio mndu nechiinengo ohawi luhianyi na lo odoye.”

1SAMWELI 30:24 ပူးပေါင်းရင်းမြစ်များ

SHIIMBO SHA DAWIDI 68:12

Wamangi wa matorito waidicha, waidicha; na mndu mka ai kanyi nyi aihawa shiende shidenyi.

MAITALA 31:27

Hawenyi nzohoṟatso njohawi tsiwi ohawi lumu nlo wandu walya walehenda shidenyi na ohawi lo kawi nyilo mamiingi fose.

YOSHUA 22:8

Hawienyi wana wa wama wanu shindo shi muleshisoka wakituwa wanu.” Mose nyi alehawia kyenga kya wana na Manase oruka lo Bashani, nao Yoshua kainenga kyenga kya kawi kya wana wa Manase oruka lukeri ora lo ngamenyi lo meda fo Yordani.

1SAMWELI 22:2

Wandu wose wawewawingie ang'u wawewode masile ang'u walawei wachihie walehenda ikusanza na Dawidi. Itala lyawo liwe, cha wandu mahana haana, nao Dawidi kawa msongoru owo.

1SAMWELI 25:13

Naho Dawidi kawia wandu wake, “Orio mndu naṟae oshu loke kitsinyi.” Orio mndu kaṟaa oshu loke, nao Dawidi kaweṟaa oshu loke daa; wandu washikie mahana haana wakaoshana na Dawidi na wande mahana hawi wakakaa na nzohoṟa tsawo.

1SAMWELI 30:23

Dawidi kawawia, “Chi wudopfo lanye wana wa wama wako. Mochiidima iwuta mudo ko ikyo Mndumii-Ruwa aluinengiepfo. Naleluringa kipuo, ichekeṟo lilya lyose kaliwika mawokonyi hadu; lilya lilecha ilusaṟikia.

1SAMWELI 30:25

Wokia mkonufo Dawidi nalewika mdumbuye fo fukowa nyi iwawaso na chile kiidi kya oruka lo Waisraeli mṟasa inu.