1SAMWELI 30:16 - Bibilia Kui Mdedie fo Kimochi

¹⁶ Manakye ulya kaduo Dawidi mtano handu ichekeṟo lilya lyiwei. Wekishikapfo walekooya ichekeṟo lilya linyanyaṟikie orio handu kyamba waweliie na inyo kipfa shindo walewada kuwuka ko Wafilisti na orukenyi lo Yudaya shiwefoi, mnu nakamu.

1SAMWELI 30:16 ပူးပေါင်းရင်းမြစ်များ

2SAMWELI 13:28

Kyasia, Absalomu kadeda na waṟundi wake kawawia, “Wedenyi mṟasa Amnoni nanyo wari nanango; kiheri njechimuwia mumbahe, wutenyi kudo ma mulaowuo kindo kipfa nyi inyi ngamuwawasa.”

1MBONYI TSA MAHERI 4:43

Wakakapa na irumatsa Waamaleki wawetsuhee-pfo, nawo wakakaapfo mṟasa inu.

YOBU 20:5

mnyamaṟi nechiwona nawinga ko meeke mwangu tupu, sia ya mndu alai sumhana na Ruwa nyi ya oweṟe

SHIIMBO SHA DAWIDI 119:162

Njimchihie nyi kyasa kyapfo, cha msa aende wapfungo wa shidenyi wafoi.

IWUKA 32:6

Wakakure ngamenyi otuko wakalekia kidaso, wakaende mwano ya ofoṟo, wandu wakadamia ilya na inyo, wakakure washine.

YESAYA 22:13

Ate, sia na ikesa, na ishinja mbe, na ishinja machondi, na ilya nyama, na inyo mvinyo; lulye, lunyo, kipfa lupfa ngama.

YESAYA 9:3

Noengeṟa mkambo fo wandu, koengeṟa msiha fowo. Waichihiyo oshangunyi lopfo Cha sia kiheri kya shilimu, cha wandu wehawana shilya waende shidenyi.

1WATESALONYIKYE 5:3

Mandi waihamba, ofoṟo na owanzo, na hondo orumatso lowatumukya pereseng'u cha okoṟa lohoya mka ai mnene, walaidima idicha.

YOSHUA 22:8

Hawienyi wana wa wama wanu shindo shi muleshisoka wakituwa wanu.” Mose nyi alehawia kyenga kya wana na Manase oruka lo Bashani, nao Yoshua kainenga kyenga kya kawi kya wana wa Manase oruka lukeri ora lo ngamenyi lo meda fo Yordani.

WACHILI 8:11

Gideoni kaosha njia ya ora lo kiukanyi ii ora lo ngamenyi lo Noba na Yogbeha kakapa wandu wa mbahanyi walawekuteseheṟie.

1SAMWELI 30:14

So lulekapa Negeya, Wakerethi na ora lo Yudaya handu hamu na Negebu ya Kalebu. Mṟi fo Siklagi lulefurumatsa na modo.”

1SAMWELI 30:15

Dawidi kammbesa, “Ngesa, oidima injiduo ko ichekeṟolyoṟ.” Mana ulya kambia, “Kokoya onjiliia nyamu kui rina lya Ruwa ke ochinjiwaahapfo manya ochinjiwika mawokonyi ha mndumii ulya okopfo, njechikuduo.”