1SAMWELI 3:18 - Bibilia Kui Mdedie fo Kimochi

¹⁸ Kyasia, Samweli kaongoya Eli shose alewio, nalamṟikyeho manya kindo. Naho Eli kahamba, “O nyio Mndumii-Ruwa; nakeawutsia ikyo kyose awonyi nyi kii kicha koke.”

1SAMWELI 3:18 ပူးပေါင်းရင်းမြစ်များ

MAWOOKIONYI 18:25

Manyale, kulawute kudo uwahe mndu mcha handu, hamu na mmbicho, mndu mcha nawe cha mndu mmbicho. Manyale; Moanduya wuyana wose nade alawuta sha wusumhanyi?”

2SAMWELI 10:12

“Kyaindi makulaowuo! Lukaapane kisoṟo kundu lukiṟe wandu wadu na mṟi i ya Ruwa iladao. Na Mndumii-Ruwa naluwutie shilya shimchihiṟie.”

2SAMWELI 15:26

Kyasia, kokoya Ruwa alakunda njiwuye kuwode mondupfo; leka nakuutie chandu akunda.”

2WAMANGI 20:19

Na Hezekia kawia Yesaya, “Idedo lya Mndumii-Ruwa chando ahamba nyi necha.” Nalehamba ado kipfa nalekusaṟa, “Kitewe kilechiwa kido nyi kiki, kokoya kochiwada ofoṟo na kiringo kiidi kya mafiri ha wumangi woko.”

1MBONYI TSA MAHERI 19:13

Koikyo makulaowuo! Kyaindi lukapane kisoṟo kipfa kya wandu wadu, na ko kipfa kya Ruwa odu; na Mndumii-Ruwa nechiluwutia kilya awona kikicha koke.”

YOBU 1:21

Kahamba, “Njilewuka wusunyi wo wama njii kitaṟe, na wudo njechiwuka wuyana njii kitaṟe, na Mndumii-Ruwa nalenjiinenga na Mndumii-Ruwa naweduo, rina lya Mndumii-Ruwa liṟumisho.”

YOBU 2:10

Yobu kahaluo mka oke kambia, “Iyo nyi ukeri ideda cha umu o waka watondo. Luleambia shicha shifoi shiwukie ko Ruwa, kitewe lulehe na ishi shiwicho shiwukie koke nyi ki?” Kiidi kya shindo sho-shose, Yobu alededa wodekio Ruwa-pfo.

SHIIMBO SHA DAWIDI 39:9

Ngatsia, njetambaṟuo dumbu lyakopfo; Kipfa nyi Iyo ulehatana.

IWUKA 34:5

Mndumii-Ruwa kasoka kiidi kya ipuchi lilya, kahoṟoka handu hamu nao, kaedia rina lya Mndumii-Ruwa.

YESAYA 39:8

Naalyo Hezekia kahaluo Yesaya kambia, “Idedo lyi lya Mndumii alelideda nyi licha.” Kake kambia, “Kipfa kochikaa pfo ofoṟo na lohi kiidi kya mkonu yako inyi.”

YEREMIA 34:6

Kiidima, mwikimbi Yeremia kaongoya Sedekia, mangi ya Yuda, madedo ho hose ipfo Yerusalemu,

YEREMIA 38:14

Kuwewode kiheri mangi Sedekia awekundi iwona muikimbi Yeremia. Kyasia kaduma wandu wahende ilaha Yeremia nache naide mongo fo kaṟaṟu fo hekalu lya Mndumii-Ruwa. Mangi kawia Yeremia, “Njikundi ikuwesa idedo liliwe; ma kulanjiṟike kindo manya kimu.”

YEREMIA 42:4

Yeremia kawahaluo, “Kicha; ngaicho. Njechiterewa Mndumii-Ruwa, Ruwa onu, chandu moterewa; kindo kyose Mndumii-Ruwa echinjihaluo, njechimuwia; njechimuṟika kindo kyosepfo.”

SHILIO 3:39

A nyi wuda mndu echinunuwa, kokoya nyi akapo kipfa kya wunyamaṟi woke?

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

1PETRO 5:6

Ikyo kimwenenge mukae shi ya owoko lo Ruwa lui na pfinya kundu namwire heri lilya.

WACHILI 10:15

Kyaindi Waisraeli wakawia Mndumii-Ruwa, “Lowuta wunyamaṟi. Luwutiye chandu okunda, indi lokuterewa lukiṟe inu.”