1SAMWELI 29:4 - Bibilia Kui Mdedie fo Kimochi

⁴ Kyaindi wasongoru walya wa shida wa Wafilisti wakasuuya Akishi mnu wakambia, “Mbihiṟe nahendekaa handuho ulemnenga. Manya indii nalahende naso shidenyi, shila wudo kiheri kya ngapano neidima ihaluka na mkituwa odu. Uwonyi ke mnduchu nechiwono maanya mcha foidikiana na mndumii oke wawe wakituwa wadu ipfo shidenyi?

1SAMWELI 29:4 ပူးပေါင်းရင်းမြစ်များ

1MBONYI TSA MAHERI 12:19

Wasikari maata wa Manase waledicha Olemali lo Israeli wakakulunga na Dawidi kiheri alekulunga na Wafilisti ihenda ikapana na Mangi Sauli. Kyaindi wasongoru wa Wafilisti waleleha Dawidi na wandu wake walakihende nawo. Walehamba, “Mndu chu nyi echiidima iluwikia mtambo na ilutewa luwe kiidi kya ndenga nao nawuye ko Mangi oke o Sauli.”

1MBONYI TSA MAHERI 12:20

Kyasia, Dawidi, kahaluka kahenda Siklagi. Iha nyiho marina ha wandu waledicha Manase wakahenda iosha Dawidi: Adna, Yozabali, Yediaeli, Mikaeli, Yozabadi, Elihu na Silethai. Orio umu owo nawekeri msongoru o ichekero lya wandu kiku kimu (1,000), kya oshari lo Manase.

IWUKA 1:10

Kyasiang'u! Luwawutie sha wuṟango, walacheiengeṟeka; kukocha shida, wo walashike ikulunga na wakituwa wadu na ikapana naso, na idicha iwuka kunu orukenyi.”

LUKA 16:8

Kyasia mndumii ulya kaṟumisha mwiṟichi ulya awenyamaṟie, kipfa lilya alewuta ado na wuṟango; kipfa wana wa wuyana-wu wo wulalu nyi wa-waṟango kota wana wa sa ipfo sumuhana na kishari kyawo wawenyi.”

1SAMWELI 14:21

Waebri wawekulungie na Wafilisti, na wawehendie nawo ikambinyi, wakahaluka wakakulunga na Waisraeli wawei na Sauli na Yonathani.

1SAMWELI 27:6

Mkonu fo Akishi kamnenga mṟi fo Siklagi Ko ikyo wokia mkonufo mṟinyi fo fukawa masaa ha wamangi wa Wayahudi.

1SAMWELI 29:9

Akishi kambia, “Njiichi ke uwode mti koko inyipfo cha msu o Ruwa. Manya kudo, wasongoru wa shida wa Wafilisti wahamba, ‘Nalahende naso shidenyi manyale.

1SAMWELI 30:1

Komeidaho mkonu iwi, Dawidi na wandu wake wakawuya na Siklagi. Waamaleki wawemewada Negebu handu hamu na mri fo Siklagi wakafurumatsa na modo.