1SAMWELI 28:15 - Bibilia Kui Mdedie fo Kimochi

¹⁵ Samweli kawesa Sauli, “Nkilyi onjiwinyisha injiende na kunu huye?” Sauli kamhaluo kambia, “Inyi njiwodo nyi wukiwa wung'anyi! Wafilisti waira shida na inyi, na Ruwa najikumba mhongo; ainjihaluose kui waikimbi ang'u kui ndodopfo Nkyo kimaduma ngakulaha nokenjiwia kindo njechiwuta.”

1SAMWELI 28:15 ပူးပေါင်းရင်းမြစ်များ

SHIIMBO SHA DAWIDI 51:11

Ulanjiletsane na kyamu kyapfo, manya mumuyo opfo mwele ulanjisoke.

MFANANO 14:14

Moilachika mrimenyi nyekeihuda ohendo loke amonyi, Mndu o wusumhanyi nyekechihiyo kiidi kyake.

HOSEA 9:12

Kokoya weching'anyisha wana njechidaho manya umu na moopfo, ochia nyi lowo kyamba nyi njechiwada wawe wahumba.

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

WACHILI 16:20

Delila kawia Samsoni, “Samsoni! Wafilisti wacha ikusaṟikia!” Samsoni kakure madonyi kechikusaṟa nechikure nakukiṟe cha kuwooka. Ate alemanya ke Mndumii-Ruwa amemda pfo.

1SAMWELI 18:12

Sauli naweowoye Dawidi kyamba Mndumii-Ruwa nawei handu hamu nao, kyaindi Mndumii-Ruwa nawelekanyi na Sauli.

1SAMWELI 23:2

Kyasia, Dawidi katerewa Mndumii-Ruwa kechihamba, “Ngesa, njihende ikapana na Wafilisti wa Mndumii-Ruwa kamhaluo, ‘Ee, henda kapana na Wafilisti noashuo na mṟi fo Keila.’”

1SAMWELI 23:4

Dawidi katerewase Mndumii-Ruwa, nao Mndumii-Ruwa kambia, “Kure nohende Keila cha kipfa njechiwika Wafilisti mawokonyi hapfo.”

1SAMWELI 28:11

Mndumka ulya kammbesa, “Njikuendiepfo u.” Sauli kamhaluo, “Njiendiepfo Samweli.”

1SAMWELI 28:16

Samweli kahamba, “Nki ilyi onjiterewa njikuloshe na ate Mndumii-Ruwa amekukumba mhongo kawa mkituwa opfo?

1SAMWELI 28:6

Kiheri aleterewa Mndumii-Ruwa, Mndumii-Ruwa alededa nao manyalepfo ma kui ndodo ma kui maho hededapfo Urim na Thummim, ma kui waikimbipfo.

1SAMWELI 28:8

Kyasia, Sauli kakuilacha kaṟaa maṟao hengi, kahendapfo handu hamu na wandu wake wawi. Waleshika ko mndumkacho kio, kambia, “Kenjilashia kui waṟufu wawicho noende mnducho njechikusendia.”

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.