1SAMWELI 26:19 - Bibilia Kui Mdedie fo Kimochi

¹⁹ Kyasia, wulalung'u mndumii oko mangi, kyeadanyia madedo ha mṟundi opfo. Kokoya Mndumii-Ruwa nyio aikutetekia nonjiwaahe kyasia, nakeambia kidaso kimnenge nailache makusaṟo hake. Kyaindi kokoya nyi wandu waimṟunga, kyasia Mndumii-Ruwa nawasese wanduwo cha kipfa wamenjiwingia kuwuka kulya kyoṟenyi luleinengo nyi Mndumii-Ruwa wechihamba, ‘Kurenyi muhende iṟundia maruwa hengi.’

1SAMWELI 26:19 ပူးပေါင်းရင်းမြစ်များ

MAWOOKIONYI 44:18

Nalyo Yuda kamsembelia, kahamba, “Hoi mndumii oko, isinga lyapfo lyikekudedia idedo limu madunyi ha mndumii oko, manya nyashi yapfo ilanjiakie isinga lyapfo, kyamba iyo nyi kimu na Farao.

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

2SAMWELI 14:16

Ngacha njehia ke iyo mangi nochiicho kifihiṟo kyako na ilukiṟa na wandu wa wakundi iluṟumatsa kunu orukenyi lo Israeli.

2SAMWELI 16:10

Kyaindi, Mangi kambia, “Ngesa nkiki luwode kiidi kyako inyi nanyo wana wa Seruya? Kokoya Mndumii-Ruwa nambia, ‘Sesa Dawidi,’ nyiu wulalu echiidima iwesa nkili owuta kudo?”

2SAMWELI 16:11

Dawidi kawia Abishai na waṟundi walya wake, “Kokoya mana oko Absalomu, nakeri injiwingia nanjiwahe, nkili mṟihiyo iki Mbenyameni chu aiwuta? Mlekenyi namdume nyi Ruwa nanjisese.”

2SAMWELI 20:19

Mṟi fu fodu fukeri mcha, fo ofoṟo na mhendeli kunu Israeli. Nkili ukundi irumatsa masaa ha ha Mndumii?.”

2SAMWELI 21:3

Kyasia, Dawidi kadeda na Wagibeoni walya kawawesa, “Nyi kiki njechimuwutia kiwute oseso lu lui huya yadu, muidime iluterewia ko Ruwa naluwikie mboṟa?”

2SAMWELI 24:1

Kyasia, nyashi ya Ruwa ikadose huye ya wandu Waisraeli; katsutsuma Dawidi nawaendie ngataṟa koiitala wandu wose. Ruwa kawia Dawidi, “Henda itala wandu wose wa Israeli na Wayuda.”

1WAMANGI 22:22

Mndumii kambia, ‘Kuda?’” Kahamba, “Njechikure njiwe mumuyo o wongo dumbunyi lya waikimbi wake wose kahamba, ‘Nochimlemba, na iwinga, kure uwute kudo.’

1MBONYI TSA MAHERI 21:1

Satana kekikunda iendie Waisraeli wukiwa, katewa Dawidi naitale wandu wa Israeli na Yuda.

SHIIMBO SHA DAWIDI 120:5

Ochia loko inyi! Kipfa njilekaa kiidi kya Mesheki; Ngahaluo handu hako hekaa makidi hawi ha mahema ha Kedari.

SHIIMBO SHA DAWIDI 20:4

Nakuinenge kihianyi na kilya mrima fopfo fulangie, Na iinutsya makusaṟo hapfo, hose.

MFANANO 30:10

Kulakumbe mṟundi ko menyi oke; Nalakusese, nokooyo na owingo.

YESAYA 60:5

Na lyondi ochiwona na iwikio saa, Na mrima fopfo fochidedema na iharama; mamiingi ya ipalyipalyi yechihalutsio kopfo, Na wusuṟi wo mkambo ya wandu wochikuchea.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

MAITALA 36:7

Kundu kioṟa kya Waisraeli kilasamiṟio ko mkambo fungi; orio Mwisraeli naringe necha kioṟa kya mkambo foke.

MAITALA 36:9

Kudo kochikaa kioṟakyo kyose kechisamiṟo kuwuka mkambonyi fo Waisraeli kihende ko mkambo fungipfo. Orio kishari kya Waisraeli kechiwada kioṟa kyake.”

WAROMA 14:15

Kyamba kokoya manomayo ahenda iwichuṟo nyi mlie fopfo okechumia mhendo furio nyi ikundapfo. Manya kulawone kochidekesha kui mlie fu fopfo ichu alepfio nyi Kristo.

WAGALATIA 5:12

Poo! Aiwa waimwendie okachu lu nyi ki kyaima walakutane shitendo na kamu wo wawenyi!

NGUMBUO YA MAWAWASO 13:3

mulaadanyie madedo ha mwikimbicho ang'u mlashacho o ndodo, cha kipfa Mndumii-Ruwa, Ruwa onu, nekewaduma imuhesha kundu namanye kokoya mumkundi o Mndumii-Ruwa, Ruwa onu, na ngoo yanu yose na mrima yanu yose.

2TIMOTEO 4:14

Aleksandria mpfuru ulya alenjiwutia mawicho hafoi Mndumii echimtaa kisumhanye mawuto hake.

1SAMWELI 18:10

Ilyi lya ngama mṟufu mmbicho fowuka ko Ruwa oweṟe fukapufukia Sauli, kawooka ideda sheeṟe cha mndu awodo nyi oṟuuṟe kulya kanyi koke. Dawidi nawekeri ikapa uda chandu aweichiwie mkonu yose. Sauli nawewode pfumu owokonyi loke;

1SAMWELI 24:9

Kiidima kambia, “Nki ili okeadanyia wandu wekekuwia, ‘Ambuya! Dawidi nakundi ikuwutia kindo kiwicho?’

1SAMWELI 25:24

Kakuhutsa madendenyi ha Dawidi kyechimmbia “Mndumii oko, wuwicho wose wuche huyako inyi tupu. Ngakuterewa njidede na iyo inyi kisinga kyapfo. Ngakuterewa keadanyiawo madedo ha kisinga kyapfo.

1SAMWELI 27:1

Dawidi kahia mrimenyi, “Mkonu fumu Sauli nechikaa nanjirumatse. Kicha kicha ho koko inyi nyi idichia orukenyi lo Wafilisti. Sauli nechihutsa macha injiṟinjawia kunu kiidi kya oruka lo Waisraeli. Na inyi njechikaa na kipuo.”